Die Geschichte einer Albgemeinde.(ohne Bilder) - Bernstadt

Die Bernstadter Landfrauen in ihrer Tracht vor dem Altar in der Sankt Lambertuskirche in Bernstadt
Erste Reihe sitzend von links: Gerlinde Eberhardt; Rosemarie Erhardt; Wilhelmine Walcher; Anna
Bosch; Elfriede Maier; Renate Mayer; Ruth Erne;
Zweite Reihe: Veronika Seybold; Irmgard Ehret; Inge Koch; Gerda Fröhlich; Doris Späth; Helga Fröhlich;
Hedwig Fischer; Katharina Förschner; Maria Späth; Erika Gebel;
Dritte Reihe: Anna Horn; Magdalena Pfeff; Gretl Albrecht; Frieda Dürr; Gerda Allgaier; Lisbeth Baur;
Gerda Bühler; Anna Preißing;
Vierte Reihe: Gerlind Heinemann; Marie Ziegler; Inge Dürr; Gertrud Wolf; Marie. Werner; Heide Stein;
Fünfte Reihe: Marianne Schmid; Anna Heinrich; Gretel Baur; Maria Albrecht; Gisela. Reiser; Elisabeth
Rade;
Rückblick auf die Jugendzeit von Margarete Stängle
Vielleicht isch mancher onter ons der sich wieder besennt,
ders Bärastadt von dazumal von seiner Jugend kennt.
Des Dorf, des war bloß halb so groaß, viel Baura hat’s no gea,
ond jeder hat no jeden kennt, wenn ma einander gseh.
Au Bauranama hat’s no ghet, wo ma fast nemme kennt,
ond die man einst vor viele Jahr nach ihrem Standort hat benennt.
Dr Obrabaur em Oberdorf, dr Schloßbaur nebram Schloß,
dr Lachabaur glei bei dr Lach ond en dr Mitte bloß
dr Schuhbaur ond dr Ernstabaur de andre weiter onda,
dr Brühlbaur ond dr Schulzabaur, i hao a paar no gfonda.
Dr Neubaur ond dr Stofflabaur, die send am andra End,
i denk daß doch a mancher no diea Nama alle kennt,
doch hats no viel mehr Bäurla ghet, wo alle nemme send!
Am Morga en dr Herrgottsfrüha hat ma da Tag agfanga,
da ist a jeder Arbeiter zu seiner Arbat ganga.
Na hats a Trüpple Manna ghet, hant sich am Ortsrand troffa,
dia send doch Tag für Tag ens Englagheu na gloffa.
Bei Wend und Wetter, Sturm und Schnee hant die dia Bäum umgmacht,
und send se abends fertig gwea, zu Fuß da Rückweg gmacht.
Und kleinre Baura hant nebaher als Fronarbeiter gschafft
hant Stoi verklopfet am Straußerand, manchmal mit voller Kraft.
Es hat en onsrem kleina Dorf viel Handwerksleut no geha,
dia hat ma beim Gang durchs Dorf en ihrer Werkstatt gsea
.
Dr Wangner hat no Wäga gmacht aus Holz wia kas anders sei,
ond wenn amol a Stiel ist kracht, dr Wangner macht en nei.
Drei Schmid hammer em Dorf einst khet, dia hant no Gäul beschlaga,
uff d’Räder hant se Roefa zoga für manche Baurawaga.
Am untra Schmid dem hammer oft zom dengla d Segas bronga,
dr Rauschmid ond dr Schugassaschmid hant au da Hammer gschwonga.
Ond isch amol am Sattelgaul dr Schwanzrema agracht,
isch ma zom Burgameister Sattler ganga, am Aubet warer gmacht.
115