12007 - Bissen

“Déi véier Elementer”
Fotoen:
Steve Ehmann
… ënnert dësem Motto stung dëst Joer de
Galaconcert vun der Biisser Fanfare, de 5. Mee
an der Sportshal. De Museksprogramm huet
dann och déi véier Elementer Loft, Waasser,
Äerd a Feier erëmgespigelt. Ënnert der
Leedung vum Dirigent Nico Koch goufe Stécker
presentéiert wéi „Fire Dance, Antarctica“ oder
„The Margam Stones“. Déi deels dramatesch
Kläng goufen duerch Computerbiller um grousse
Schierm an duerch richteg Feier-Explosiounen
ënnerstrach.
Wëll Sangen an Theater
Spaass maachen...
Déi kleng Fielsemaus Mats fënnt ee Wonnersteen.
E straalt net nëmme Liicht aus, mee och
Wäermt. De Mats weist de Steen senge Frënn
– an natierlech wëlle si alleguer esou ee Steen
hu fir an hir Höhl. Wëll do ass et am Wanter
nawell zimlech kal. Mee et kann een der Äerd
net einfach alles ewechhuelen, et muss een hier
och eppes zréckginn – dat léieren déi kleng Mais.
D’Geschicht vum Mats an de Wonnersteng hunn
d’Kanner aus dem 3. a 4. Schouljoer vum Biisser
Kannergesank am Mee op der Bühn an der Aler
Gemeng gespillt. Déi méi Kleng hunn se dobäi
am Chouer ënnerstëtzt.
D’Kanner aus dem 5. a 6. Schouljoer hunn
duerno eng verkierzte Versioun vum „High
Fotoen: Dan Roder
Dëst Joer huet och de Biisser Kannergesank
matgemaach, an huet zum Schluss „We are the
World“ gesongen, wat ganz vill Begeeschterung
beim Publikum ervirgeruff huet. Duerch de
Programm huet de Jos Ludovicy gefouert. An
der Paus konnt de President vun der Biisser
Fanfare Jeannot Ley de Colmarer Député-Maire
Bim Diederich op d’Bühn bieden, deen der
Musik eng Bass-Zugposaun geschenkt huet.
Dëst Museksinstrument gëtt elo vum Jacques
Jacobs gespillt.
School Musical“ presentéiert, iwwert déi jonk Léift
zwëscht dem Baskettspiller Troy Bolton an dem
Mathe-Genie Gabriella Montez, déi allen zwee och
nach gär sangen, dat awer net sou gär zouginn.
Déi jonk Sängerinnen a Sänger vum Biisser
Kannergesank hate sech an den zwéi Méint
virun hirem Optrëtt a ville Prouwen intensiv
virbereed, fir op der Bühn mat vollem Asaz an
deels vill Geschéck an och Talent hir Rollen ze
presentéieren. Bei engem zweemol voll besate
Sall an engem begeeschterte Public kruten si
dann och vill geklappt.
Déi zwee Musicale goufen ënnert der Leedung
vum Jean-Marie Bock an Huguette Muller-Kirsch
ageübt. Fir déi gutt geroden Décoratioun hate
sech ee puer Elteren engagéiert. An natierlech
hunn d’Accessoire gutt gefall, déi fir d’Maisercher
vun den Dammen Geisen a Manternach gemaach
ware ginn.
Klautjen 5| 2007 − 2