Verkauf und Implementierung von betriebswirtschaftlichen Softwarelösungen Programmsupport und individuell Schulung Seite 12
Dr Pächvogu vor Wuche Im Schpiu gäge SC Worb, es louft die 89. Minute und es schteit 2:2, foulet e Worber dr Marco Kocher u schteit ihm pär Exgüsse no uf's'Chnöi. Dä arm Cheib het päägget wie ne Moore und blybt ligge. Nenei, müed isch är nid gsy und nümme möge geit bim Marco scho grad gar nid, bygoscht nei! We dä blybt ligge, de muesch nid grad am Lycheschmuggler aalüte, aber de isch beschtimmt öppis gröbers passiert. Das het dr Marco vo sym Vater, dä isch aube no uf eim Scheiche schnäuer gsy aus si Gägeschpieler, u wenn's de gar nümme g<strong>an</strong>ge isch, de isch är haut uf de Chnöi wyter und het probiert ne no z'packe. Item, wie<strong>der</strong> obe aachnüpfe. Auso dr Marco liggt am Bode u dä vo Worb was gisch was hesch uf ds Büregou zuegsecklet und nächhär macht dä fräch Cheib no ds zwöi zu drü. Do fäut doch e wichtige Protagonischt? Genau, dr Schiri! Nei, dä isch nid hingerem Damm go es Gschäftli verrichte, dä isch uf em Bitz umegfurzet und het versuecht, aues was y churzer Zyt passiert isch, is Fadechörbli z'tische. Und nei – unmüglech es Foul – es isch jo nume z'vor<strong>der</strong>e Chrüzb<strong>an</strong>d grisse. Wenns Foul wär gsy, de wär z'hingere Chrüzb<strong>an</strong>d, z'üssere Syteb<strong>an</strong>d, z'innere Syteb<strong>an</strong>d, z'Hoseb<strong>an</strong>d, z'Armb<strong>an</strong>d und z'Schtrumpfb<strong>an</strong>d ou aben<strong>an</strong>g. Aber äbe, "nume" z'vor<strong>der</strong>e Chrüzb<strong>an</strong>d, wägerli isch doch ke Pfiff wärt. Das isch jitz e Löu, so eine. Ds Gou het zeut, dr Marco isch gäng no gläge, d'Worber (die fräche Cheibe) hei gjublet, mir sy schier düredrähjit, eine uf em Bänkli het e Trinkfläsche verjätet, ir Buvette isch ds Bier i de Häus blybe stecke, ds Würschtli vom Hotdog isch wie<strong>der</strong> is Brot zrugg. Churz u bündig – e Schysstag. Donnschtig, 7. April 2022, dr Marco git d'Schademäudig düre. Z'vor<strong>der</strong>e Chrüzb<strong>an</strong>d isch grisse, chönnt sy, dass no öppis <strong>der</strong>zuechunnt. Das heisst operiere, dr Termin isch ou scho gnaglet. Die wärde Fröid ha ir Bude und uf de Bouschteue. Dr André Habegger hets am ne Fründschaftsschpiu vom Zwöi ou verwütscht. So viu ig ghört ha, gseht's no chley schlimmer us. Mir wünsche am Marco und am André gueti und schnäui Besserig! Seite 13