9^ 1499 Anhab eins grimmen kriegs zwischen dem ... - DigiBern

142 1499
nämlich das herzogtuom Meyland ze erobren, was zuo fuergang
kommen, und der kueng hievor, wie in vergangen jaren gemelt,
d'Eidgnossen nit hat moegen mit im in einhelige vereinung bringen,
ieztan in irer not si vermeint dahin ze bewaegen, sant er
s vor angrif dis kriegs haruss gon Genf sin treffenliche botschaft,
nämlich herren [1253] Tristand vonSalazar, erzbischof zuo Sanss •)
und prima in Gall und Germania, Rygod von Dorsell, ritern
und kuenglicher majestat hofmeister, und Antoni de Besse, riter,
bali zuo Dision und der Tuetschen knechten obrister hoptman, ja
io zuo der zit babst •). Dise botschaft, uss bevelch ires kuengs, warb
fuerer um gleit in d'Eidgnoschaft, rukt haruss in angangnem
krieg gon Fryburg, lag da, bis ir begert gleit von allen orten
gon Zuerich, uf den ersten tag Mertz — war Fritag vor Oculi —
ward geben; da ist ir anbringen verabscheidet, wie hie nach
is volget.
Abscheid der Franzesischen botschaft aubringens.
[1254] Es weist ieder bot wol zuo sagen das anbringen der
botschaft von Frankrich, wie sich die hoch und | treffenlich in (354)
nammen der kuenglichen majestat erboten und ein vereinung mit
20 uns Eidgnossen zuo volstrecken begert hat und uns dabi ze erkennen
geben, dass die kuenglich majestat soeliche vereinung nit
an uns beger durch siner notturft oder nutzes willen, dan si mit
unserm heiligen vater, dem babst, ouch mit den kuengen von
Hispania, Portugal, Engeland, Schotten und Ungern, und ouch
25 mit herzog Philippen von Oesterrich und Flandern, des glich mit
den Venediern, Florentinern und andren sinen vienden, ganz
verriebt, versueent und vereint sie; sunder so hab die kuengliche
majestat angesehen und betrachtet unser nation stritbare manlikeit,
und ouch die alten fruentschaft und liebe, so dan der sel-
30 bigen vorfaren seliger gedaechtnuess, die kueng Karle, Ludwig und
Karle mit uns gehebt haben, die dan zuo beden teilen nit uebel
') Sens.
2| Der gewandte Franzose galt den deutschen Söldnern mehr als der
Papst. Vergl. oben S. 72 (Z. 11).