Kretschmanns Verteidigungsrede
Kretschmanns Verteidigungsrede
Kretschmanns Verteidigungsrede
Erfolgreiche ePaper selbst erstellen
Machen Sie aus Ihren PDF Publikationen ein blätterbares Flipbook mit unserer einzigartigen Google optimierten e-Paper Software.
<strong>Verteidigungsrede</strong> zum Meßkircher Nasenschleifen 2011 von Winfried Kretschmann 1<br />
Hochverehrte Richter, Büttel ond Vollstrecker vom närrischa Nasaschleiferstrofgericht,<br />
Au vor soma katzbucklata Tribunal zu erscheina ischt mir Ehre ond Pflicht,<br />
An Gruaß au dena Herra Triele, Glotzer, Loschore, ond Koinzig<br />
Hochverehrte Winkeladvokata vo dr Meßkircher Bananarepublik!<br />
Wonderfitzigs Meßkircher Narravolk, Eich begriaß i mitam Satz:<br />
Hoorig, hoorig, hoorig isch dia – Katz!<br />
Au wenn heit koin Kachel-, sondern an Kretschmann gega eich wettert,<br />
langat scho an Befangaheitsaatrag, wo eire dirftig Aaklag abschmettert.<br />
Denn der Letzkopf, wo so schärrig om mi rumwuasla duat,<br />
isch doch vo dr FDP, des sieht mer an da Farba gäl ond blau scho meh wia guat.<br />
Ihr hend mir au it amol an Pflichtverteidiger zur Seite gestellt!<br />
Wahrscheinlich ruit's eich badische Entaklemmer au bloß wägam Geld.<br />
Drweil i oin kenna dät, wo jetzt an reata Rabatt geit bei seim Lohn,<br />
Diplomjurischt zu Guttaberg isch jetzt nämlich viel billiger ohne Amt ond Promotion!<br />
Aber mir Greane send s'Kämpfa gwehnt ohne a Netz aus Filz ond pralle Wahlkampfkassa,
<strong>Verteidigungsrede</strong> zum Meßkircher Nasenschleifen 2011 von Winfried Kretschmann 2<br />
mir send giabt em Spara, dia Schwaaze em Verprassa!<br />
Mir wellat s'Bulver it end EnBW neischoppa,<br />
ond it mit ama Milliardaloch s'Erdreich en Stuagert foppa!<br />
Stuergert Oisazwanzig – ihr Meßkircher hend am allerwenigschta drvo,<br />
a Vermöga wird en a oinzigs Loch bompt ond fählt en dr Regio.<br />
Schafft it scho lang jeder Meßkircher siadig hoiß am a Reiseplan,<br />
wo enn brengt zur scheena Fischerin am Bodasee mit dr Hegau-Ablachtalbahn?<br />
Dees kennater eich abschmenka mit am Mappus ond seirer Dienschtwagafraktion!<br />
Von wäga, i dät ge Skifahra jetta, des isch jo wirklich der allergreeschte Hohn!<br />
Dr Mappus schwänzt d'Fasnet ond macht mit seirer Cessna ausm Luftraum a Mischte<br />
ond i be bei da Narra, wia sich's gkehrt, ond it oi Sekond mit da Bretter auf dr Pischte!<br />
An Kerle wia I, hand ihr gsait, wirscht vom Mineralwasser it. Stemmt.<br />
Aber ihr Meßkircher hend jo au it grad die Saurasprudelgsichter,<br />
ihr standat älle guat em Fuater, fiar die Analyse braucha mer koin Schlichter,<br />
ond au koi Bizerba-Woog, mer sieht's sogar ohne Lichter:
<strong>Verteidigungsrede</strong> zum Meßkircher Nasenschleifen 2011 von Winfried Kretschmann 3<br />
Vom Filderkraut essat ihr, glaub i, bloß da Speck,<br />
ond hentadrei no a Blech vo eierm Meßkircher Katzadreck!<br />
Isch der gessa, bitzalats dem Meßkircher em Hirn<br />
ond Geniegedanka strömet durch sei Stirn.<br />
Vom Bau vo ara gewaltiga Kloschterstadt,<br />
wie sie noch kein Schwabe gesehen hat.<br />
Ma merkt, do hot dr Goischt vom Heidegger da Schultes zwickt<br />
Ond a neies Genie hat Meßkirch erblickt.<br />
Des isch it so domm wia an Bahnhof vergraba.<br />
An eirem Badastreich wird die Welt sich laba.<br />
Wenn dann bald die Klosterglöcklein klingen<br />
Und die Geschwischter Hofmann singen<br />
Noch komm i und schneide durch das Band<br />
Ond lob dia Meßkircher wega Weitsicht ond Verstand!<br />
Der zwoite Ponkt vo dr Aaklag kennt hanebüchener it sei:<br />
Der Eberhard Müller isch scho lange nemme Mitglied em greana Verei.
<strong>Verteidigungsrede</strong> zum Meßkircher Nasenschleifen 2011 von Winfried Kretschmann 4<br />
Der hot doch dia Kruzifix em Meßkircher Gymmi vo da Wänd aagnomma,<br />
auf so eps wär en Minischtrant wia i it emol em Meßweirausch komma.<br />
Mir Greane hend emmer scho durch eiser aaständigs Programm iberzeigt<br />
ond it wia dia Schwaaze mit Angschtmacha omanandrgeigt.<br />
Jetzt moint jo dr Mappus, i wär bloß a Marionette vo eiserm Cem Özdemir.<br />
Ond will de Leit eischwätza, daß i als Minischterpräsident vo Özdemirs Gnada ganz Bada ond Wirttaberg islamisier,<br />
z'Meßkirch a Riesamoschee mit Minarett ond Muezzin installier,<br />
ond neie Ortsschilder, wo nemme Meßkirch, mo Meßmosch draufstoht, montier.<br />
Des glaubat doch bloß a paar oifältige Sempel<br />
Ond drzu no oinige schwaaze Gimpel!<br />
Fiar Atomkraftmeiler, wo aufam letschta Loch pfeifat, will dr Mappus a längere Frischt,<br />
ond macht beim Kauf vo dr ooleidiga EnBW aber no oin auf Staatssozialischt.<br />
Wenn ihr vom badischa Geniewenkel eppes auf lateinische Weisheita gäbat,<br />
sag i zua EnBW ond Stuergat oisazwanzig: Alterius culpa nobis nocere non debet.<br />
Was mer auf guat schwäbisch oogfähr so ibersetza kaa:<br />
Dia Verträg, wo mir an anderer aufhalsa will, gangat mi vergleichsweis wenig aa.
<strong>Verteidigungsrede</strong> zum Meßkircher Nasenschleifen 2011 von Winfried Kretschmann 5<br />
Ond scho gar it d'Vetterleswirtschaft vom Schwaaza Maa!<br />
Scho semmer beim dritta Ponkt, der Mär vom Wolf em Schofsgewand,<br />
mi mit am Behringer zom Vergleicha kaa bloß passiera em Ooverstand.<br />
Wenns kalt isch han i Strickpullover vom mei Weib, isch warm, han i no nia an Aber vor Krawatt ond Anzug khett,<br />
Stellat eich omkhert da Behringer amol als Langhoordackel vor, bei seirer Panzerdivison kämer domit glei onters<br />
Bajonett!<br />
Hot eich mei Stemm schomol a weng streng en da Ohra klonga,<br />
Hend er oifach gemerkt: I schwätz halt it mit schwaaze Engelszonga!<br />
Zeig versprecha, wo koi Sau it halta ka, isch mei Sach no nia it gsei.<br />
I han halt koi Kreide gfressa ond schenk eich au zuakömftig reina Wei ei!<br />
Außerdem isch dr grauhoorig Wolf a edles Gschepf,ond sei Erfahrung macht en stark,<br />
Vor am Wolf hend bloß oifältige Schof Angscht, ond schwaaze Schof ganz bsonders arg!<br />
Mer braucht a weng an Grips em Hirn fiar a minischtrable Politik,<br />
ond it schicke Aaziag, je greeßer, deschto deirer, stemmt's oder han i Reacht, Herr Zwick?<br />
Drom be i heit em Baurakittel zu eirer Fasnet zoga.
<strong>Verteidigungsrede</strong> zum Meßkircher Nasenschleifen 2011 von Winfried Kretschmann 6<br />
Daß mer sieht, i be halt koi Meßkircher Genie<br />
denn dees isch dr Schwob selta oder nie,<br />
A wengele an gsondr Menschaverstand roicht en Stuergert<br />
Freile it en Meßkirch zom Regiera<br />
Älles andre wär verloga.<br />
Sodele, eire wachswoiche Aaklag han i gröndlich ond gänzlich ausanandergrupft,<br />
i be it en oi oinzige, also quasi en koinzige vo eira rhetorischa Falla gschlupft.<br />
Aber erscht jetzt zieh i da Joker, wo mi befreit vo eierm grausama Ritual,<br />
des hochwohllöbliche Meßkircher Nasaschleifergericht isch fiar mi gar it zuaständig,<br />
jo, jetzt goht a Rauna durch da Saal.<br />
Als Loizer be i nämlich der Gerichtsbarkeit Hohenzollerns onterstellt, i dreh jetzt om da Spieß,<br />
ond forder hiermit feierlich: freies Geleit en d'hohenzollerische Botschaft ge Igelschwies!<br />
Aber so grea henter da Ohra be i noch au wiadr it,<br />
em a Schauprozeß stoht s'Urteil fescht, do kaascht vrzella, wa de witt,<br />
ooschuldig verurteilt ond vor ällana zur Schau gstellt wia ema Zoo,<br />
drom ohne Wehklag laß i mi vo eira Scherga schleifa zom Schafott, mit ama furchtlosa Narri – Narro!