Kerweredd 2004 - Wählemer Kerwe

Kerweparrer: Ingo Stechmann
Mundschenk: Florian Heilmann
Besonderes:
Prämierung der besten Zugnummern durch eine Jury
Ernennung von Wolfgang Pütt zum Ehren-Kerweborschd
Freitags- u. Montagstext siehe 2003

Kerweredd
(Musik: Kerwemarsch zum Einmarsch)
(Musik: Trommelwirbel zum Kerwekranz-Aufhängen)
Wem kehrt die Kerwe? – (Unser)
Vum Nawel bis zum? – (Brunser)
Un der is a noch? – (Unser)
Der heißgeliebte? – (Brunser)
Herzlisch willkumme do unne im Zelt,
In de diesjährische Wählemer Kerwewelt
Geischderdälemer, Schnerrheckler un a de Reschd,
Schäi dass ehr kumme seid zu unserm Feschd
Oalde un Junge isch begrieß eisch gerne,
In Woahle, dem Zentrum der europäischen Moderne
Besunersch willkumme haas isch a noch,
Die Kerweborschd aus Groas-Elleboch
Schäi dass ehr all do seid um de Kerweredd zu lausche,
Un eisch oan Poanne vun oannern zu berausche
Wenns eisch selbschd betrifft nemmts mit Humor,
Irgenwoann kimmt hoalt jeder mol vor
Iwwer misch will isch erschd gar net feel berischde,
Un schpar mer die Zeid fer die wischdische Gschischde
Heid werrer do zu soi macht misch froh,
Isch bin noch de gleische seit 2002
Doch zum serviern, des mäigt ehr glai,
Häb isch en naije Moann debei
De Sven werd desjoahr goanz schäi haile,
Der muss iwwer Kerwe bei de Oamis verweile
Der wou des Oamt jetzt iwwernumme hoat,
Wohnt werrer e bissel südlischer in unserm Ort
Florian Heilmoann werd er genoannt,
Als Sohn vun de Christine un em Volker bekoannt
Im Voggelschutz, beim Tennis un beim Singe,
Awwer a fer die Kerwe hoat er soin Oisatz zu bringe

Der derf misch mid Woi un Bier versoije,
Seit Freidoag, bis iwwermoje
Koa Ongschd es gäits glai werrer rund,
Awwer erscht noch woas gäije de droggene Mund
Nemmt eisch all mol ä Gloas Bier vum Fass,
Mer mache die Häls jetzt vun inne nass
Mundschenk, kumm loas disch net lumbe,
Un schenk mol voll den grouße Humbe
Awwer zuvor noch, es is koa Frooch,
Die Wählemer Kerwe, sie lebe – (Hoch)
sie lebe – (Hoch)
sie lebe – (Hoch)
(Musik: Ein Prosit der Gemütlichkeit)
Unser Jury will isch noch grieße ehr Leid,
Die warn a desjoahr nochemol bereit
Un gäwwe uns noochher doann goanz galoant,
Die beschde Umzugsteilnehmer bekoannt
De Pittsche un die Karin als polidische Freunde,
Dezu noch de Boiermoaschder vun de Gemoinde
Isch doank eisch herzlisch fer die Mieh,
Un hoff ehr kriegt die Entscheidung werrer hie
Oafach werds net, des muss mer eisch lasse,
Beim Umzug warn nämlisch alle klasse
En letschde Doank noch, woas häwwe mer Glick,
Fer die Eröffnung oan die zwo Speelmoannszigg
Jetzt kennts lousgäin, awwer isch häb Doarschd,
Un grieß noch unser Ehren- Kerweborschd
André un Jens, stimmt noch emol oi,
„Jetzt trink mer noch e Gläsel Woi“
(Musik: Jetzt trink ma noch e Gläsel Woi)

1
Oufoange will isch, wie solls oanerscht soin,
Mid unserm Männergsongveroin
Duts die Wallone aus Woahle naus treiwe,
Kennt mer e kompledi Kerweredd schreiwe
Woas die gschafft häwwe schafft sou schnell koans,
Feel Spass bei Wallonia Nummer oans
Skiliftfahrn is e schwierische Sache,
Die Erfahrung musste se im Stubaidoal mache
Do häwwe se desjoahr im Winder coambiert,
Awwer des Liftfahrn onschoinend net goanz kabiert
Oam friehe Moiend sou die Parole,
Treffe mer uns oam Lifd zum Fahrkarde hole
Un denooch dud de Chef doann dirigiern,
„Bleibt all zoamme, net dass mer uns verliern“
Doch oaner vun denne is defu gerennt,
Er wisst jo wenn mer de Mucki nennt
Bei dem is es doann a net gebliwwe,
De Andrè hoats hinnerher getriwwe
Die zwo staije schnell in die Gondel oi,
Koaner schunscht drin, ou is des foi
„Un wou sin die oannern ?“ härt mer die Frooch,
„Mach der koa Soije, die kumme noch“
Un wie se sou gucke de Bäig zoamme nuff,
Do fällt dem Mucki pletzlisch woas uf
„Guck mol do“, säigt er zum André goanz leis,
„Do fährt noch en oanern Lift, sou en Scheiß!
Un woas misch do am meischde stärt,
Is dass der uf en oanern Bäig fährt“
Un doann sehn se a wou die oannern sin,
Die hogge nämlisch do driwwe drin
Denn Doach doun se jetzt mid Suche verbringe,
Veleischd sollte se doch besser blouß noch singe
Mim Lift nunner, driwwe werrer nuf,
Highlife do basst blous oa Lied druf
(Musik: Auf und nieder)

2
Damit ehr net glaabt, des wärs gewese,
Dou isch jetzt Gschischd Nummer zwo vorlese
Kaum war die Grupp nämlisch werrer zoamme,
Noht a schunn die negschd Skiliftpoanne
Desmol wars en Sessellift,
Bei eisischem Wind es roinschde Gift
Blous schnell werrer naus un nix wie de Bäig nunner,
Bei minus fünfunzwoanzisch Groad is des koa Wunner
Doch bei dem Rauskumme aus em Sitz,
Muss mer schnell soi wie en Blitz
De Roinhold is als erschder entwischt,
Un hoat dodebai em Rednix soi Kapp verwischt
Awwer net blous die Kapp dud de Horst jetzt vermisse,
Soi Brill und die Stecke hoat er a glai fortgschmisse
Un wie er sou schennt werd er goanz uffgeräigt,
Un do hoat sen glai noch vor de Lift geläigt
Minudeloang war des Ding doann gschtoppt,
Die Gschischd vum Mucki wär jetzt schun getoppt
Mundschenk geb mol her den Woi,
Dodruf muss getrunge soi
Un fer de Horst speelt die Musik un ehr singt all mit,
„Liftfahrn ist der größte Hit“
(Musik: Liftfahrn ist der größte Hit)

3
Ehr glaabt jetzt wärs endlisch vorbei,
Es folgt Wallonia Nummer drei
Der MGV wer hätts gedacht,
Hoat a e Reis noch Sardinien gemacht
Mit de Fähre häwwe se iwwergsetzt,
Gsunge, getrunge und a feel gschwätzt
Un dass sisch sou e Fähr hie un her bewäigt,
Häwwe die goanz schäi deitlisch bemäigt
Dem Eisenhauersch Karl hoat noachts die Bloos rebelliert,
Un do is er schwoankend uffs Klo marschiert
Doch goanz plötzlisch in dem Dunkle,
Fängt des Schiff ou noch mäiner zu schunkle
De Karl will sisch oan de Wänn abstitze,
Un kimmt dodebei goanz schei ins Schwitze
Weil statt e feschdie Woand,
Hoat er en Duschvorhoang in de linge Hoand
Mit moards Gedäs un groußem Knalle,
Is er doann in a die Duschkabin gfalle
Awwer newebei, des misst ehr wisse,
Hoat er a noch die Brill vum Klo runnergerisse
Des goanze Schiff war jetzt hellwach,
Wäije em Karl soim riese Krach
Un was wern mer jetzt singe zu Wind, Sturm un Fön,
„Eine Seefahrt die ist lustig, eine Seefahrt die ist schön“
(Musik: Eine Seefahrt die ist lustig, eine Seefahrt die ist schön)

4
Isch kennt mer denge er häbts vermut,
Familie Eisenhauer is fer noch e Gschischd gut
Die Elke is nämlisch a mit kumme,
Un hoat die Hauptroll fer Wallonia vier iwwernumme
Nooch dem Stoarz vum Karl macht se koa Aach mäi zu,
Do hängt e Larer oam Schroank, die gibt oafach koa Ruh
Weil die dut, mer härts blous schalle,
Als werrer oan den Schroank drouknalle
Mit Pullis, Discher un sämtlische Sache,
Versucht se dem Krach doann e Enn zu mache
Iwwer jedie Sprosse kimmt e Duch,
Alles schlägt fehl, Versuch fer Versuch
Die Larrer macht die goanz Noacht Krach,
Do bleiwe die zwo hoalt schließlisch wach
Sou e Ding gabs zwar in jedem Zimmer,
Bei denne zwo wars awwer schlimmer
Sou kennt mer moane mit voreilische Schlisse,
Awwer eigentlisch hätt mer die Larer blous abhänge misse
Vun mer kriegt er jetzt trotz allem e Kompliment,
Sou häbt er wenigschdens nix verpennt
Un fer die zwo Reisende, die Iwwermüde,
Speelt die Musik jetzt noch „Ab in de Süde“
(Musik: Ab in den Süden)

5
Woas jetzt kimmt is wohl alle klar,
Die fünft Gschischd vun de Wallonia
Es war im Dezember, es woihnachtet sehr,
Fer de Woihnachtsmaigt misse noch Tasse her
Nooch loangem Suche, es is net zu fasse,
Finne Paula un Peder a Gliehwoitasse
Un fix wie se sin, werd a glai bschtellt,
Mim Callcenter telefoniern, es oafachschde vun de Welt
Sou schoints zunegschd, awwer der Oidruck deischt,
Als die Ware es Ungersch in de Hagenstroß erreischt
Blous zwölf Tasse statt hunnertzwoanzisch sin nämlisch kumme,
Die Paula hoat se mürrisch entgäijegenumme
De Härer oans Ohr werd werrer telefoniert,
Un mim Callcenter e Weilsche dischbudiert
E paar Doag schpäder is doann alles klar,
De Moann vun de Poschd bringt die Reschdlische a
Die Paula nimmt awwer ohnes zu mäije,
Noch e Baget mit Tasse entgäije
Zwohunnertverzisch warns doann zu derre Zeit,
Die warn jetzt fer de Wählemer Woihnachtsmarkt bereit
Erneut nimmt die Paula de Härer zur Hoand,
Un erklärt des Missgschick, goanz galoant
Doch irgendwie duts jetzt zum Chaos führn,
Un mer beginnt dodal de Iwwerblick zu verliern
Es is nämlisch werrer en Pack uf Reise goange,
Un die Paula hoat zum dridde mol Tasse empfoange
Dreihunnertseschzisch Gliehwoitasse,
Fer de Wählemer Woihnachtsmarkt des is klasse
Do breischt niemoand mäi iwwer es spüle zu schenne,
Mer hätt se groad wenn se leer sin als fortschmeise kenne
Mundschenk isch glaab mer loasse die Sänger jetzt in Ruh,
Un wende uns mol unserm Woi werrer zu
Un fer die Leischdung speelt Highlife, des is jo wohl klar,
Es lebe der MGV „Viva Wallonia“
(Musik: Viva Wallonia)

6
Genung aus de Veroinsgeschischde,
Jetzt dou isch vun Privatleid berischde
De Florian dut heid als Mundschenk die Woiflasch fiehrn,
Wiesou solle do soi Eldern net a profidiern
Die sin nämlisch mits Schoige zum Skifahrn goange,
Nooch Froankreisch, un do hoat des Problem ougfoange
In Rischdung Skilift sin se marschiert,
Do hoats de Fraue nochmol pressiert
De Volker wollt awwer net länger warde,
Er holt schun emol e Weil die Karde
Doann marschiert er goanz in Ruh,
Strebsoam uf de Skilift zu
Ougschdellt un e Weil gewart,
Kennts se doann lousgäin die grouß Fahrt
Eigentlisch will er jo koa Zeid mäi verliern,
Do fängt oaner ou zu dischbudiern
„Redd der jetzt iwwer die polidische Lage,
Orrer will er sisch bei mir iwwers Wedder beklage?“
De Volker will oafach nix wie fort,
Un vum Froanzäisische verstäit er souwiesou koa Wort
Jetzt fängt der a noch ou mid de Finger zu zaije,
Un lässt en net in de Lift oistaije
Gschloachene zwoanzisch Minude duts dauern,
Mer kennt moane er mäst vorm Lift versauern
Debei war dem Moann soi Ouliege klar,
Weil der vun de Skiliftufsischd war
UnVolker loass der oans soache, des koann gar net soi,
A bei uns kummt mer mid Ski uf de Schuldern in koan Sessellift noi
Probleme beim Liftfahrn, des gibt’s doch net,
Jetzt schun es dridde mol in derre Redd
Isch häb schun oan die Skigebiete schreiwe wolle,
Dass die fer Wählemer en Liftfahr-Oufängerkurs oubiete solle
Veeleischt schaffes ses doann noch wie im Ploan,
Un kumme zum Wesentlische, zum Skifoahrn
(Musik: Skifoan)

7
Fahrroadfahrn des is de Hit,
Weils Spass macht un hält a noch fit
Aach es Linzmaiers wolle mim Drohtäisel fort,
Vun Woahle aus in en goanz oanere Ort
De erschde Versuch gäit awwer schun schief,
„Gerhard der Saddel is feel zu dief!“
Die Elke schennt un lomediert,
Bis ehrn Moann endlisch parriert
De Saddel werd jetzt nai oigschdelld,
Un a geguggt ob schunscht alles häld
Doann gäits endlisch uf groußie Dur,
Awwer vun de Elke keine Spur?
De Gerhard fährt lässisch un goanz uscheniert,
Als vornenaus, als hätt er trainiert
Die Elke iebt täglisch fer ehr Kondition,
Jetzt kimmts se net vorwärts, woas fer en Hohn
Do fährt der Kerl als wairer weg,
Un sie riehrt sisch faschd koa Stick vum Fleck
Spät oam Owend warn se dehoam,
De Elke ehr Boa vum Stroambeln faschd loahm
De Gerhard noch fit, dut se noch fobbe,
„Soach emol warscht du noch Heidelbeern robbe?“
Awwer wie se des Road nochemol inschbiziern,
Dut soi Fraa faschd die Fassung verliern
Weil de Gerhard hoat nämlisch, des is net gelohe,
Statt de Saddel zu verschtelle die Brems ougezohe
Isch will jo nix behaubte es is net gewiss,
Awwer isch kennt mer vorschdelle, dass es Absischt gewese is
Mundschenk loass die Flasch net singe,
Dodruf muss isch oaner dringe
Un die Musik speelt jetzt fer die zwo,
„Ja mer san mim Radl do“
(Musik: Ja mer san mim Radl do)

8
Wenn beis Knappe werd renoviert,
War zu erwarde, dass woas basiert
E Schalosie uf de Balkon, des wär jo gelacht,
Häwwe die glai selwer nuf gemacht
Do werd gschafft dass sisch die Balge bieje,
Damit die Doame koa Sunn mäi abkrieje
Endlisch fertisch stellt mer feschd,
Des Ergebnis is doch eher schleschd
Sunneschutz des wär schun schäi,
Blous des Ding läft steil nuf in die Häi
Doann häwwe ses e zweides Mol brobiert,
Un die Schalosie oafach rischdisch rum mondiert
Doch do war des Problem noch net geläist,
Weil se jetzt beim Ufmache oan die Dachrinn stäißt
De Erwin un de André verliern die Luschd,
Un grieje sou longsoam rischdisch Fruschd
Zum dridde Mol werd umgebaut,
Un blouß noch uf es Glick vertraut
Doann hewwe ses gschafft, die Sunn is weg,
De Balgon is gschitzt bis ins letschde Egg
Oan Noochdeil hoats noch, die Aussicht is gschtärt,
Weil des Ding jetzt bis nunner ufs Gelänner fährt
Immerhin kenne jetzt unser Hoimwerker-Helde,
Im Summer ach emol uf em Balgon drowe zelde
Un de André derf fer sisch selbschd in die Tasde haue,
Zu Schaffe, schaffe Häusle baue
(Musik: Schaffe, schaffe, Häusle baue)

9
Wählemer läwe in Woahle, des khert dezu,
Awwer moansche finnne noachts a außerorts ehr Ruh
Un wies jetzt der Zufall groad sou will,
Folge drei Gschischde aus em Exil
Doch oans vorweg, isch soachs goanz frei,
Willes du bischd net debei
Doch e Lied,is der gewiss,
Weil nämlisch doin Geboartsdoag is
Un a de Loammersch Hoans kummt in dem Lied vor,
Der werd heid fünfunachzisch Joahr
(Musik: Happy birthday to you, Happy birthday to you, happy birthday Hoans un Willes,
happy birthday to you)
Sprettli un Sven haase die wou isch moan,
Iwwer Nacht wie de Willes in Groas-Elleboch dehoam
In de Wohnung vum Sprettli un de Angeliga,
Is es sou haas wie in Afriga
De goanze Doag schoint die Sunn ins Wohnzimmer noi,
De Rolloade schoint deffekt zu soi
Deshalb kumme die zwo Männer zum Schluss,
„Des Ding bringe mer glatt mol werrer in Schuss“
Do werd gschraubt un gehämmert woas es Zeig hält,
Damits werrer kiehl werd in de Sattlersche Welt
Nooch oinische Stunne sin se doann sou weid,
Un mache sisch fers Finale bereit
De Sprettli säigt noch zu soim Sohn,
„Mach emol zu, isch bleib uf em Balgon“
De Sven lässt vun inne de Rolloade falle,
Un des Ergebnis dut em Sprettli wäiglisch gut gfalle
Doch wie er do sou stäit defor,
Kimmt em des Goanze spoanisch vor
„Is in Ordnung Sven, mach werrer uf,
Do dringe mer jetzt oaner druf“
Doch vun inne koa Reaktion,
Ex-Mundschenk Sven is auf und davon

De Rolloade zu, soin Vadder vergesse,
Hoat der gemietlisch en Stock diefer gsesse
Trotz allem Poldern und a Schreie,
Dut de Sprettli koaner vum Balgon befreie
Vun Iwerlewensängschde un Wut geplagt,
Hoat er doann de Sprung in die Wies gewagt
De Sven hoat vun allem garnix bemäigt,
Un sisch derweil schun mol schloofe geläigt
Sprettli des Schaffe mit Studende is noch nie gelunge,
Krieje die koa gscheide Ouweisunge
Statt „mach emol runner“ des waschd du heit a,
Hättschde a nenne misse Schritt Nummer zwa
Awwer es is jo seit naischdem goanz gewiss,
Dass a die Groas-Ellebäscher Luft net fer jeden gut is
Wenn er wisse wollt wie des Malär oufängt,
Froogt de Torty un de Willes wie mer Plakate uffhängt
Mundschenk du kennschd se doi Kerwe-Pflischde,
Loass uns mol dringe uf die Exil-Schpezialischde
Un ehr stimmt all nochmol mit Highlife oi,
„Jesses, jesses, jesses noa, es werd doch nix basiert soi“
(Musik: Jesses, jesses, jesses noa, es werd doch nix basiert soi)

10
En oanere Wählemer, de Harry denn moan isch,
Der hoat soi Haisel in Owwer-Stoanisch
Doch mer is egal wou die Wählemer wohne,
Vun de Redd dou isch deshalb noch loang koans verschone
Mid de ältschde Dochder, de Elena,
Gäit de Harry zur Lesenacht soamt soiner Fraa
Die Kinner solle iwwer Noacht in de Grundschul bleiwe,
Um sisch mid Lese statt Schloofe die Zeid zu vertreiwe
Owends mid de Eltern, es is jo e Pracht,
Häwwe se doann noch e Lagerfeier gemacht
Denooch fahrn a es Plachde werrer hoam,
Un kumme sisch vor wie in em Troam
Endlisch mol werrer Ruh im Haus,
Des sieht noch em gemietlische Owend aus
Doch die Heike mäigt ball goanz vermesse,
„Harald mer häwwe do woas vergesse“
„Wiesou, die Kinner häwwe Lesenacht?“,
Säigt do de Harry iwwerzeigt un lacht
„Die Kinner?“ froogt soi Fraa un fällt faschd vum Stuhl,
A die Jingschd is doch noch gar net in de Schul
Awwer ehr wärts net glaawe, wou die Kloa war,
In de Grundschul bei Schwester Elena
Uf de Hiefahrt hoat se noch im Audo gsesse,
De Harry hoat se oans Feier gsetzt und doann vergesse
Do hoat koaner gemäigt dass die net lese koann,
Sou schnell is a noch koans oigschult woarn
Un die Kloa war noch sou rischdisch gut,
Des laigt beschtimmt oam Wählemer Blut
Bei sou strebsame Kinner aus em Hause Placht,
Koann isch blouß noch fordern „Kinner an die Macht“
(Musik: Kinder an die Macht)

11
Die dridd Exil-Schdory is oam basiert,
Der hoat sisch nooch Affelboch ausquadiert
De Kesslers Mischel macht soinre Mudder e Ehr,
Un gibt sisch jetzt a mol fer die Kerweredd her
Vor koarzem nämlisch, isch koanns eisch sache,
Hoat sisch im Garde bei denne woas zugetrache
De Seppl kennt sisch mid Pfloanze gut aus,
Un schenkt soim Sohn en Boam fer de Garde oam Haus
En Kenner waas woas es bedait,
Wenn im Garde e Edelkersch gedait
Mid feehl Mieh und voller Stolz,
Werds oigepfloanzt des edle Holz
Als de Seppl mim Groawe fertisch war,
Gibts letschde Ouweisunge, des is klar
„Mischel, wenn de lusdisch bischd,
Der oalde Boam do stäit dem Naije im Lischd
Isch glaab do kumme mer net drum rum,
Säg denn doch bei Gelegenheit um“
Gesagt getan, sou schnell wie noch nie,
Streckt de Mischel denn Boam owends noch hie
En schäine Stabel Holz do koann er sisch fraan,
Die Edelkersch koann woachse un er Heizeel schparn
Awwer als de Seppl werrer vorbei kumme is,
Is em ball runner gfalle es Gebiss
„Wou is denn der Edelkerschboam hie?“,
Dem Mischel soi Fraad war wohl doch zu frieh
Denn Boam wou er nämlisch hoat umgemacht,
Des war die Edelkersch in voller Pracht
Oans muss merm loasse, er dut net geize,
Es koann net jeder mit Edelkersche heize
Mundschenk, wou is unser Flasch,
Jetzt muss isch tringe un zwar rasch
Denn mer waas jetzt gewiss a in Affelboch,
De Holzmischel vun Woahle, der lebt noch
(Musik: Lebt denn der alte Holzmichel noch)

12
De Helge un die Elli oam Friedhouf owwedraus,
Häwwe vier oalde Reife un die misse naus
Do denkt sisch de Helge, des wär doch foi,
Die setze mer oafach in die Zeidung noi
Zwo Woche sin doann erfolglos vergoange,
Un jeden Doag war e Ouzaig in de Zeidung gschdoanne
Doch oanes Doags duts Telefon leide,
Un oaner will e Ougebot unnerbreide
Des war bevor de Helge vum Schaffe kimmt,
Weshalb soi Dochter de Herer abnimmt
Doch die froogt nur: „woas is doann lous,
Woas will der dabbede Kerl do blous
Mer hädde do e Ouzeig laafe,
Un däde Winderreife iwwer die Zeidung verkaafe
Moin Herr, do häwwe se sisch bestimmt verdou,
Moin Vadder biet blous Immobilie ou
Winderreife bei uns, hoat mer sou woas schun khert,
Probiern ses beis Guthiers, bei uns sin se verkehrt“
Wie de Helge des härt flippt er faschd aus,
Un schtellt die Dinger uff die Stroß vornenaus
Koarz druff kummt a de Schperrmill schoffiert,
Un endlisch wars doann a basiert
„Jetzt sin se fort un des noch fer umme“,
Des glaabt de Helge, blous doann is die Rechnung kumme
Elli un Helge des Geld hätt er besser ouläije kenne,
Dät er eisch friär oan eier Dochter wenne
Fer fuffzisch Euro Provision,
Klappt des a mid de Julia oam Telefon
Un die Musik speelt jetzt vun vorne nooch hinne,
Es wohl bassenschde Lied, die wern schun oans finne
(Musik: Kerwemarsch)

13
In de negschd Gschischd kummt mol werrer desjoahr,
De gräischde Gschäftsmoann vun Woahle drin vor
De Albert der dut nämlisch es goanze Joahr schpringe,
Um soi Haisel rischdisch in Schuss zu bringe
Als erschdes solle naije Fließe uf de Balgon,
Weil unne drunner do treppelts schon
Un dass do nix schief gäit holt er a glai,
Zur Hilf die rischdische Hoandwäijer bei
Denne gibt er denn Uftroach noch goanz schnell,
„Macht alles runner, sofort, uf de Stell“
In soinre Hektik, die Kundschaft stäit Schloange,
Sin die Arweider des Goanze aloa ougoange
Mim Bresslufthoammer werd de Balgon saniert,
Die loange zu, weil sem Albert bressiert
Doch sou ugfähr nooch re halwe Stunn,
Froogt die Ruth ehrn Moann „Soag, schaffe die schun?
Isch bin schun die goanz Zeid in de Wohnung drin,
Isch här a woas hämmern, waaschd du wou die sin?“
„A Fraa, mach hoalt doi Aache uf,
Uf em Balgon stäin se doch, owwe druf“
Doch wie er doann selbschd sou guggt zu dem Ort,
Fällt em uf „hoschd Reschd, die sin wäiglisch fort“
Es Schlimmschde oahnend rennt er doann,
Un guggt wou er se finne koann
Dort oukumme is er awwer net groad froh,
Mer härts blous noch graische „Do vorne, net do“
Die Hoandwäijer häwwe sisch sou ins Zeig gerisse,
Un glatt de falsche Balgon abgerisse
Un es Ergebnis is, wie solls oanerscht soi,
Jetzt räijerts doisch zwo Balgone noi
Während mer jetzt werrer zum Woi iwwergäin,
Speelt die Musik fer de Albert „I´m singing in the rain”
(Musik: I`m singing in the rain)

14
Doch de Albert koanns net loasse,
Des war net die oanzisch Bosse
Im Urlaub hoat er de Koffer schun verstaut,
Sisch a noch mol ins Meer getraut
Blous e Stiggel die Fieß benetze,
Un uf den Stoa ins Wasser setze
Zwa Schritt noch, es Wasser oan de Knie,
Doann kummt er a schun faschd bis hie
Doch oan Schritt zu feel un koarz verguckt,
Hoat en schun es Meer verschluckt
Klatschnasse Klamotte vun owwe bis unne,
De Koffer im Bus häwwe se a nimmäi gfunne
In soinre Not muss er doann leide,
Un sisch mid Klamodde vun de Ruth bekleide
Un er werd jetzt lache, wenn isch sooch wou des war,
Des war beim Ausflug vun de Wallonia
Mundschenk dodruf muss noch oaner soi,
Denn „oaner gäit noch, oaner gäit noch noi“
(Musik: Oaner gäit noch, oaner gäit noch noi)

I
II
Des wars schun werrer mid de loange Gschischde,
Jetzt dou isch blous noch in Koarzform berischde
Un die Redd wär jo net goanz komplett,
Wenn isch nix vun de Magret Kessler hätt
In Froankreisch war die Magret debei,
un woas do basiert is, des wisst ehr glai
Feschd oigedaalt warn die Plätz im Bus,
Damit jeder waas wou er sisch hiehogge muss
Beim Ausflug oans Meer staigt doann die Magret oi,
Ehrn Platz schoint awwer besetzt zu soi
„Uverschämt, stäin sie wohl uf,
Uf dem Platz hogg isch seit Deitschloand druf“
Awwer Magret du hoaschd koan Platz beschdellt,
fer alle Busse uf de Welt
Denn es kam hoalt sou wies kumme muss,
De Magret ehrn Platz war in em oannern Bus
Unsern Boiermoaschder war a zum Jubiläum in Beddarrid,
Un bringt uns e Gschischd fer die Kerweredd mit
Denn vor lauder Akde lese,
Is er wohl e bissel verwirrt gewese
Un zur Begrüßung do teilt er mid,
„Meine Damen und Herren hier in Cunit“
Veeleischd wollt er a blouß fortschrittlich erschoine,
Un es alde Europa goanz schnell veroine
Deshalb krigt er vun mer die europäisch Foon,
Un die Musik speelts Lied vun de Eurovision
(Musik: Eurovisionsymne)

III
IV
V
De Trautmoanns Joggel un soi Fraa,
Denge sisch „zum Hessedoag, do gäin mer a“
Sie häwwe doann a e Fahrt gebucht,
Un im Bus die schenschde Plätz ausgsuucht
Doch irgendwoas leeft doch verkehrt,
Weil der Bus in dem se hogge ins Taunuswunderloand fährt
Während im rischdische Bus die Plätz leer bleiwe,
Doun sisch es Trautmoanns mid de Fußballjugend die Zeit vertreiwe
Wenns Wasser net leeft hilft uff de Schdell,
Firma Unger in alle Fäll
De Erle in Fachkreise aach Unger genoannt,
Is awwer seit naischdem fer Wasserspeele bekoannt
Im Sportlerhoim dut ers moanschmol genieße,
Es Wasser mol sou mol sou ouzuschließe
Un ab un zu packt en doann a die Luschd,
Un es werd statt warm blous noch koalt geduscht
Wenn in Zukunft uf em Sportplatz mol Qualm uffstaigt,
Wisst er dass es am haase Wasser aus de Sprenkleroulag laigt
Digitalkameras sin de letschde Schrei,
Klar, do is de Killians Klaus a mid debei
Doch nooch de erschde Bilder haagt sen faschd vun de Sogge,
„Wolle die misch bis ufs letschde Hemm abzogge“
Seschzisch Euro fer en naije Film des sin koa Sache,
De Klaus dut jetzt werrer normale Bilder mache
Veeleischd hätt merm besser gsoaht vor soim Entschluss,
Dass mer denn Chip nooch em Entwickle net fortschmeiße muss
(Musik: Uiuiuiuiuiuiuiauauauauau)

VI
VII
VIII
Die Hennhöfers Hannelore hoat a sou Probleme,
Dut se sisch mol in de Fahrschduhl bequeme
Die oanern warde schun all oan de Där,
Doch vun de Hannelore kummt koa Zeische mehr
Die fährt im Uffzug als nuf un nunner,
Blouß die Där gäit net uff, woas fer e Wunner
Des Rätsels Lösung war awwer net schwer,
Do sin nämlisch sou Knepp drin newer de Där
Un wenn se unne hätt ausstaije wolle,
Hätt ses per Knoppdruck a ouzaije solle
De Heisingers Mark der nimmt soi Geld,
Un kaaft sisch mol endlisch e gscheides Zeld
Awwer beim Ufbaue, es koann doch net soi,
Basst er in des Ding gar net goanz noi
Er guggt verdutzt wie die oanner Woch,
Des Zeld hoat uf de Seid e riese Loch
Nooch loangem Probiern mäigt der Camping-Held,
„Des is jo iwwerhabt koa rischdisches Zeld“
Mark isch soag der woas hilft uf die Schnelle,
Du muschd noch sou e Stroandmuschel degäije schdelle
Em Hämmel soin Fehler wars uff alle Fälle,
Soi Lader oan den Aschd den mer absägt zu schdelle
Do hoat en a koan Schutzengel mäi gschitzt,
Veeleischt hätte Lufthoake vun Siemens genitzt
Awwer de Hämmel hoat sou soi Eigenheide,
do misse a Hunde drunner leide
Denn wehe es Hundefudder werd vorm Esse gebracht,
Doann werd a des in de Mikro warm gemacht
Mer häiwe jetzt noch mol die Glässer,
Mid Flüssischkeit rutscht alles besser
(Musik: # Ein Prosit der Gemütlichkeit)

X
IX
De Fischers Sascha dut net mäi blouß bediene,
Der koann jetzt a beim Mewelbescher soi Geld verdiene
In dem Gschäft schafft er mid Bravour,
Un erledischd a sou moanschie Reberadur
Wenn do mol e Schroankdär klemmt,
Klettert der goanz ungehemmt
Schnell in des Mewelstick inne noi,
Des koann sou schwer jo gar net soi
Vun drinne schiebt er die Där zu, es Lischd gäit aus,
Doann sitzt er drin un kummt nimmäi raus
Erschd noch oinischem Schreie kummt oaner druf,
Un macht die Där werrer vun auße uf
Gäit die Daubs Eri mol aus em Haus,
Hält ses ohne ehr Liebschde net aus
Beim Ausflug vun de Gymnastik is se reschd frou,
Sie hoats Handy debei un ruft dehoam ou
Goanz verzweifelt dut ses probiern,
Beim Alex is besetzt, der is blous am telefoniern
Am dridde Doag werd se awwer vun dem Rätsel befreit,
Uf ehrm Handy sin drei Ourufe in Abwesenheit
Die Nummer kennt se un sie mäigt sofort,
Dass se sisch die goanz Zeid selbschd ougerufe hoat

XI
XII
Bei de Freiwillische Feierwehr,
Hoats sou moansch oaner goanz schäi schwer
Beim wöschentlische Fehlalarm,
Wollde die werrer zum Haus Feist nuf fahrn
Doch plötzlisch kummt in Hebrum en Funkschpruch ou,
Un de Froanz Dostal vun Woahle, der war drou
„Florian Woahle, e Audo wär noch do,
Awwer koaner hoat Fiehrerschoi klasse zwo“
Isch froog misch misse die in Zukunft laafe,
Uns Wasser mid de Emer schlaafe
Odder dut se de Ortsbroandmoaschder jetzt schoffiern,
Un soi naijes Fahrzeig zum Feierwehr-Taxi umfunktioniern
Genung Audos häwwe mer jetzt sischerlisch,
Blous wer die noch fahrn soll verwunnert misch
Un die Musik speelt jetzt un des net blouß fer Woahle,
Wer soll denn Fuhrpark eigentlisch bezoahle
(Musik: Wer soll das bezahlen)
De Kaddels Karl hoat die erschd Sparmaßnoahme oigelaid,
Un uns e zeidloang vun Stroamkoschde befreit
Der hoat nämlisch in Hoammelboch goanz geschickt,
Mim Audo die Oambel mol umgedrigt
Leider is der Versuch awwer misslunge,
Dodrufhie is nooch Woahle die Bauschtell kumme
Un e Oambel war do a zu sehn,
De Grund zum Hoalde koan isch haid noch net verstehn
Die Schnerrheck war fertisch, im Windhouf gings wieder,
Oambelschaldung oam Boahndoamm, glai zwofach s`is gscheider
Oambeln in Woahle, Hoammel- un Groaselleboch,
Fer die oa orrer oanner Bauschdell noch
Isch fänd sou e Oambel uf de Trumm,
Wär doch eigentlisch a net dumm
Un mer sollte uns endlisch dezu bekenne,
Un die Gemoinde in Zukunft Groasoambelboch nenne

Des wars jetzt awwer mid de Kerwegschischde,
Negschd Joahr gibts werrer Naijes zu berischde
Nemmt eisch in Acht uff jeden Fall,
Awwer unser Schpione sin iwwerall
Zum Schluss will isch noch e paar Dankesworde rischde,
Oan die, die sisch fers Kerwereddschreiwe verpflischde
De Sascha, de Toni un a de Flo,
Un besunnersch de André warn fers Reddschreiwe do
Isch doank a de Musiker vun Highlife reschd gern,
Ohne eisch dät e Kerweredd blous halb sou schäi wern
Zum Schluss will isch misch oan alle Helfer wende,
Ohne die mer in Woahle net feiern kännde
Doank oan eisch Junge un Doank oan eisch Oalde,
Dass er uns helft des Feschd zu erhoalde
Un nadärlisch doank isch, wie solls oanerscht soin,
De Kerwejugend un em Sportveroin
Nooch alle Gschischde un feel Scherze,
Liegt mer awwer noch woas uf em Herze
Dodezu brauch isch unser Jury uf de Biehn,
Koa Oangschd isch will net iwwer Polidig herziehn

Es gäit um de Wolfgoang, de Pittsche vun Woahle,
Der is fer uns mid koam Geld zu bezoahle
Fünf Mol schun is er Kerweparrer gewese,
Hoat uns do howwe soi Redd vorgelese
A fer koan Bleedsinn war der sisch zu schad,
Stand fer unser Show stets helfend parat
Bis heid lebt er fer unser Kerwe,
Mid sou Leid werd des Feschd goanz sischer net sterwe
Aus dem Grund bin isch frou disch heid ehrn zu kenne,
Un will disch zum Ehren-Kerweborschd vun Woahle ernenne
Die Urkunn werd sisch glai zu där bewege,
Sie werd iwwerbroocht vun doine Kollege
Un jetzt häijwe mer all de Woi odders Bier,
Un singe noch „Pittsche wir danken dir“
(Musik: Pittsche wir danken dir, für jedie Kerb mit dir)
Bevor isch oan die Jury abgeb loasse mer noch,
Die Kerwe houchlebe sie lebe – (hoch)
sie lebe – (hoch)
sie lebe – (hoch)
(Musik: Tusch bei der Preisverleihung)
(Preisverleihung durch die Jury)
(Musik: Kerwemarsch zum Ausmarsch)
Kerweparrer Mundschenk
Boiermoaschder Reeth
Gemoinde-
siegel