BwB 05-98 Basel und der Ochse

BASELDYTSCH
Wie stier isch der Oggs?
S het dreymool glitte an der Huusdii -
re. Voruss isch e Maa gstande, wo
frintlig uff Schwäbisch griesst het. Aer
isch mit eme riisige Koffer uusgrischtet
gsii und het miir verzellt, ass är do
abgmacht haig uff die Zyt. Vermuetlig
het är die Zuesatzergläärige abgää,
will er gseh het, wien ych en e wee ne -
li kurioos gmuschteret ha. My Brue der
und ych hänn sälbetsmool e Jung -
gsellehuushalt gfiehrt. Unglych sinn
by der Fuusion d Kontiständ gsii; y ha
derte miesse luege, ass unseri Huushaltigskasse
nit laufend läärgstanden
isch. Ainewäg hänn miir is nadyrlig
ebbenemool ebbis gennt. Au my Brue -
der, wo doch e baar Johr elter isch, het
mänggmool unkontrolliert zuegschlaa -
ge.
Sälle Nohmidag het er ämmel frey gnoo
gha. Y ha gwisst worum. Gly druff aabe
isch nämmlig sy Speezi koo, und
ych ha d Fingge glopft und bii uff d
Arbet. Won y zoobe haimkoo bii, han
y numme no der Gschmagg vo Sigarettli
gschmeggt. Derzue e Wohnstube,
wo uus alle Ritze Wyyfass-Parfüm ab -
gää het. Sicher hänn die drey e kumm -
lige Nohmidag gha, will dä mit de
Kof fere nämmlig e Wyyverdrätter gsii
isch uus der dytsche Noochberschaft.
S isch nie uuskoo, wievyl Guttere sälle
Nohmidag druff gange sinn. Jeedefalls
isch my Brueder spoot haimkoo
und am Rumple aa au nimme ganz
niechter.
Am andere Morge – s isch e Samschtig
gsii – het er fascht nyt Zmorge gnoo
und allewyl sy Kopf uffgstitzt: «Ych
Hornoggs, ych dumme Siech, esoone
Saich. Y ha sovyl Männli im Grind, wo
umme-seggle und e Stuehl sueche zum
Sitze, sovyl Stiehl git s gar nit.» Noh
der Wyydeguschtation syyg är mit sym
Speezi no uff d Gass. Sii haige alles
durenander gsirpflet, derzue no graucht
und digg aagää mit Sigaare. Sälle
Samschtig het s halt Tee gää, Alkaseltz -
er und kai Wyy zum Aesse. S isch
Granggekoscht-Dag uff em Kaländer
gstande – unfreywillig au fiir mii...
Won y am ene scheene Dag iiber der
Midag haimkoo bii, bin y bym ene
Hohr zur Salzsyyle yygfroore. Was
isch das? D Huusdiire isch mit groosse
Kartonkischte verbarrikadiert gsii.
Y ha zerscht miessen e baar Schachtlen
uff d Sytte byyge. Derby isch s
miir gsii, wie wenn ych dyttlig e baar
Fläsche gheert haig, wo anenander
botscht sinn. Der Absänder isch e Wyy -
handlig im Dytschen ääne gsii und
der Liiferschyn het Wyynämme druff
gha, won y no nie gheert gha ha. Sälbetsmool
sinn d Wyy uus der Noochberschaft
qualidativ nonig esoo gsii,
wie me sii hitten aadrifft. Der -sten
het mit unsere sympathische Noochber
waissgott langi Johr in der Zyttig
Färnkirs gmacht iiber guete Wyy und
Zugger und so. Item: Ych bii aigetlig
allewyl e Verehrer vo unsere Schwyzer
Wysswyy gsii, e scheene Waadtländer
het miir ganz gheerig gschmeggt
– au hitte no.
Der Brueder het nit vyl derzue kenne
saage, ob är sich emänd in der Mängi
vo der Bstellig verschetzt haig. Nai,
nai, är haig aigetlig by vollem Bewusst -
syy wellen e guete Wyykäller aaleege,
das däte miir doch bruuche, miir, won
esoo vyl Bsuech haige, bsunders au vo
der Fasnachts-Glygge här, d Pfyffer
haige jo bekanntlig allewyl Durscht,
au wenn sii nit miesse pfyffe. Rächt
het er gha.
Wo d Rächnig koo isch, het is die fascht
in d Kischte brocht. Y ha scho gseh,
der Guggugg an der Diire glääbe und
miir im Schällemätteli Galakääsli uff
s hart Brot stryyche. Mit Stottere und
gnäädige Brief hänn mer die finanzielli
Myseere kenne abwände. Derfiir
hänn unseri Gaischterstunds-Gescht, wo
no Durscht gha hänn, miesse zuggersiesse
Bluttfiidle-Wyy (Nacktarsch)
dringge, und zwor nit weenig. S isch
wyt iiber e Johr gange, bis die Dytsche
Wyy-Etigette uusgange sinn. Wo miir
der erscht Waadtländer-Schlugg inhaliert
hänn, han y gmaint, y dät e Kupferblätz
sirpfle, esoo ruuch isch er gsii.
By der zwaite Guttere het s dernoo rabiat
besseret.
Was miir derte glehrt hänn: Au Horn -
oggse kenne stier wärde...
Armin Faes
BwieBasel 5/98 29