Jahresbericht der Damen – 2010 - TSV Eintracht Wulften

'n Kalenre taun 100-jährigen
Jedes Joahr werrd furt nächste Joahr 'n Kalenre herestellt.
De'n krieste geschenket, orre köffst-ne fur Geld.
Et gifft dicke, dünne, graate un kleine,
met un oahne Billren un ganz feine.
Doa staht inne welk Doatum op welken Dag fällt,
wuviele Tinsen et gifft fur't Geld.
Wuviele Doge Ziegen, Kauh un Perd trächtig sind,
un wunier in de Schaule künnt dat nächste Kind.
Aok werrd beschriem wu Fickelmarkt un Utstellungen sind,
un wu man dat nächste Auto find,
doatau de Feejerdoge, Roatschläge, Kuukerezepte un wie dat Wedder was
vur Hunret-Joarn, wuviele kostet Twern un Goarn.
Doa stoaht inne kleine un lange Gedichte
un wie freuher was de Geschichte.
Up manchen stoaht Böäme, Büsche met buntn Bloa,
un schöän Meekends, de sind taun wegg-schmietn viele de schoa.
In Kalenre 2004 stund, dat in Wulftn 'n graat Fest statt fund.
De T S V werrd 100 Joahre aalt,
un de spielt Fußball, ob et warm is orre kaalt.
Vur einigen Joahrn de Wulfschen Meekends sie-en,
wu wüllt aok Fußball spieln.
Un taun 100-jährigen Feste, geiftn sei dat Beste.
Doa dat met de'n Trikot tuschen up'm Sportplatze noch nich sau richtig klappet,
hööt seck de Meekends upperapplt.
Met saun Kalenre die'n sei mein, doa könnt we aok dein.
De Meekends würn arangiert un hööt seck inrene Kellerbar giegensietig fotografiert.
Sau wie se Gott eschaffen, un schön-würn de Medien wie de Giraffen.
Sei moaken de'n Hals lang, arre wenn uterümet de Wulfsche Bank.
Bild un Fernsehn keim in Wulften an un moaken seck an de Meekends rann.
Aok in dat Fernsehstudio wür de Meekends inne loahn,
doch doa würn se angetuugen, un neihm doabee kein Schoan.
Doch würe düt 2 Generation freuher passiert,
würn einige achtkantig ut'n Huuse marschiert.
Doch hüüte is saun Kalenre 2005 wat wert,
schönre würe noch, wenn de Meekends nich heiln de Hänne verkehrt.
Aok düse Kalenre is taun affrietn,
schoa is blaat – man kannre nich annebietn.
Fur'n T S V un fur Wulften is düsse Kalenre gaut,
un-moaket fur "Mähr" Maut !!!!!!!!!!!!!!!!!
Hessen Arnold