9^ 1499 Anhab eins grimmen kriegs zwischen dem ... - DigiBern

1499 163
[1303] Wie vor Costentz Ermatingen, Trueefoeltingen und
Mannenbach von Swaben berowt und verbrent und
der Eidgnossen zuesaz gschlagen und verjagt.
Indes oberzaelter Sachen, als nach Verordnung gmeiner Eidgnossen
ein stat Bern hat iren tschachtlan von Frutingen, Hans 5
Kutlern, erst uss dem Hoegoew gon Brugk kommen, mit fünfzig
man ins Swaderloch zuo andren Eidgnossen in zuosaz gesant, er
aber, uss grosser pit und angelegner not des orts, zuo Ermatingen
was beliben, zugend zuo im der hoptman von Fryburg mit sinen
fuenfzigen, etlich von Lucern, und ein Turgoewischer hoptman, also io
dass iren da, mit den insaessen, bi 400 man waren, welche taeglich
mit den Swaebschen uss der Ow, ab Gotlieben und uss Costentz
red [1304] lieh scharmuz hielten und ir viend oft manlich hatten
hindersich getriben.
II. April. Also begab es sich uf den 11. tag Aprel — was Donderstag i->
(384) nach der Osterwochen — dass die kueng|sclien und Swaebschen mit
grosser macht ze ross und ze fuoss, ob 17,000 man, nach aller
not mit lifrung, gwer und gschuez zuo einem herzug versehen,
uss der Ow ze schif und ze land, und uss Costentz, zuosamen
versampt — haftend zuo Costenz die bruggen mit mist uberzaettet, 20
dass man die reisigen nit ghoerte — liessend ouch allenthalb uf den
sewen gewapnete schif sweben gegen der Eidgnossen zuosaez, si
vorm zamenlouf ze verhindren — der zit ins Turgoew zeziehen
villicht bewaegt, dass ein merkliche zal der Eidgnossen im Oberland
zuo veld lag, item zuo Dornach und [1305] am Ryn beruf 25
in zuosaetzen: dass ouch gmein Eidgnossen von allen orten, on
Glaris und Solaturn, die ir anstoess soeltend bewaren, uf den
13. tag ßgenants monats einen gwaltigen zug über Ryn zetuon,
zuo Zürich hattend beschlossen. Zugend also frie stil zuom dorf
Ermatingen, ubervielend da die uebel besorgte wacht und ouch 30
den ungwarsamen zuosaz: der, wie wol er sich zeweren understuond,
ouch etlich viend erwürgt, so ward er doch von vile der
vienden so gar ubertraengt, dass er ob dri und sibenzig man,
fuernemlich von den insaessen, dahinden, ouch etlich an betten
erstochen Hess, kummerlich mit vil wunden hindersich in ein 35