Nummer 162 - Nordfriisk Instituut
Nummer 162 - Nordfriisk Instituut
Nummer 162 - Nordfriisk Instituut
Erfolgreiche ePaper selbst erstellen
Machen Sie aus Ihren PDF Publikationen ein blätterbares Flipbook mit unserer einzigartigen Google optimierten e-Paper Software.
en ei ales ferstun kön, do skel jo diarmä lewe, an<br />
det wel jo uk nooch. Wan’t nuadig as, auersaat a<br />
naibüüren uk at nuadigst, man det gungt fööraal<br />
diaram mätubelewin, hü a feringen feire kön.<br />
Faan dön 185 Söleraanjbüüren, wat stödig uun<br />
Söleraanj lewe, kem arke juar muar üüs 100 mä<br />
tu taarepsinj. Sogoor ütj Ameerika kem föltidjs<br />
gröötnisen faan Söleraanjbüüren ütj a „diaspora“<br />
üüb Long Island of ütj Kalifornien, wat am<br />
hörens frinjer an de taarepsinj teenk.<br />
Wat dee a gemeend Söleraanj nü salew för a<br />
spriiken? Geliks wan ’am iinkeert uun’t taarep,<br />
schocht arken üüb’t taarepsskäält üüb tjiisk an<br />
üüb fering: „Süderende – Söleraanj“. A taarepsfertreeding<br />
salew besnaaket ales üüb fering, uk<br />
wan det protokol üüb tjiisk skrewen wurt. An uk<br />
uun a „Feuerwehr“ het det „Wasser marsch!“, man<br />
do as det mä tjiisk uk al föörbi, de rest leept do<br />
üüb fering. Uk dön tutaanjen maaner, wat faan<br />
aran nian fering mäbroocht haa, liar det gau.<br />
Det täält uk för dön wüfen, wat mä hör fering<br />
maan efter Söleraanj taanjen san. Jo haa miast ale<br />
fering liard an snaake det ei bluat mä hör jongen.<br />
Uun Söleraanj snaaket en grat muarhaid fering<br />
an diaram as det en graten föördial, wan ’am det<br />
uk kön. So surigt de „spriikendruk“ faan a struat<br />
diarför, dat uk jong lidj, wat efter Söleraanj kem,<br />
100 juar Söleraanjbüür „Feuerwehr“, diar wiar uun‘t taarep feks wat luas.<br />
fering liar. An auer jo det spriik arken dai brük,<br />
liar jo det gau an gud. An wan a aalern – fööraal<br />
at mam – fering snaake mä hör jongen, do surigt<br />
det „mamenspriik“ diarför, dat det fering uun’t<br />
taarep laben blaft, auer det uun a ualdai leewen<br />
brükt wurt.<br />
Fering hiart uk tu a ualdai faan a jongensguard<br />
faan a St. Laurentii-gemeend. Diar as at Enken<br />
Tholund, wat mä a jongen hög stünjen üüb<br />
fering spalet an schongt. Diar moole jo biljen<br />
faan’t biikin, trinjenam Feer luupen an faan ütj<br />
tu kenknin. A Fering Ferian hee diarför „Paten“<br />
wonen, wat diarför jil du. Wan döndiar jongen<br />
do tu skuul kem, do draap jo Enken weler, auer<br />
hat uk fering uun a grünjskuul onerracht. So<br />
kön dach arke dring an foomen faan a grünjskuul<br />
uun Söleraanj det fering tu’t manst gud<br />
ferstun. Düütelk muar üüs a heleft faan a jongen<br />
snaaket uk fering aran.<br />
Üüb sarkhoof faan St. Laurentii fant ’am noch<br />
muar spriiken, wan ’am nau henluket. A miast<br />
likstian san üüb tjiisk, enkelten üüb fering an<br />
een of öler üüb latiinsk. A bekäändst as was de<br />
stian faan a lokelk Matthias, wat uun’t 17. juarhunert<br />
373 waaler fangd hee. Dach wan hoker<br />
faan „redenden Grabsteinen“ snaaket, do määnt<br />
hi en spriik, wat arken ferstäänt: en spriik mä<br />
Nordfriesland 161 – Juni 2008 15