Weihnachtsausgabe 2004 - Sankt Sebastianus Schützenverein ...

Jetz ess datt Johr schon bald widder öm un och en dinne
Schötzevoein ess jo sescher so allerhand passiert. Zuletzt wor
jo dä jroße Krönungsball för die Rejimentsmajestät woför jo
extra datt sojenannte Jalazelt opjestellt worde ess. Emm Jroße
Jjanze wo datt jo och ne jelongene Owend, äwer so Einijes
hätt misch doch nit so rischtisch jefalle. Jetz vozell misch doch
emol woröm datt Zelt vöre vör de Bühn so düster wor. Die
janze Lütt die do soosse un och die Ehrejäst, die konnden ki
Mensch erkenne weil datt so düster wor. Nur die Musikkapell,
die wor hell erleuchtet und die Fijure die do soosse wohden
noch extra anjestrahlt. Isch hatt datt Jeföhl, datt heh en Musikschau
abloofe sollden un kinne Krönungsball för dä Schötzekönig.
Datt mo kinne Thron baut, wo dann dä Vörstand un
dä König mit die janze Ehrejäst usjestellt wöhden datt feng ich
jo in Ordnung. Äwer die Lütt emm düstere setzte zo losse,
datt feng isch nit so janz jooht. Överhaupts, datt die Bühn am
Kopp vom Zelt steht, datt ess janit schön. Die Lütt, die am
Eng von dem Jalazelt setze, mösse eh Fernjlas metbrenge öm
domet se erkenne könne watt do vöre affjeht un weil se nix erkenne
könne, wöhd en unruhisch un dann höre se noch nit
emol watt rischtijes. Isch meen, als die Bühn an de Sitt wor,
konnden all vill besser kicke und metmake. Datt wör och för
dä Künstler dä opträde däht sischer besser, denn die Jäste am
Eng vom Zelt krije och nit alles met un wöhde dann unruhisch
un ongerhalde sesch. Domet jeht en joode Projrammnummer
onger un kinner hätt watt dovon. Och dä Künstler
nit.
Äwer noch vill schlemmer es, watt so manche Kompaniee us
dem Jalazelt maake donnt. Do jäve sesch vill Lütt die jrößte
Möh datt Zelt festlich zorecht zo maake. Läje ne schöne Teppich
op de Ähd, stelle runde Deesche op, so rischtisch festlisch
met wisse Deeschdecke un Blomeväskes met frische Blömkes
8
Leeve Onkel Pitter!
Einladung zum
dren. Sojar de Deeschnümmerkes sin drop un dann komme so
einije Schötze, rööhme alles an die Sitt und make widder eh
janz billijes un unjemütlisch Bierzelt dodrus. Die hant nämlisch
nix eiliujores zo donn als wies, wie in en Bierkneipe, de
Deesche zosammezostelle un en lange Reih drus zo make. Domet
es för die Angere die drömeröm setze donnt datt festlische
un die Jalla em Emmer. Wenn die mehne donnt datt wör jetz
besser för die Gemeinschaft, dann wess isch nur datt mo sisch
vom eene Eng bes am angere Eng bestemmt nit ongerhalde
kann. Die könne och dann nur mit ihre Nävermann oder Jejenöver
quatsche. Wenn de mol jenau hinkicke des, dann kammer
sisch an ne festlische runde Deesch met jedem am Deesch
ongerhalde. Weil se jo dörsch datt zosamme stelle en Reih
Plätz zowennisch hadden, mossten se och noch dörch dat Zelt
loope öm noch enne Desch eran zo schleppe. Also isch moß
dozo datt alde Sprichwort sare „För joot kammer die nit metnähme“.
Et wör sescher janz joot, Onkel Pitter, wennze denne Schötze
die et anjeht, datt emol rischtisch sare dees un bei de nächste
Hauptmannsvosammlung klar un deutlisch sähhs, datt sesch
datt nit jehöht un datte datt nit mi hann wills. Du willst disch
doch secher nit bei din Ehrejäst un beim Zeltwirt blamiere
donn. Wenn die kinne festlische Rahme verdrare könne, dann
mösse mer demnächst widder eh einfach Schötzezelt opstelle
met karierte Deeschdecke un lange Bänk. Vielleicht föhle
sisch die Kompaniee, die et anjeht, do wohler.
Äwer nix för onjoot, bes zom nächste Krönungsball es jo noch
Ziet doröver zo spreche un vielleicht klappt datt dann so wie
et jedacht ess.
Also bis datt nächstemol, jröß die Tant Lieske von misch un
disch jrößt wie emmer
Dinne leeve Pitterman
Grossen Familienund
Titularfest
am Sonntag, dem 16. Januar 2005
im beheizten Festzelt auf dem Gelände unseres Schützenplatzes
Beginn: 10.45 Uhr