MuW Nachrichten 2405

Juli / August 2023
–unbezahlbar
MEDIENHAUS
Dezember+Januar 2023/24
www.waldwaerts-magazin.de
FREI-ZEIT-MAGAZIN
BAYERISCHER WALD
PASSAU UND
MEDIENHAUS PASSAUER LAND
MEDIENHAUS
FREI-ZEIT-MAGAZIN
BAYERISCHER WALD
PA SAU UND
PA SAUER LAND
Dezember+Januar 2023/24
www.waldwaerts-magazin.de
2 ZWIEGESPRÄCH
Gretl: Griaß di Hans.
Hans: Griaß di Gretl.
Woaßt wos mia schon seit
einiger Zeit auffoid? Dass
ma bei uns da herin am
Marktplatz, in der „Guten
Stube der Stadt“, wia unser
Buagamoasta oiwei sagt,
fast nur no oide Leid sehgt.
Gretl: Des braucht di überhaupt
net wundern! Warum
soi's bei uns in Woidkiacha
anders sei, ois wia
in sämtlichen größeren
Orten rundum!? D'Bäcker,
d'Metzger und Lebensmittelgschäfta
miassn oana
nach'm andern zuasperrn,
weil s' den Kampf gegen die
Märkte draußn verlorn
ham. Und herin können se
bloß no Einrichtungen, Institute
und Gschäfta hoitn,
de auf die Bedürfnisse der
Oidn zuagschnittn san:
Arztpraxen, Apothekn,
Zehennägelschneider,
Masseure, Sanitätsheisa…
Hans: …und d'Kiach und
der Friedhof…
Gretl: Lauter so a Zeig
hoid, des vor allem der
hochbetagte Teil der Gesellschaft
braucht.
Hans: Und deswegen
brauchst di überhaupt net
wundern, dass d' in den
Zentren der Märkte und
Städte bei uns herin im
Woid hauptsächlich bloß
no oide Leid umanandhatschn
sehgst.
Gretl: Von wegen „umanandhatschn“!
Oiso du host
scho wirkle keine Ahnung
nicht von der heutigen Gesellschaftsstruktur!
Die
Lebenserwartung is doch
in den letzten Jahrzehnten
so gewaltig angstiegn, dass
sich die 80-jährigen net
wia früher durch'n Markt
schleppn, sondern wia
Junge in eahnane modernen
Sneakers mit federndem
Schritt von Geschäft
zu Geschäft eilen.
Hans: Freile „eilen“ de, weil
s' wahrscheinle auf der Suche
nach einem Klo san!
Gretl: So ein Schmarrn! De
Oidn san heid geistig voll da
und total am Laufenden.
Hans und Gretl
von Rupert Berndl
Hans: Und überoi mischen
sa se nei und überoi
kennan sa se aus und redn
mit, ganz gleich, ob's um
's Klima, d'Migration, um
Wärmepumpn oder an
Woif geht. Lauter Veteranen,
de einfach net loslassen
kinan! Mi dat's net
wundern, wenn se demnächst
irgend so a oida
Graudara beim FC Bayern
ois Verteidiger bewerbn
tät!
Gretl: Warum denn net?
Wenn oana no guad drauf
is! Schau dir doch beispuisweis
die Rolling Stones an!
De hupfan nach wie vor auf
der Bühne umanand wia de
Junga!
Hans: Owa de Gsichter!
De Gsichter! Gfoidarat
wia a Bliseerock! Je oller,
je doller!
Gretl: Is doch schee, dass
so vui oide Leid heidzudog
no voller Energie san und
am täglichen Geschehen
regen Anteil nehmen.
Hans: Ja freile, des scho,
owa manche nehmen se
oiwei no für furchtbar
wichtig und drängen se
überoi vorn hi. Bei Konzertn,
Literaturabenden,
bei Vernissagen und den
windigstn Kaberett- und
Kleinkunstaufführungen
belegn s' grundsätzlich die
bestn Plätze.
Gretl: Mei, was so a richtiger
Golden Ager is, der is
no voll im Saft und is unternehmungslustig.
Des
siehgst doch beispuisweis
aa bei de Kreuzfahrtn mit
dene Luxusdampfer. De
meistn Passagiere, de se
so a Seereise in d'Karibik
oder zum Nordkap zuatraun,
san jenseits der 80.
Hans: Hauptsach a
Schiffsarzt is an Bord von
so am Rentnerdampfer
und d'Kranknstation is
auf dem neuesten Stand
der geriatrischn Medizin.
Gretl: So ein Blödsinn!
Is doch schee, dass se de
oidn Leid heid fit hoitn. De
gehngan in die Fitnessstudios,
bevölkern d'Goifplätz
und d'Yogamattn und san
längst auf den Tennisplätzen
eine ernsthafte Konkurrenz
für die Junga.
Hans: Offensichtlich hod
ma's dann schafft, wenn ma
in einem Alter is, in dem
oam nix mehr peinlich sei
muass.
Gretl: So ein unverschämter
Krampf! Soiche Leid
ham hoid altersmäßig einfach
einen guten Reifegrad
erreicht. Vui schaffn des
alloa durch regelmäßige
Dehnübungen oder weil
sie konsequent zurückgreifen
auf die bewährten
Trainingsmethoden ihrer
Physiotherapeuten…
Hans: …den hochverehrten
Göttern des Bindegewebes!
Gretl: Oiso, über de lass i
nix kemma! De tragn nämlich
ganz wesentlich dazu
bei, dass unsere oidn Leid
fit bleibn und zum Beispui
bis ins hohe Oita radlfahrn
kinan.
Hans: Des stimmt! Und de
Junga ham grad z'doa, dass
ned von so einem flottn
Senioren auf seim E-Bike
umgenietet werdn. Pfiat
di Gretl.
Gretl: Oiso des beste Beispui
für so einen forschn
Oidn des bist scho du!
Jetzt hast scho fast 200
Jahr auf'm Buckl und redst
oiwei no furchtbar gscheid
daher. Pfiat di, mein lieber
uroider Hans.
Fotos: Berndl
Dezember+Januar 2023/24
www.waldwaerts-magazin.de
www.waldwaerts-magazin.de
FREI-ZEIT-MAGAZIN
BAYERISCHER WALD
PA SAU UND
PA SAUER LAND