Vollständiger Band - Hansischer Geschichtsverein

550 L1412] Juli 6.Aus StA Reval; Or. tu. Spur von 2 S. H ohlbaum .Gedruckt: v. Bunge, Lirl. U.B. 4 n. 1919. S. unten n, 1086.Den ersamen beschedenen luden, borgermestere unde rad[der] stad Revele detur.Unsen vruntliken grote unde wes wi ghudes vonuoghen. Ersammen levenvrundes. Also gy wol eer moghen ghebort hebben, wo een Russe, gheheten BoriisKyzene, to wintere hir enen Dudesschen hir up der wurt upghrep mit ghewolt undevorde ene to bus unde sitte ene in enen kelre unde handelde ene jamerliken nasinen willen: dit vorvolgbede wi, also wi beste konden, erst vor deine hertogen,darna vor deme bisschope, vor deme borchghreven unde vor alle Nougardere;nochten unthelt he den man 8 daghe, wat wi darumme deden, unde wi en kondensnicht mit ghenen recht utbringen, sunder wi mosten ene utborgen vor rechtwedder to bringhende. Dar wart uns toghedelet, dat Nougarden deme kopmannewolde enen reynen wech holden; den schaden, den Boriis van deme voghede vander Narwe hedde, den scholde he soken an deme orden unde an eren kopluden.Hir unboven so vorvolgede Boriis noch den kopman unde sundergen, de do vorolderlude stunden, unde he drowet deme kopmanne, 2 efte 3 van den besten uptogripendeunde noch oveler to handelnde, den he den ersten ghedan heft, it en si,dat eme sin schade beiecht si; unde were de Russche kopman nicht so stark utghevarenin de stede, mislicb wat he alrede ghedan hedde. unde wat hones hirymande an gheschegen, den moste he liden unde darto schaden unde vorsumenisse.Hirumme, leven vrundes, wi bidden ju, dit to herten to nemende, dat dit mochtevorvolget werden na der knisekussinge, dat de kopman dus rechtelos nicht en wereunde uns sulke ghewolt nicht mer ghesche. Vort hebbe wi grote overlast, also wiju eer gheschreven hebben, van dufte, dat wi alle nacht unse hove moten bewaken;unde de Russen werpen uppe unse kerken dach unde nacht, ok vorwurdet se unsde wurt unde bowet up unse plancken unde dwenghet uns den tuen in den hof.Vort hebbe wi grot vordret mit den dregheren, unse gut ut unde in to schepende,unde de brugge, de wi vor der Goten hove hebben, de willen se uns mit ghewoltafhowen. Vort so maken de Russen gbesette in der Nil mit den lodegen; wo sewillen, so mote wi en gheven, unde de loddegen, de upvaren, de moten illik* 2 stucke gheven den, de dar leddich liggende bliven. Vortmer, dat de kroch mochteafkomen, den des hoves knecht hir heft, unde dat men eme allikewol re[de]lichheitdo vor sin arbeit. Vortmer so bidde wi juwe ersame wisheit, den kopman inallen saken to besorghende, wor des behof is, unde uns antworde wedder to scbrivende.Desses ghelik hebbe wi gheschreven to Righe unde to Darpte. Vortmer sois gheweset vor deme ghemenen kopmanne Ghevert Tymmerman unde manet uinmedat ghelt, dat he uude sine vrunt to achter sint alzo van Bernde van Vreden, darju de kopman eer underscheet van gheschreven hevet in vortiden, do dat TidekeLange hir ok vor deme kopmanne manende was in jeghenwordichheit der sendeboden,also her Hinrik Schrivere unde her Tideman Vos, unde heft des mechticbghemaket Richhart Langhen. Worumme bidde wi ju vruntliken, dat gy wol donunde sin hirinne vorseen, dat de kopman hir vurder nene maningghe umme enlide, wente ju wol wittelik is, wo alle dingh hirvan gheleghen is, unde dat Richhartvornoghet werden 21 mark Lubesch; unde oft des nicht en gheschege, des widoch nicht en hopen, so essche wi in den hof to Nougharden Ludeken van demeBerghe, binnen 6 weken to komende, is he binnen landes, buten landes binuenjare unde daghe, bi des kopmanues rechte unde na sime eghene willekore, deu hedeme kopmanne dede, do he dat gut vrigede. Blivet ghesunt in Gode unde bedetover uns. Gheschreven to Nougarden des midwekens na unser vrowen daghe dervisitacien.Olderlude, wisesten unde de kopman to Nougharden.m