Baltische Studien. - Digitalisierte Bestände der UB Greifswald

174 Die colberger Klosterordnung,
alleine Gades Wort im Kloster sondern ock in der groten
Kergkenn vor und nach Mittage höre unnd dudsche Psalmen
singen helpen. Hirup wert ehr Prediger vlitig und gude
Achting geven und wen he eine edder mehr uth der Predige
mißet, edder dat se daruth gewesenn erfahret, se darumb mit
Worden strafet, soferne se nene erhefliche Entschuldigung vorthowendenn
hebbenn. Se können overst, wo se Gesundt^heit^
edder Olders halven vermögen in ehrer Oldern edder Frundinnen
Stolte sick setteun inn der groten Kergken, unndt scholen
hirover in Festen und Sondagen nicht beschveret werdenn. So
vele averst die Wergkeltage belanget, scholen sie nicht allein
des Fridages im Klosterr fondern des Dingstags und Donnerdages
ock des Middewegkens in des hilligen Geistes Capelle
predigen hören unnd dudsche Psalmen singenn helften. Die
Wergkeldage averst, idt werde geprediget oder nicht, fcholenn
sie des Dages tweimhall die Klock negen vor Mittage und des
Namiddages des Samers die Klock viere, des Winters die
Klocke drei luden lathen unnd thor Kergkenn ghaenn.
Weill idt sick overst befindet, dat weinig fullennkamen
lesen konnenn, wert u. g. F. unnd h. Rhadt finden, dat sie
idt in Kortenn lehren, mitlerwile nhademe sie dudsche Psalmen
singen konenn, schall idt so geholden werdenn. vonn Trinitatis
anthofangende:
Ceremonienn.
Wenn des Wergkeltages gelut unnd die Iungfruwen versamlet,
schall des Vormittages und Nahmiddages ein Anfangt
gemaket werden, dat man finge: „Nu bidde wi den hilligen
Geist" edder: „Ick dangke di lever Herr". Darna etwann
drey Psalmen. Dit mot dorch die Prioriße deglich vlitig bestellet
werdenn.
Idt schall ock de Prediger des Klosters wo he nicht behindert
by den Ceremonien wesenn nnd thom Beschlute eine
Collecte lesenn, edder der Koster, de stedes die Psalmen anfangen
singen schall helpen und mit der Collecte beschluten, so
der Pastor nicht gegenwartig ist.