9^ 1499 Anhab eins grimmen kriegs zwischen dem ... - DigiBern

146 1499
Swytz und Underwalden nuet erwinden. Also, nach gehabnem
rat und einhelliger verwilligung, in betrachtung diss schweren
kriegs, nam ein stat Bern dise puendnuess ouch an, so ver dass
ir er zuovor wol bewart, dass Swytz und Underwalden nit uss-
5 blibid, und dass ira die [1262] pension, so si vor bim alten
kueng Ludwig hat gehept, nämlich 6000 franken, und ouch die
underlassnen jar, geben | und bezalt wurde. Doch so soeltid, (359)
wie do genieret und am Ostermentag geschworen 11 ), die heimlichen
und sundren pensionen absiu. Das namend der Eidgnossen
io und des kuengs boten willig an, und warend vast fro, dass der
lütrick baer gwunnen, wider in gmeine des geltrichen kuengs vereinung
kommen, darum ein zitlang vil Widerwillens in Eidgnossen
gsin was.
Form der puendnuess, zwischen einem kueng von Frankrich
is und gmeinen Eidgenossen ufgericht.
Wir, die burgermeister, schulthessen, amman, raet und
gmeinden des alten, grossen punds der Eidgnossen ober Tuetsch
landen, nämlich Zuerich, Bern, [1263] Lucern, Ure, Swytz,
Underwalden, Zug, Glaris, Fryburg und Solaturn, tuend kund
» allermengklichen, so disen brief sehen, lesen oder hoeren: Als
zwischen saeliger gedächtnuess den aller durchlichtigsten, kristlichsten
kuengen zue Frankrich, ouch unsern vordren und uns,
veste truew, puentnuess, einung und verstaentnuess von alten ziten
bisshar gwesen, die zuo ufenthalt beder teilen stat und wesen,
25 uss verhaengnuess Gots, glueklich erschossen sind — begerende, ouch
soelich truew, lieb und fruentschaft witer zuo volstrecken, damit
beder teilen stat und Sicherheit belibe, und wider unser viend
hantveste kraft entpfahe, so haben wir die obgemelten puentnuess
mit dem allerkristlichsten kueng zue Frankrich, Sycilien und
•» Jherusaleni fuer sin kuenglich | majestat beschlossen, fuer uns, (360)
unser herschaften, land und undertan, in wis und mass wie hernach
volgt.
*) Wie do — geschworen, später hinzugesetzt.