Baltische Studien. - Digitalisierte Bestände der UB Greifswald

Des Meister Cordes Lustbrunnen. 325
Proportion; auch van allerhande Derten, kruftende unnd
lopende, auch von allerhande Ardt Vagel Papegoyen und
andere, auch Vagell, die Geludt van sich geben, alse Nachtgallgesanck,
Kuckgeschrey unnd andere wunderliche Sachen mehr,
welches zusiell zu schreiben. Mhen kan auch in dem Barge
verborgen holden ehlich Musicanten, die ein lieblich Gedone
von sich geben, mit üeblicher Minscklenstemme unnd Gesänge
eder sunsten mit Seidennspiell, das die, welche dar buten sein,
mit grossem Vorwundern solches ahnhoeren solden.
Verner buten up unnd umb dem Barge soll sein die
Gottin Diana mit ihrenn Gespilen unnd Fruwenzimmer
von Zin gemacht, und soll inwendich holl sein, lebendes grosse,
unnd nach dem Lebende mit aller Gestaldt unnd Proportion
kunstlich unnd undadelich gemakett, auch also, der sie erst
sicht, nicht andcrß meinen soll, es weren lebendige Minschen;
unnd sollen alle nakcndich sein alse in einem Bade, und soll
ein Jeder insonderheidt seine egene Gestaldt unnd Proportion
Hebben. Der Gespiele eder Fruwenzimmer müssen sosse sein,
die sibende is die Gottin Diana; oben auf dem Barge soll
kamen der gewaltige Jäger Acteon mit seinen Hunden, auch
lebendes grosse, von Zin gemacht, der kiket vom Barge dall
und sicht die Gottin Diana mit ihrem Gespilen und Fruwenzimmer
nakendich, who sie sich baden unnd putzen; indeme
ihn aber die Gottin Diana gewhar wirdt, das ehr solches
nicht vermelden soll, so verwandelt sie ehn zum Hirschen,
welcher darnach von seinen egenen Hunden zerrissen wirdt,
welches die Historie im Oviäio ardtlich vermeldet unnd gibt
ein schone Vergeleichnuß.
Mhen khan auch woll ein andere Historie auß dem Oviäio
vor deise gebrauchen so mehn will, alse von dem Piramiß
unnd Tisbe, die sich ehrstechen bey dem Brunne eder was
einem Zedern nach seinem Willen gclcbet. Mhen khan auch
solches klein unnd groß machen, nach eines Zedern Begeren.
Auß und in deisem Barge springett oben unnd unden,
binnen unnd buten Wasser, unnd whor mehn solches haben
will, auch auß allen Vlomcn, Rosen unnd Grase, also das