Ancient Scottish ballads, recovered from tradition, and never before ...

2.56
" O weep na mair for me, ladies.
Weep na mair for me ;
Yestreen I killed my ain bairn,
The day I deserve to dee.
What need ye hech ! and how ! ladies,
What need ye how ! for me
Ye never saw grace at a graceless face,
Queen Mary has nane to gie."
;
—
"Gae forward, gae forward," the Queen she said,
" Gae forward, that ye may see;
For the very same words that ye hae said,
Sail hang ye on the gallows tree."
As she gaed up the Tolbooth stairs,
She gied loud lauchters three;
But or ever she cam down again,
She was condemn'd to dee.
" O tak example frae me, Maries,
O tak example frae me,
Nor gie your luve to courtly lords,
Nor heed their witchin' ee.