DAS DORFBLATT - Der Wallbacher

20
Aktuelli Neuigkeitä vo dä Mittwochsturnerinnä
Walking in Thürnen und Wittnau
Conny Bitter
Vollmondlauf in Wittnau
Äs paari vo euis si am Zischtig
de 14. Auguscht 2012 in Wittnau
am Vollmondlauf anlässlich
zur Solidarität dr Brustkräbsbetroffene
gegenüber, organisiert
vo dr Krebsliga Aargau 5 km
glofä. De Isatz hei mir mit
gsammletä Spändä grad vor
Ort chönä abgeh, also en sehr
unkomplizierti Sach.
Mir händ in der Maria Grottä en
chlini Verschnufpausä gmacht
und debi grad no schnäll zwoi
Föteli knipset.
Es sind knapp 100 Läufer/innä
am Start gsi, wo vo de Kati
Winter (Fründin vom Baschi)
eröffnet wordä isch.
Euis het de Alass mega Spass
gmacht, sisch en wunderschönä
warmä Summerobig gsi
und zum Schluss hets für alli no
ne risigi Portion sehr gueti
Spaghetti Bolognese geh.
Glichzitig hei mir no chönä chli
Schlichwärbig für eusi Highland
Games mache.
Mir händ im Sinn s'nöchscht
Johr wieder mitzmachä, viellicht
chömä denn jo no äs paari meh
mit.
Walking Event in Thürnen
Bereits foif Tag spöter, am
Sunntig dä 19. Auguscht 2012
isch scho wieder en Delegation
vo de Mittwuchsturnerinnä bi
Zitä unterwägs gsi, mir sind an
Walking Event nach Thürnen
im Baselbieät gfahrä.
En vorusgseitä sehr heissä
Summersunntig (35 Grad) het
euis nid chönä ischüchterä mit-
DORF- UND VEREINSLEBEN
ämnä Shuttle Bus am morgä
am zähni an Start oberhalb vo
Thürnä gfüehrt zwärdä.
Mir sind unabhängig vo Start
und Ziel Zitmässig en wunderschöni
aber doch sehr
aspruchsvolli 8,4 km langi Walkingstrecki
im agnähmä chüälä
Wald glofä.
Nacherä wunderbar erfrüschendä
Duschi, hei mir denn s' Mittagässä
definitiv verdient.
Au das isch en tollä Lauf gsi,
wo mir allwä s'nöchschti Johr
wieder gärn wärdä über d'Startliniä
laufä.
63/2012