Baltische Studien. - Digitalisierte Bestände der UB Greifswald

Des Meister Cordes Lustbrunnen. 321
Ich muß daher das Schriftstück für sich allein sprechen lassen,
es lautet 2):
Durchleuchtiger, hochgeborner Fürst, gnadiger Herr. E.
F. G. sein meine willige Dienste in Underthenigkeit bevor.
Dieweill ich ehrfaren, daß E. F. G. ein Liebhaber unnd Be-
furderer freyer Künste sein, unnd darbeneben ehrfaren, daß E.
F. G. Lust unnd Liebe zu einem schonen kunstlichen unnd
woll gemachten Lustbrunne haben sollen, also habe ich in
Underthenigkeit nicht unterlassen können, E. F. G. mitt deisem
meinem Schreibende mein meninge Kunst unnd Gelegenheit zu
Verstande zu geben. Nemblich das ich weiß, schone Lustbrunne
auf fürstliche Heuser eder in die Garden ahn zuordenen, zu
setzen unnd zu machen, idt sey van Kupfer, Zin eder Missinck,
whorvon ein Jeder die begerdt, klein eder groß, nach eines
Zedern Gefallen unnd Gudtduncken, mit allerhande schonen Figuren
von geistlichen eder weldtlichen Historien, mit vielen lieblichenn
Wassersprincken; welches gantz lustich ahnzusehende unnd
auch ein unvergencklich Warck, welches ein jeder mitt Liebe
unnd Lust ahnschaovwett, unnd bey den Nachkamen ein romblich
und vieler Minschen lebent ein gedenckwurdiges lanckwerendes
Warck.
Habe auch itzt bey mir etzliche schone Abriß eder Ver-
zeichnuß schöner Lustbrunne, auch andere, so ich alberedt ahn
fürstlichen Höfen gemacht unnd wunderlich mit Wasserleidungen
und schonen Sprincken gezirett unnd verferttigt; whorvan ich
den auch von fürstlichen Personen gudt Beweiß unnd auch
gudt Zeuchnuß habe.
Wüste woll auff E. F. G. unnd auch auf E. F. G.
Gemall Waffen einen schonen wollgeordenten Lustbrun zu machen,
darahn das gantze fürstliche Pamersche Waffen unnd auch
fürstliche Gnaden Gemall Waffen ordentlicher Weise durch-
einander ordinertt, welches einen schonen Lustbrun geben
scholde, sey der ungezweifelten Zuversicht, wan solches int Warck
Staatsarchiv zu Stettin: Wolg. Arch. Tit. 32. Nr. 211.