Festschrift 1250 Jahre Sulzheim 2016

Ungeahnte Talente gibt es im Dorf im Bezug auf das Erzählen von „Stickelcher“.
Hier eine kleine Kostprobe!
Bei uns werd noch die Gass gekehrt –
von Hilde Friedrich
Also wann mer, wie bei uns so imme Eckhaus wohnt, uff de o Seit an de
Kreisstroß, uff de anner an de Ortsstroß, un en große Boom vorm Haus hot, so
schee der aach is, abber im Friehjahr soi Blüte un im Herbst soi Laab abwirft, do
hosche ziemlich vehl se kehre. Wann dann noch die Stroß so lang is und des
Trottoir dezu geheert, dann hosche was se due.
Aber ich hun festgestellt, dass Gasskehre aach e schee Sach is, obwohl es mit
Erbet verbunn is. Leit Dreck uff de Gass, werd bei mer gekehrt. Manchmal
mittwochs, aber meischtens samstags. En gescheite Besen, e groß Dreckschipp un
en Drickkarrn, dess brauch ich. E sauber Gass sieht doch aach ordentlich aus.
Obwohl manche Leit mohnen, ich soll doch de Dreck leie losse, es deet jo doch
wecher dreckig werre.
No, Gass kehre is bei mer e wichtig Ritual. Un überhaupt net langweilig. Ich hun
Bewegung, spar moi Fitnessstudio un es is e echt Kommunikationsmittel. Aach,
was fahrn do Auto an mer vorbei. Die Gasse enuff, zur Hall, zum Sportplatz, ins
Ort, aus em Ort. Es gibt so veele freundliche Autofahrer. Die oone hupen, die
onnere winken, ich wink zurück, weil ich jo net unhöflich soi will. Viele kenn ich,
oft muss ich überlee wer des jetzt war, un wann ich so überlee is des wie
Rätsellöse, wie geistiches Fitness.
Etliche kenn ich am Nummerschild, wie bei unserem Bojemoschter. Der hot U B
uff soim Schild, do mach ich e Brick un denk: Aha UB = unser Bojemoschter. Abber
ich konn jo net alle Auto no gucke, ich muss jo a was schaffe, also Gass kehre. Ach,
un wann wie ganz oft e Auto bei mer uff de Gass ohält, weil mer e Auskunft will,
dann es hat net jed Audo e Navi, soweit ich die Leit no dene gefroot werd aach
kenn, kann ich Auskunft gebbe. Obwohl des net so ofach is, weil mer jo e groß
Neibaugebiet hun, abber ich glab ich hun bis jetzt noch jeden in die richtich Stroß
geschickt. Uff jeden Fall hot sich noch niemand bei mer beschwert.
Ja, Gass kehre kann sich bei mer ziehe, bis ich fertig bin. Letzt is e Fraa vorbei
gang, was haast vorbei gang, die is bei mer stehe blib. Ich nemm mer Zeit fer die
Leit, ei die hunn ich doch. Die hot sich mit mer unnerhall. Dodebei hun ich erfahr,
126