Ëlwenter Gemengebleedchen

Gemeinsam duerch de Summer
mam Jugendtreff zu Ëlwen
Dëst Joer huet d’Team vum Jugendtreff Norden sech
vill Gedanken gemaach, fir de Jonken ee flotten Summerprogramm doheem ze
bidden. Trotz den Aschränkungen, déi de Coronavirus mat sech bruecht hutt, hunn déi Jonk
vun ënnerschiddlechen Aktivitéiten an Projet’en profitéieren kënnen. Sou ass et dozou
kommen, dass mir nieft sportlechen (Sportsdag, BeActive@Jugendhaus) an kreativen (Creative Week)
Aktivitéiten an Ausflich ee Meederschersdag am Jugendhaus zu Ëlwen organiséiert hunn.
Zesummen gouf gekacht, vill geschwat, gespillt, Musek gelauschtert an bëssi gedanzt, dat ganzt natierlech
mat de virgeschriwwenen Reegelen vum Ministère. Och de Projet #heatedemotions ass vun eise Jonken aus
dem Jugendhaus Ëlwen mat ausgeschafft ginn. An dësem Projet hunn sech Jonker mat den Educateuren
zesummen gesat, fir gemeinsam ee sougenannte “Beat” auszesichen, ee Lidd iwwert hir Emotiounen ze
schreiwen, dëst Lidd opzehuelen an ze prouwen, fir domat um On Stéitsch Festival an der Stad den
19. September opzetrieden. Et war ee flotten Dag fir déi Jonk, deen si nach laang an Erënnerung wäerten
halen.
An Zesummenaarbecht mam Jugendbureau Éislek gouf an de leschten Wochen fläisseg um Projet „EIS
PLAZ VIRUM JUGENDHAUS“ geschafft. Nodeems eis Jonk des Ëfteren de Wonsch geäussert hunn, vun der
Plaz virum Jugendhaus profitéieren ze kënnen, hunn mir ënnerschiddlech Workshop’en organiséiert. Déi
Jonk haten sou d’Méiglechkeet hir eegen Iddie op Pabeier ze bréngen an zesummen ze plangen, wat méiglech
ass. Ganz flott Iddien sinn dobäi rauskommen, wou och d’Noperen spéiderhin dovunner profitéieren
kënnen. Dozou wäert an de nächsten Wochen och een Informatiounsowend organiséiert ginn, wou déi
Jonk den Awunner an den Noperen vum Jugendhaus Ëlwen hier Iddi’en presentéieren wäerten. Bléift also
gespaant, a kuckt regelméisseg an eise soziale Medien Facebook an Instagram bis lanscht. Dir fannt eis do
ënnert Jugendtreff Norden oder op 24, rue de la Gare zu Ëlwen. Mir sinn op vun dënschdes bis samschdes
tëscht 14.00Auer an 19.00Auer.
Jugendtreff Norden www.elisabethjeunesse.lu jeunesse@elisabeth.lu 99 80 18
49