Ansichten ∞ Einsichten Robert Sommerauer Helmut ... - Pixelmaker

„Ah, geh,“ sogt da Schurl, „setz di her do zu mir,
loß di net laung bitten, i zohl da a Bier”.
und ruaft: “Wirt, bring die Kort’n zum Tisch
und a poar Brezln, i hoff`se san frisch,
vergiß dabei in Karl sei Stammkrügerl net
und tumml di, sonst is olles schon z’spät!“
Jetzt steh i do, derf do net unfreindli sein,
in Schurl an Korb geben, des wär wohl gemein.
So denk i, a Bummerl is eh schnöl gspült,
i gib liaber noch, sonst werden’s no wüld
und zu zweit in an Gosthaus is jo fad,
do tät’n ma ollezwa fürchterlich lad.
Wos sull i sog’n, i gwinn und gwinn
und weil i grod so im Gwinnan drin bin,
kaunn i net aufhörn, des wär jo gaunz bled,
jetzt, wo’s beim Schnopsn gar so guat geht
und s’ Göldhäuferl vor mir immer größer wird,
übrigens san ma mit’n Sepp derwal zu viert.
Irgendwaun später, i drah grod wieder zua,
do schau i zufällig auf die Waund mit da Uhr,
uijegerl, i glaubs net und schreck i mai dabei,
inzwischen is es schon längst Ochte vorbei,
„des Bummerl no“ sog i, „daunn is Schluß für heit“,
inzwischen is die Stub’ a schon gaunz vulla Leit.
53