Ancient Scottish ballads, recovered from tradition, and never before ...

214
"Will ye be called a robber's wife ?
Or will ye be stickit wi' my bloody knife?
For pu'in the rose and the fair lilie,
For pu'in them sae fair and free."
"Before I'll be called a robber's wife,
I'll rather be stickit wi' your bloody knife,
For pu'in the rose and the fair lilie,
For pu'in them sae fair and free."
Then out he's tane his little penknife,
And he's parted her and her sweet life,
For pu'in the rose and the fair lilie,
For pu'in them sae fair and free.
The Duke o' Perth had three daughters,
Elizabeth, Margaret, and fair Marie;
And Mary's to the greenwud gane
To pu' the rose and the fair lilie.
She hadna pu'd a rose, a rose,
A double rose, but barely three,
When up and started a Loudon Lord,
Wi' Loudon hose, and Loudon sheen.