Aktuelles - KreisSeniorenRat Waldshut

Senioren schaffen Schönes
De Holderbaum I Gedichte
De Holderbaum
De Holderbaum grad vor mim Fenschter,
jede Dag lueg ich dä a.
Wär dä ewäg, er dät mir fehle,
er g‘hört im Nochber näbedra.
Im Winter isch er kahl un leer,
doch mengmol lit druf Schnee,
no ischer schö im wieße Chleid,
kei Blättli hät er meh.
Doch chunnt im Früehlig d‘ Sunne füre,
no sieht mer, wie‘s en lupft,
Dag für Dag ä weng meh Gruen
und Blatt für Blättli stupft.
Un plötzlich sin au Chnospe dra,
un ganz schnell gön die uf.
Dä wießi Bluescht deckt d‘ Blätter zue,
un herrlich isch dä Duft.
Ich lon mini Fenschter uf,
dä Duft führ i mir z‘ Gmüet,
und ganz schnell isch die Zit vorbei,
de Holder isch verblüeht.
Doch isch die Freud no nit vorbei,
de Holder würd au riif.
Die Farb isch anderscht jede Dag,
bis d‘ Beeri hänget düüf.
Ganz schwarz und schwer die Dolder sin,
ich stand nu do un lueg.
D‘ Vögel hän des scho entdeckt,
es isch für alli gnueg.
Und d‘ Gass isch scho ganz lila g‘färbt,
well d‘ Beeri keiet abe.
D‘ Spatze sin in Schare do
Un düen sich do dra labe.
11
De Summer goht, es chunnt de Herbst,
de Wind pfiift scharf, ich stun,
`s isch nümm so heiß und d‘ Nächt sin chüehl,
die Blätter wäret bruun.
Die Läbenschraft goht z‘ruck i d‘ Wurzel,
und alles stirbt jetzt ab.
D‘ Äscht vom Baum sin wieder kahl,
de Winter chunnt im Trab.
De erschti Schnee legt sich uf d‘ Äscht,
`s isch alles wie en Traum.
Doch Blätter, Blüete und Beeri
git‘s jedes Johr wieder am Holderbaum!
Julia Roll, Tiengen