Jahrbuch - Ostfriesische Landschaft

— 235 —
dat Affa unde Tiadeke, myn grotevader unde myn grotemoder
vorghenompt, utgheven bifcop Alberte vorfcr., hebbet ze, ere
kinderen unde ik darna den tegheden to Erdle unde to 1 ) Haga
upgheboret. Men Kenesmannen hebbet to langen tiden den
tegheden to Nesse nomen, also Kene der drier kerspelen to
Erdle, Haga unde to Nesse den vorfcr. tegheden nu to tiden
altomale heft upgheboret unde nomen. Unde ik unde Tiadeke
myn grotemoder bekennet in dessen breve, dat her Reymbert
van Norden, kerkhere 2 ) to Erdle, nicht upgheboret heft van
dessen vorfcr. tegheden, de wendages heten curtis to Erdle,
aldewile dat he kerkhere 2 ) wezen heft to Erdle, also oec velen
bedderven luden wal witlik is. Men also de teghede erst van
der kerken bracht unde nomen is, also hiir vorfcr. steyt, also
is dat noch hiirto bleven in dessen dach. Dat is oec den
gansen kerspele to Erdle witlik unde kundich, unde is dair(? 3 )
anders ghefcreven van dessen vorfcr. stucken under mynen
inghesegel, wen hiir vorfcr. steyt, dat is my unwitlik unde sta
des nicht to noch bekant. To ener bituchnisse desser vorfcr.
stucken zo hebbe ik Liward vorfcr. mynen inghefegel mit
witfcup ghehangen to dessen brive. Gheven ende ghefcr. in
den jaren unfes heren duzent vierhundert ende neghen 4 ) up
den hillighen avent sancti Johannis baptiste.
Die Rückseite hat 2 Aufschriften: 1... Lyuwardi Syrtsa in
Berum capitanei. 2. litere Lyuwardi Sy. sa..
Das grüne Siegel zeigt im Schilde einen rechtsaufgerichteten Löwen
und lässt von der Umschrift die Buchstaben E(?)LEWARDI SYT ....
mit einem kreuzähnlichen Schlusszeichen erkennen.
Original Pergament im Staatsarchive zu Hannover,
Erzstift Bremen Nr. 858.
') übergeschrieben.
') Hs.: kerkhe mit Abkürzungshaken über dem e.
3 ) Die Hs. hat statt is dair ein etwas verwischtes Wort, das wie
isair aussieht.
4 ) übergeschrieben.