Sie wollen auch ein ePaper? Erhöhen Sie die Reichweite Ihrer Titel.
YUMPU macht aus Druck-PDFs automatisch weboptimierte ePaper, die Google liebt.
Make Fasnacht GRETAgain
#Fasnacht2020 #M-Waggis #Greta
#Fridaysforfuture #Klimwandel #StadtLaufen
#dStadtzumläbe #FridaysforFasnacht
#Klimastreik #Piero #FAB #GAP #SW42
#NoplanetB #GriechischerWein
#Fasnachtforfuture #FUGRETA#Giftspritzi
In Schwede obe bin ig gstartet,
S hei e huffe Medie uff mi gwartet
Bi über d‘Nordsee gfahre,
Und denn uff em Rhy, däm wunderbare
Doch irgendwie ha ig d‘Kurve nüm
verwütscht,
Und bi in e angers Schiffli dütscht
Eso hets mi (mi Maage hets nit verdreit),
Drei Mol um die eigeni Achsee dreiht
Und denn hets (ig ghör scho wie d Zyttig mi
verhöhnt)
Mi Schiffli direkt in s’Gwässer vo dr Birs
iihnegströmt
Und jetzt bini, Gott verzeihmi, es macht mi
platt,
Gstrandet i dr Laufner Innestadt!!!
Mi Kompass spinnt und macht ei Gschiss,
Ig bi jo no schlimmer als d‘Patrouille-Suisse!
Aber löhds Euch gseit ha, liebi
Laufetaler*inne,
Au wenn ig wäg däm Klimawandel oft due
spinne
Mir miesse öbbis mache in dere Wält,
Sie wird nur no regiert vo Macht und Gäld
Drum göh au mir mit-me guete Vorschlag
vora,
Und mache d Fasnachtslatärne im Stedtli
wiedr mit eme Füürli a
Dr Strom söll verbotte werde, mir miesse
spare,
Und is Stedtli söttsch numme no mit em Velo
fahre
E Velo für d Stadtpolizei wär doch e Idee,
Es hät für alli Vorteil, ihr würdets gseh.
D Stadt-Polizischte wäre ständig us dr
Puschte, die beide
Und chönnte gar keini Buesse meh verteile.
Au dr Studer, dr Ex-Metzger, hets kapiert,
Will dä het friehner dr Hamburger im Plastig
serviert
So macht dä eifach si Lade zue,
Und het vor däm Öko-Shitstorm Rueh!
Trotz 725 Jöörli uff em Buggel,
Säg ig zu Euch, als chliine Zwuggel:
Heit Sorg zu dere wunderbare Stadt,
So fingt d’Fasnacht au i 3000 Joor no statt!
Wobi, vil lauft jo nit in däm laufende Laufe,
Hesch chum no Läde zum öbbis chaufe
Eso hei mir aber, s dönt zwar hart,
Mit em Stroomverbruuch au wieder gspart
Ig muess jetzt wittergo, muess go
proteschtiere,
Am Fritig due ig halt demonstriere
Schwänz d‘Schuel für s Klima, will öppis
angers chani nid,
Aber Hauptsach d Medie finges dr Hit!
Viel hei friehner au d’Schuel gschwänzt und
nie studiert,
Aber die hei i dere Zyt gschloofe und nit
demonstriert.
Schliesslich muesch nüt chönne und chasch
glich öppis erreiche,
Lohsch di zum Bispiel in Stadtroot wähle und
duesch dr nöchscht Laufe Step-Plan zeichne…
Oder ziehsch is Stedtli und bisch dr ganz dag
uf dr huet,
dass des grad chasch melde, wenn eine chli
lärmt, odr Musik ablo duet.
Für öppis anders het me jo denn gar kei zyt,
ah doch für e Klimastreik, chumm mach mit!
So, Leinen loos - ig muess stresse, schüscht
chummi z spoot,
ah nei, lueg, döt isch mi Papi, wo mitem SUV
parat stoht!
No öppis a d‘Telebasel-Kommentatoore Bieri
/ Hänggi:
Dass es nit zur Verwirrig chunnt, so dänk i
Möcht ig Euch uffkläre beträffend Sujetwahl
Denn dr Zämmehang, dä find sogar ig brutal:
Was het Griecheland mit Greta zdue?
Si die M-Waggis nit ganz bache oder bi dr
Sujetwahl zue?
Nei, es isch angersch: ig ha drum ebe dä
GRIECHISCH WYY
Mit ere Schweedetorte i mim Handgepäck
drbii.