des Fechtens im Rappier - Kard Rendje

Das dritte theil dises Bůchs.
kommen / ehe er dein schwech oder eusserste theil deiner klingen hinder der seinen antrifft.
D
Oberhauw schlims.
Iser Hauw hat jm Rappier zwen namen / nemlich Zornhauw vnnd Wehrstreich / Zornhauw heist er /
wann du solchen hauw ohne hindernus jm Vor zům leib hauwest / wie du aber disen Hauw jhe nach dem
er sein Wehr fúhret / nútzlichen zů sein Blóß fechten solt / wúrstu auß nachfolgenden Exemplen abnemen
kónnen / also / fúhret er sein Wehr vnden / so hauw jhm behend vnd vnversehens oberhalb seiner Wehr
schlims durch sein gesicht / vnnd demnach behend wider von der andern seiten dargegen / fúhret er aber sein
Wehr hoch / so Hauw jm vnderhalb seinem Wehr auch schlims durch seinen leib / vnd das behend wie vor /
als dann von der andern seiten dargegen / vnd das ist vom Zornhauw / Wehrstreich aber heist er wann du mit
solchem hauw seine Háuw vnd stich von dir abweisest / dann er hauwe oder steche von Oben was er wólle / so
nimpts diser schlimme Oberhauw (so du in durch sein gesicht vnd gegen seiner hand fúhrest) hinwegk /
Hauwet er dir aber niderer / nemlichen zů der mitten deines leibs / so fúre dein hauw auch nider schlims
gegen seiner hand / also das du jm sein klingen antreffest / hauwet er dir aber noch niderer / nemlich zů
deinen fússen / so Hauwe mit gesencktem leib vnd hangender klingen auch gegen seinen fússen / so geben die
klingen jm zůsamen treffen vnden ein kreutz / wie in diser Figur welche mit dem Buchstaben B. verzeichnet
zůsehen / auß disen zweyen Zornháuwen kompt der Kreutzhauw / nemlich wañ du deren zwen von beiden
seiten gegen einander fúhrest / hoch oder nider / wie die drey kreutz an dem Bild in nachgetruckter Figur
anzeigen.
Letstlich so soltu auch dise zwen schlime Zornháuw hoch oder nider / von beyden seiten durch
die