MuW_Nachrichten 2423

MEDIENHAUS
Juni/Juli 2024
www.waldwaerts-magazin.de
FREI-ZEIT-MAGAZIN
BAYERISCHER WALD
PASSAU UND
PASSAUER LAND
MEDIENHAUS
FREI-ZEIT-MAGAZIN
BAYERISCHER WALD
PASSAU UND
PASSAUER LAND
2 ZWIEGESPRÄCH
Hans und Gretl
von Rupert Berndl
Hans: Griaß di Gretl.
Gretl: schweigt
Hans: Guten Morgen Gretl,
Griaß di.
Gretl: schweigt
Hans: Ja sog amoi, was
is denn los mit dir? Warum
sagst denn nix? Redst
ebba nimmer mit mir? So
red hoid!
Gretl: I kann grad ned.
Hans: Ja warum denn
ned? Du bist doch sonst
so gschmatze.
Gretl: Weil i grad beim
Chilln bin.
Hans: Ja um Gotts Wuin!
Tschilln, is des wos Gfährlichs?
Bist krank?
Gretl: Awo! Chillen des
hoaßt sich erholen, ausruhen,
rastn, verstehst,
nix doa, faulenzn hoid.
Hans: Von was mächst de
denn du ausruhen, ha?
Mia zwoa hamma doch
eh koa Arbat, mia red ma
doch bloß mitanand über
oiss Mögliche.
Gretl: Eben! Und schließlich
is as Redn auch Arbeit!
Und wos für a anstrengende!
Des siehgst doch an de
Politiker. Der Habeck, der
Lindner und wia s' oisamt
hoaßn, de dan doch aa
schließle nix anders, ois
wia gscheid daherredn
und schmatzn und werdn
für eahna Gelaber oben
drei no hoch bezahlt. De
Baerbock zum Beispui, de
fliagt ununterbrochn in da
ganzn Weijdgschicht umanand
und labert überoi de
Präsidentn und Scheichs
die Bude voi. Drum: Reden
ist eine Arbeit, des lass i
mir ned nehma! Drum lass
mir jetzt mei Ruah, damit
i weidachilln kann.
Hans: Zum Faulenzn ham
mia zwoa koa Zeit! In Deitschland
is ma fleißig!
Gretl: Du bist denascht total
hinterm Mond! Des war
früher amoi, wia de ganze
Weijd de Deitschn bewundert
hod, weil s' so fleißig
warn! Diese Zeitn san vorüber!
Das Wort „Fleiß“ is
heid unsexy, total uncool,
verstehst! Deitschland
is heid führend bei der
Anzahl der Krankheitstage
und Teilzeitler, de
Urlaubstage und beim
Renteneintrittsalter. Und
i find des völlig in Ordnung.
De Leid is heidzudog
d'Freizeit und der Urlaub
wichtiger ois wia tagaus
tagein von der Friah bis
auf d'Nacht schuftn und
wergln. I schau ab jetzt aa
auf mei Work-Life-Balance,
genau aso, wia de junge
Leid heidzudog. Drum lass
mia jetzt mei Ruah, weil i
bei meiner Balance grad
bei Life bin.
Hans: Ja drahst jetzt vollständig
durch! Wia soi
denn des funktioniern?
D'Leid miassn doch d'Ärme
auffekrempen und
anpackn, damit s' a Geijd
verdienan zum Lebn!
Gretl: Da deischt di gewaltig,
weil grad für de junge
Leid is as Geijd heid garnimmer
so wichtig. Hauptsach
vui Freizeit. Des sehgt
doch a Blinder, dass sich
die Arbeitswelt derzeit
grundlegend ändert. Deswegn
bin i überzeugt, dass
sich die Gewerkschaftn
durchsetzn mit eahnane
Forderungen.
Hans: Was für Forderungen?
Gretl: Mehr Lohn, mehr
Freizeit und dass bloß no
vier Dog in der Woch garbat
wird.
Hans: So ein Schmarrn!
Bloß vier Dog in der Woch
arbatn! Ham de scho amoi
ebbs ghört von Arbeitsmoral?
Und außerdem langat
doch der Verdienst dann
hint und vorn nicht zum
Leben, do kamat doch
kein Mensch mehr über
die Rundn!
Gretl: Und genau des is ja
der Trick! D'Leid kriagn
dann genau sovui, ois wia
wenn s' fünf Dog arbatn
datn.
Hans: So ein Blödsinn! Des
klappt doch gar nie nicht!
Was moanst, wia's da mit
der Wirtschaft schneij
bergab gang! Des wär doch
volkswirtschaftlich eine
Katastrophe! Da datn unser
Regierung und unsere
Politiker niemals mit.
Gretl: Da deischt di gewaltig!
Grad de dan do mit, no
dazua wo sovui Wahlen vor
der Tür stehngan. De san
doch derzeit oisamt auf
Stimmenfang, verstehst!
Und da versprechen s'
doch jeds Moi de Leid as
Blaue vom Himme! Pfiat
di Hans und jetzt stör
mi nimmer in meiner
Work-Life-Balance.
Hans: Hoffentlich gibt se
des wieder bei dir. Pfiat di
Gretl.
Fotos: Berndl
Jetzt die neue
Sommer-
Ausgabe lesen:
Juni/Juli 2024
www.waldwaerts-magazin.de
MEDIENHAUS
FREI-ZEIT-MAGAZIN
BAYERISCHER WALD
PASSAU UND
PASSAUER LAND
Juni/Juli 2024
www.waldwaerts-magazin.de
www.waldwaerts-magazin.de