Ansichten ∞ Einsichten Robert Sommerauer Helmut ... - Pixelmaker

52
Der Einkauf
Neulich muaß i dringend wos kaufen,
also zu an Gschäft ins Dorf eini laufen,
so sog i da Frau, i geh gschwind furt,
in zehn Minuten bin i schon durt,
und nocha bin i z’ruck a wieder glei,
des wird so sein gegen holba Drei.
Wia i recht eilig so geh dahin,
siach i durchs Fenster im Gosthaus drin
in Schurl broat sitzn, bei an Bier
und in Maxl sei Glotzn, kimmt ma für,
glaunzt a aussi bei der Fensterscheibn,
wos de zwoa wuhl alloan do drin treibn?
I denk ma, geh weiter, host eh ka Zeit
zum trotschn über olle möglichen Leit,
ober anderer Seits werd’ i wuhl miassn
meine olten Freind ganz schnöll begriaßn,
um ihana z’sogn, dass i heit net kumm,
also auf zwa Wort, dann drah i glei um.
Wia i die Tür auf moch, ruafan’s ma zua:
„hiatzt san ma für an Dreierschnopsa endli gnua,“
i sog aber schnöll: „na, wirkli net heit,
weil i muaß weiter, hiatzt hob i ka Zeit,
i wüll z’ruck sein so uma holba Drei,
die Meine braucht zum Bocken so allerlei.