9^ 1499 Anhab eins grimmen kriegs zwischen dem ... - DigiBern

1499 117
sehen ennethalb abhin, ouch in starker Ordnung, mit gwaltigem
zueg und gschuez, vermeinend den Ryn den Eidgnossen vorzehalten.
Da ilten aber die vaenle von Zuerich und Zug mit ir vorhuot in
Ryn; da half ie einer dem andren, unss bi 600 hinüber [1183]
zuosamen kamend, welche da verhaengts muots, on al Ordnung, s
bisits liefend in die viend, so gegen inen mit ir Ordnung und
gschuez trungend. Gwunnen inen die flucht, vil gwer und schu.cn,
zwei vaenle und ein buechs an, und erschliigend der rechten kazbalgeren
ob 350, e der Eidgnossen zeichen alle hinzu moechtid
kommen. Und als die viend durch stud und stok einem berg io
zuo und uf fluchend, kamend inen engegen die 1000 Eidgnossen,
so die nacht uss bi Gutenberg warend gstanden, erschliigend ir
ouch vil. So kamend ouch die von Appenzel mit ir paner hinzu,
(318) tatend inen in der nachil ouch merklichen schaden. |
[1184] Wie d'Eidgnossen das schloss Fudutz zerstört und i,
sinen herren, Ludwigen von Brandis, gvangeu hond.
Indem, als zuo Trisel diser strit ergangen was, zugend die
von Swytz und Zug mit ufgerichten paneren über den Schalberg
trostlich harzuo, und als d'Eidgnossen das veld on allen verlust
loblich behalten, Trisel gepluendret und verbrent haftend, zugend »
si mitenander froelich uf der viend erdrich dem Ryn nach für das
stark schloss Fuduz'), so. her Ludwigen von Brandis was, welcher,
ufgevordret, damit er und die sinen bim [1185] leben blibid,
ergab er sich an der Eidgnossen gnad. Ward also gon Rapperswil
mit etlich andren gvaenklich gschikt, da dannen gon Lucern, n
und da dannen durch bit gon Bern, dera dis herren erbburger 2 ),
und da uf rechts — so er anruoft — vordrung der Eidgnossen,
unss nach gemachtem frid, behalten, sin schloss gepluendret und
verbrent. Hat dis ungnad mit hochmueetigen und schmaelichen
worten um d'Eidgnossen verschuldt. so
i) Vadutz.
2) Wegen ihrer Stammburg Brandis im Emmenthal. L. v. B. wird
auch so bezeichnet von Bern in einem Schreiben vom 4. März 1499
(Miss. J. 355).