Die Christkindlsingerin mit Deckblatt 1

Maximilian Schmidt Die Christkindlsingerin
„Ja,“ erwiderte Veitl, „’s wird wohl so sein, ob sie ’s aber krieg’n, is an’ andere Frag. Es
muaß a große Sach sein, weil ’s d’ Gendarm dazu brauch’n; aber die werd’n heut schwerli z’
hab’n sein, denn die fahnden scho’ seit zwoa Tag aufs böhmische Hexendeanl.“
„’s böhmische Hexendeanl?“ riefen alle. „Wer is denn dös?“
„Ja, wißt’s es Oes no’ nöt?“ fragte der Alte überrascht und erfreut zugleich, eine Neuigkeit
erzählen zu können.
„Veitl, erzähl’s uns!“ riefen alle durcheinander.
„Will’s enk erzähl’n,“ sagte dieser, „aber a Deanl muaß fürs Fenster ’naus schaun und mir
glei’ sag’n, wenn’s ebban vorbeigeh’n siehgt.“
Das geschah auch und alles drängte sich nun zum Ofen heran, wo Veitl Platz genommen
und sein Pfeifchen behaglich rauchte. Nur Waberl teilte diese Neugierde nicht. Sie zitterte bei
der Vermutung, daß Sepp ein Unglück widerfahren könnte, und allerlei Gedanken
durchkreuzten ihren kleinen Kopf. Die alte Nandl reichte dem Veitl einen Krug mit Frischbier
hin und nachdem ein Teil desselben seine Bestimmung erhalten, gab der Alte seine Neuigkeit
zum besten.
„D’ Schaumichlbäuerin von Warzenried is jüngst in d’ Woch’n kemmen und weil ’s a
Kindsmadl braucht hab’n, hab’ns a böhmisch Deanl g’nomma, dös grad im Dorf ’rumbettelt
und g’jammert hat, daß ’s nöt woaß, was ’s anfanga soll, daß ’s koane Eltern mehr hätt’ und
nirgends an’ Deanst krieget, weil’s no’ z’ kloa’ und z’ jung wär’. Der Schaumichl hat si über
dös Deanl mit den kohlschwarz’n Aug’n und sein’ mehr schwarzen als weißen G’sicht
erbarmt und hat’s als Kindsmadl bei sein’ Weib aufg’nummen. Dös Ding war guat. Dös
Deanl hat si recht gwanti (geschickt) ang’stellt und d’ Bäuerin war z’frieden in allen Stucken.
Etliche Tag drauf is dös Deanl ums Mittagläuten alloa bei der Bäuerin gwen; da hat’s auf
amal in der Stuben zu rumor’n ang’fanga und zu sausen, als wenn der Sturmwind durch d’
Fenster ’rein brauset, trotzdem, daß ’s verschloss’n war’n, und alles, was am Boden g’standen
is, hat’s umg’worfen und sogar der Korb is vom Tisch runter g’fall’n, wo ’s Weisattrag’n 3 von
der G’vatterin drin war. D’ Oar und d’ Semmeln san rauskugelt und in der Stub’n hin und her
g’sprunga und koa’ Mensch war da, der dös bewirkt hätt’. Die Bäurin is zum Sterb’n
erschrock’n, hat’s Kindsdeanl glei’ nach ’n Bauern g’schickt und eam alles erzählt. Der
Schaumichl lacht und moant, ’s wird halt irgend a Spaßvogel den dumma Stroach g’macht
hab’n und tröst’ und beruhigt so sei’ Bäurin. Am andern Tag, just wieder ums Mittagläuten,
war d’ Bäurin und ’s Deandl wieder alloa in der Stub’n. Da san plötzli alle Bilder und Spiagl
von der Wand g’fall’n und ’n Laib Brot hat’s vom Tisch g’schnellt und d’ Schüsseln san aus
der Schüsselrahm g’flog’n und in tausend Scherben z’broch’n, und neamand war halt z’
sehgn, der ’s tho hätt’. Dem Bauern, der auf der Bäurin ihr G’schroa mitten unter dem
Spektakel in d’ Stub’n kemma is, is aa glei’ anders worn, denn er hat sie nöt erklärn könna,
was dös is und woher dös kimmt. Er hat’s seine Nachbarn erzählt und da hat eam Oaner den
Rat geb’n, er soll nach Deuking gehn, dort lebt a frommer Mann, der sie in solchen
Geisterg’schichten guat auskennt, und den soll er um Rat frag’n, was bei er Sach z’ thuan.
Dös hat der Michl tho’. Der fromme Mann in Deuking hat eam auftrag’n, er soll andern Tags,
no’ eh ’s Mittagläuten angeht, scho’ in der Kindsstub’n sein und wohl Obacht geb’n auf dös
Kindsdeanl, ob’s mit ’n Anfang vom Läut’n nöt a verdächtig’s Zeichen von sich giebt, a
Zucken oder sonst was, und wenn dös der Fall und der Spuk drauf los geht, so wär dös a
Zeichen, daß dös böhmische Deanl, dem sei’ dunkle G’sichtsfarb’ eh scho’ verdächti, vom
Teufel b’sessen is und daß von ihr der Unfug herrührt. Er hat dazua g’setzt, der Michl soll
dann trachten, die Hex aus ’m Haus z’ bringa, sonst verhext ’s eam no’ sei’ Kind, sei’ Wei,
sei’ Vieh und eam selber.
„Am nächsten Tag hat der Michl seine Nachbarn z’sammg’nomma und zum Mittagläuten
san viel Leut draußen g’standen im Hof, Kopf an Kopf. Der Bauer aber is mit mehreren
3 Weisattragen nennt man die Geschenke, welche die Pate des Kindes der Wöchnerin bringt. Es besteht in einer
lebendigen Henne, einem Schilling Eier, einem Korb Semmeln und einer Portion Kandiszucker.
14