Ancient Scottish ballads, recovered from tradition, and never before ...

175
But up then spak the aukl gudman,
And vow but he spak wondrous saucie;-
"Ye may steal awa our cows and ewes,
But ye sanna get our bonnie lassie."
" I have got cows and ewes anew,
I've got gowd and gear already;
Sae I dinna want your cows nor ewes,
But I will hae your bonnie Peggy."
"I'll follow you oure moss and muir,
I'll follow you oure mountains many,
I'll follow you through frost and snaw,
I'll stay na langer wi' my daddie."
He set her on a gude brown steed,
Himself upon a gude grey naigie;
They're oure hills, and oure dales,
And he's awa wi' his bonnie Peggy.
As they rade out by Glasgow toun,
And doun by the hills o' Achildounie,
There they met the Earl of Hume,
And his auld son, riding bonnie.