Schüttschtei - St. Georg

2
Schüttschtei-Kolumne
Mini Highlights vom Lager sind immer
verschiedeni Sache gsi, aber vorallem
hets mo gfalle wemmer am Obig als im
Bett glege sind und en Leiter e Gruselgschicht
cho isch go verzelle.
Denn isches amel ganz still gsi im Masseschlag.
S einzig mol bevorem Schlofe wos
würkli still gsi isch.
Bevor d Gruseglgschicht agfange het, het
mo do und döt no öppert flüstere ghör
doch denn het die Männerstimm agfange
verzelle und sofort isches still worde. Alli
sind scho i ihrne Schlofsäck glege und d
Liechter sind glöscht gsi. Dusse hend d
Regetröpfli as Fenster tummlet und de
Wind het d Bäum zum rusche brocht.
Üse Leiter het also agfange mit de
Gschicht.
Die Gschicht isch vil z gföhrlich zum si
nomel verzelle und usserdem chani si au
nöd so wiedergeh, aber es isch ungefähr
so gange:
„En chline Bueb isch mit sinere schwöster
wo scho längst gschlofe het älei dihai gsi..
er isch scho im Bett glege und de Wind
het dür d Bäum gruschet, de Regä het as
Fenster klopf und süss isch alles still gsi.
Alles nur sin eigene Atem hetter ghört.
Do chlopfets ade Tür, zum Glück het sis
Mami gseit er dör niemertem ufmache…
Er lauft glich zude Tür, er wött schliesslich
wüsse wer do achlopft und uf z mol packt
en öppis am Bei“ ( i dem Moment het üse
Leiter öppertem wo i sinere Nöchi gsi isch
s Bei packt und nötürlich sind mir alli verschrocke)
noch üsem Schock hetter den
witerverzellt: „ und sini chli schwöster seit
i cha nöd schlofe. Und de chli bueb het
ufgatmet und het si tröstet und gwartet
bis si igschlofe isch und denn isch au scho
s Mami hai cho“
Die Gruselgschichte sind amel gar nöd so
gruslig gsi. Aber si sind immer so einmolig
gsi und es het immer so en Moment geh
wo mir eifoch alli zämmzuckt sind. Trotz
dene Gruselgschichte hemmer immer
supper chöne schlofe.