Sicher Leben 6/2006 - Die Landwirtschaftliche Sozialversicherung

Von Dage geiht dat dorum, dat de
sobenümmten Sülstverstümmler
in`n Holt, also de „Selbstwerber“
bi de Berufsgenossenschaft entgegen
veelfacher Meenung nich
versichert sind und dat de Privatisierungsdebatten
öber de LandwirtschaftlicheBerufsgenossenschaft
nu endgültig dor landt sind,
wo se hengehört, nämlich in`n Papierkorf
un et geiht schließlich
dorum, dat sick de Behauptung,
bi de Bidrägen to`r Berufsgenossenschaft
finanzierten de „Ackerburn“
de „Grönlandburn“ (oder
annersrüm) up Stammdischnivo
bewegt.
Hermann: Dag Friedrich, na wo geiht
so kört vör’n Fest?
Friedrich: Och, ik bin eegentlich ganz
tofreeden, ok wenn dat rosige Bild, dat
man upstunds von us Landwirten so
malt, för usen Hoff nich so ganz passt,
aber wi wüllt ni klagen.
Hermann: Wie wör dat denn güstern
bi`n Landvolk-Klönabend?
Friedrich: Dat wör sehr interessant un
doch sind dat jümmers wedder de glieken,
de versöken doht de Tatsachen to
verdreihen, ohne de Fakten richtig to
kennen.
Hermann: Aha! Denn lat mol wat
hören, vertell mol!
Friedrich: Also een ganz junger Berufskollege,
de meente för de Sülvstverstümmler
in`n Holt, also de so benümmten
„Selbstwerber“, dor schullen wi
use Berufsgenossenschaftsbidräge
nich för verplempern. Szüh, un dor
hett em de Landvolkgeschäftsföhrer
klipp un kloor to verstahn geben, dat
düsse Lüde in usem System gor nich
versichert sind. Tom annern ging dat
ok noch dorum, dat dejenigen eene
Bidragsermäßigung hebben wullen, de
Lohnünnernehmer beschäftigen doht.
Hermann: Na, dat Letzte is ja doch
ganz interessant.
Friedrich: Doröber is nu aber al faken
genoog informiert wordn. Dat is doch
eenfach so, dat de Lohnünnernehmer
blot för dat besünnere Risiko, dat se
hebbt, tom Bispill dörch wietere Wege
un so füdder, eenen eegenen aber minimalen
Bidrag betahlt. Un dat is tom
Bispiill för Tierhaltung un Flächenbewirtschaftung
bundeseenheitlich so,
dat de eegentliche Bidrag to`r Berufs-
16 Sicher Leben 6/2006
genossenschaft bi den landwirtschaftlichen
Ünnernehmer verblieben deiht.
Dat is ok richtig so. Wenn du dat nämlich
annersrum maken würds, denn so
würds du eene ungeheuerliche Bürokratie
anfüern, denn du musst jeden
Empfänger eener Bidragsreknung vörher
anschrieven, und dat wören alleen
in Neddersassen so ungefähr 100.000
in`n Johr. Un wenn du denn endgültig
rutkregen hest, wer de eegentlichen
Arbeiten ganz oder deelwiese makt,
de Nahber, de Maschinenring oder dat
Lohnünnernehmen, denn so würden
de annern dörch högere Bidräge belastet
un de Lohnünnernehmen z. B. würden
den högeren BG-Bidrag doch automatisch
an den Updraggeber wieter
geben. Also düsse Diskussion kann ik
langsam nich mehr verstahn.
Hermann: Wat gev dat denn anners
noch so Nee’et up dien Spezialgebiet
Sozialversicherung?
Friedrich: Och so Eeniget. Een so’n
Kerl, de up de Fohrt to eener Hochtiedsfier
nich versichert wör, hett mol
wedder rumschwadroniert, de privaten
künnen dat beter un billiger. Also
dat geiht doch bekanntlich um Arbeitsunfälle.
Wat schall dat also? Un
intwüschen hett de private Versicherungswirtschaft
ok definitiv mitdeelt:
„Die private Versicherungswirtschaft
sieht sich aktuell nicht in der Lage, bei
gleichem oder ähnlichem Leistungsniveau
eine für die Arbeitgeber (Betriebsleiter)
preiswertere Deckung anzubieten.
Die Kostensätze der Berufsgenossenschaften
liegen im Schnitt
deutlich unter denen von privaten Versicherern.
Selbst, wenn man die für
die eine Privatisierung erforderlichen
Investitionskosten außer Acht lässt,
kämen auf Dauer noch Mehrbelastungen
der privaten Anbieter durch Marketing-
und Vertriebskosten (z. B. Provisionen)
dazu.“
Hermann: Na ja, dat mit den Marketing
un Verdrievskosten is jo ok eene wunnerbore
Formulierung, anners nennt
man dat schlichtweg Verwaltungskosten
un dat ganze hett denn automatisch
eenen negativen Tatsch. Aber
good, dat kann mi nu würklich nich
mehr verwunnern.
Friedrich: Na ja, verwunnert hett mi
denn letztlich de Diskussion doröver,
de „Ackerbau“ finanziere de „Grönlandburn“
un umgekehrt. Also du
weeßt jo, dat wi in usem Kreisgebiet
beides hebbt. Ik find’ dat eenfach dorneeben,
denn so up eenanner lostogahn,
weil man ok hier de Fakten nich
kennt. Ik wör körtens bi eener annern
Veranstaltung, de de Berufsgenossenschaft
makt hett. De öberprüft nämlich
in’n Moment den Bidragsmaßstab.
Un de hebbt up ehren Arbeitsbedarfstarif
jetzt noch een Risikogruppenkonzept
rupsett un seh` mol an dor suurt
bi rut, dat sick de Risikogruppen Flächenbewirtschaftung
un Tierhaltung
fast up den Punkt genau drägen doht.
Dat heet, dat ganze Gefasel, de eene
finanziere den annern oder de annere
finanziere den eenen, hett keenen
Sinn un Verstand.
Hermman: Denn is dat ok richtig, dat
mit aller Kloorheit to seggen. Up de annere
Siet weeßt du doch aber ok, meckern
is de Stohlgang von de Seele.
Friedrich: Dor magst du viellicht Recht
hebben. Aber man schull ok dorup
achten, ob dor nich ok noch Externe
in’n Saal sitten doht. Wo doch jümmers
ganz an`n Anfang de Presselüde
mit de Bitte um „wohlwollende“
Berichterstattung begrüßt werdt. Dat
verlangt denn aber ok, so meene ik jedenfalls,
een beeten mehr Fingerspitzengeföhl
von uns sülvst un usen Berufskollegen.
Hermann: Ja, dor schull man doch al
een beeten vörsichtiger siehn. Man
mutt’n ja schließlich mit dat öffentliche
Echo leben künnen.
Foto: Knoll