TP-1990-1 - TV - Busswil

JOHRESBRICHT
198 9
Bereits kurz nach de Feschttäg hei mir ag fange uf
z'Turnfescht 1989 z'üebe. Allrounder, Gymnastik und
Liechtathletik si uf äm Programm gschtande. Am
10. Juni,isch äs schliesslech sowit gsi; mir hei üses
Könne uf d'Prob gschteut. Dr 13. und dr 24. Schlussrang
si sicher ä gueti Leischtig. Aune Turnerinne äs
grosses Merci für ä Isatz.
Währed dä Summerferie hei mir d'Donnschtige mit Minigolf,
Summerwanderig, Velotour, Rösslifahrt, Vita­
Parcour, Schnitzujagd und natürlech Bade-Plausch bi
Schärs über d'Rundi bracht.
Wie scho im letschte Jahr hei mir üs am 27. Ouguscht
uf äm Hornusserplatz zum Plouschwettkampf troffe;
und leider 0 wie im letschte Johr hei nume ganz wenigi
dr Wäg uf ä Hornusserplatz gfunge.
Was chönnt ächt dr Grund si für die schlächti Beteiligung?
... z'Wätter, z'Datum oder ???????
Äs isch eifach schad, wenn mä öppis vorbereitet und
Zyt inveschtiert und schlussändlech knapp soviu Lüt
chöme wie mer Prise hei.
Uf jede Fau,hei mirs luschtig gha. Mir hei z'erscht
z'mörgelet und aschliessend isch jedi Familie zu mene
"Poschte-Louf" gschtartet. Natürlech si am Schluss die
drei "beschte" Familie belohnt worde. Ig möcht hie im
Name vo aune Teilnähmer ar Firma Burri Elektro AG,
Diessbach, für die gschpändete Prise rächt härzlech
danke.
Scho vor dä Summerferie het die erschti Sitzig für ä
Unterhautigsobe schtattgfunge. Z'Mottoisch feschtgleit
worde.
Und scho Ändi Ouguscht hei mir mit üebe agfange.
Ig möcht ar Priska und am Vreni härzlech für ihri Mithilf
danke und natürlech aune Turnerinne für ihre
Isatz.
•
Im zwöite Haubjohr hei mir na a'V~reinsmeischterschaft
düregfüehrt. Äs fröit mi ganz':bSl1Tr~er..~ .~da~rs rnii{Jfrue~(;
ar letschte Generalversammlig gnützt het; mir chöi
fascht Rekordbeteiligung verzeichnä. BRAVO~~~
Scho wieder isch äs Jahr verbi, für mi äs gan~ wichtigs.
Isch äs doch z'erschtä Jahr aus Hauptleiterin.
Äs auts Sprichwort seit zwar
Allen Leuten recht getan
ist eine Kunst die niemand kann
aber ig hoffe doch, dass Dir mit mir so z'friedä sit
wie ig mit öich.
Ur':;LJ\ CJ
r-:
. "), 'I
(~// ,'/, .:
:Y ·e)\.
~ v ~/
v-" )/ . ' -
../(V' ,-:~/?
./ r{,/.!y/, J,,/'
" \,f y
. )}"-./ ./ .: G
-, ;