des Fechtens im Rappier - Kard Rendje

D
Von den Hauwen.
Mittel oder Uberzwerchhauw.
Er Mittel oder zwerchhauw kann fast aller ding wie der Zornhauw gemacht werden / allein ist diß der
vnderscheidt / das wie der Zornhauw schlims vber ort / also dieser aber vberzwerch volbracht wirdt / wie
zůsehen an der vberzwerch Linien mit beiden Bůchstaben G vnd C verzeichnet / solche Linie findestu hernach
im Dusacken.
D
Underhauw.
Isen machstu also / Verhauw dich das du in Rechten Ochsen kommest (davon im nechst vorgehenden
Capitel gesagt ist) vnd als bald du deinen gegenfechter erlangen kanst / so trit vnd hauw von Vnden
vberzwerch nach seinem Lincken Arm / das du mit dem kreutz hoch vber deinem Haupt kommest / so
hastu in volbracht. Davon besihe die kleinen bossen in der Figur mit dem B gegen der Lincken handt.
S
Schielhauw.
Chielhauw ist auch ein Oberhauw / aber darumb also genant das er gleich mit einer kleinen Schiele
gehawen / wirt also gemacht / stell dich in die Hůt des Tags oder Zorns (davon im dritten Capitel) mit dem
Lincken fůß vor / wirt auff dich gehauwen / so Hauwe hingegen / doch im streich verwende dein kurtze
schneid gegen seinem streich / vnnd Schlag mit ebichter hand zůglich mit ihme hinein / trit mit deinem
Rechten Fůß wol auff seine Lincke seiten / vnd nimm den Kopf geschwindt mit / so hastu jhm recht gethan /
vnd stehest wie das grosser Bild in nechst gedachter Figur mit dem G gegen der lincken anzeiget.
Krumphauw.