Sigmund Ringeck´s Fechtbuch. Stand - Lupi Venaritis

Sigmund Ringeck
Mscr. Dresd. C 487, Sächsische Landesbibliothek, Dresden
Langes Schwert
Übersetzung ins Grobdeutsch von Bertram Koch
Item, fast dich ainer hinden by der gürtel, so
truck dich nider. Vnd wan er dich erhöpt, so
wend vmb vnder im;
vnd wirffin über schrancken.
Aber ain ringen.
Item, gee mitt der rechten hannd durch, vnd
fach in oberhalb der huff in der waiche. Vnd far
mitt der lincken hand oben durch sin rechten
vchsen, vnd fach den sin rechte hand jm
glenck; vnd halt die föst, vnd heb in vff. Vnd
mitt dinem rechten arm erheb im sin lincke kny,
vnd wirff in für dich.
Aber ain ringen.
Item, begryff im sin lincke hand mitt baiden
henden vnd zeuch in vff din rechte sytten. Vnd
82 r
schryt mitt dinem rechten fuß hinder sin
rechten, vnd far im mitt dem rechten arm jn sin
lincke sytten. Vnd würffin über dein rechten
fuß.
Aber ain ringen.
Item, wann dir aber ainer mitt baiden armen will
vnder faren vnder dine bald arm, so far von
oben nider mitt dinen baiden armen vssen
vnder sin elnbogen; vnd schlüsß din arm
zesamen vnder sin elnbogen, vnd heb mitt
störcke übersich, vnd brich im die arm. Item,
och magstu im in die kel fallen vnd in zu ruck
trucken.
82 v
Item, aber ain ringen.
Item, wann du oben bist mitt dinen armen, so
magst du in oben fassen by der kelen oder by
dem kynbacken vnd im den halß wol über den
rucken brechen. Oder du must wol mitt dinen
armen durch sin arm faren.
Aber ain ringen.
Item, bist du mitt dem lincken arm vnder, so fall
im mitt dem rechten in die kel, vnd schrytt mitt
dem lincken fuß hindersich; vnd truck in dar
über by dem halß. Item, wirff in vff den fuß zuo
baiden sytten.
83 r
Aber ain ringen.
Item, wann du ainem mitt baiden armen durch
sin arm gefaren bist, vnd ist er also gering, alß
du bist, oder ringer, sofass in jnder mitte; vnd
Schluß dine hend fast zu samen vff sinem
rucken; vnd heb in vff die lincke sytten. Vnnd
wenn du dich aines vmb getrawst, so stoß in
nider vff die kny; vnd brich im den ruck zu dir.
Ain bruch in dem ringen.
Item, also brich das: Wann dich ainer zu im
truckt, so setz die elnbogen in kel oder in die
www.lupi-venaritis.de
© Bertram Koch – www.BertKoch.de Seite 66 von 73
Version 1.2 – 22.07.08