Text - SauerlÃ¤nder Heimatbund e.V.

Mundarten im Sauerland 

Op Platt 

Texte aus den Kreisen 

Hochsauerland und Olpe 

zum Lesen und zum Hören 

Heft 2 mit CD 

Vortragsabend 19. März 2001 

Lennestadt-Langenei 

Herausgegeben vom 

MUNDARTARCHIV SAUERLAND (COBBENRODE) 

Meschede und Olpe 2004

DANKSAGUNG 

Der Trägerverein MUNDARTARCHIV SAUERLAND e.V. dankt allen 

öffentlichen und privaten Einrichtungen und Unternehmen für die großartige 

Unterstützung mit Rat und Tat und für die Gewährung von finanziellen 

Mitteln, die das Projekt „Mundarten im Sauerland“ von 1998 bis 2001 und 

seither die Arbeit des Mundartarchivs Sauerland ermöglicht haben. 

Gefördert vom Ministerium für 

Städtebau und Wohnen, 

Kultur und Sport 

des Landes 

Nordrhein-Westfalen 

Landschaftsverband 

Westfalen-Lippe 

Kulturstiftung der 

Westfälischen 

Provinzial-Versicherungen 

Sparkassen im 

Kreis Olpe und im 

Hochsauerlandkreis 

Gemeinde Eslohe 

Hochsauerlandkreis 

Kreis Olpe 

Impressum 

Herausgeber und Copyright ©: Trägerverein Mundartarchiv Sauerland e.V. 

Nachdruck, fotomechanische, elektronische und tontechnische Wiedergabe von Text & Ton 

sind urheberrechtlich geschützt und ohne Einzelgenehmigung des Herausgebers nicht 

gestattet. Herausgeber und Autoren gestatten den Nachdruck der Texte und CDs für 

Unterrichtszwecke in Schulen und Einrichtungen der Weiterbildung. 

Tonaufnahmen und Textübertragungen: Dr. Werner Beckmann 

c/o Mundartarchiv Sauerland im Stertschultenhof in Cobbenrode 

Olper Str. 3, 59889 Eslohe, Telefon 02973-818554 

Satz und Layout: Thomas Feldmann / Beate Scholemann 

Redaktion: Klaus Droste 

ISSN 1612-3328

Inhaltsverzeichnis 

Seite 

Einführung in die Schriftenreihe MUNDARTEN IM SAUERLAND 5 

1. Elisabeth Kaiser, Oberhundem Grußworte 9 

2. Margarete Christes, Silberg Dat letzte Turnfast 

in der eisten Turnhalle 10 

3. Albert Stahl, Drolshagen Wat en Boum 12 

4. Lidwina Cordes, Wendenerhütte Drej ale Schachteln 15 

5. Maria Droste, Welschen-Ennest Froihjohrstiet 17 

6. Franz Kaiser, Elspe Et Froihjohr imme Duarpe 21 

Froihjohr 22 

7. Karl Heinz Kaufmann, Hillmicke Et Frühjohr im Haubärch 23 

8. Alfons Pick, Oedingen Aschemiddewiäken 26 

9. Irmgard Pick, Elspe Viär Eostern 29 

10. Rudi Plugge, Elspe Use siëwen Tückelkes 31 

11. Franz Josef Schlimm, 

Lütringhausen Glücke 32 

12. Karl-H. Falk, Attendorn Doum 34 

13. Elisabeth Kaiser, Oberhundem Präsidentenwahl in Amerika 36 

14. Paul Zeppenfeld, Grafschaft Unger us vertallt 38 

15. Maria Hütte, Drolshagen Dei Fortschritt 40 

16. Elisabeth Kaiser, Oberhundem, Reiterhuaf Heinemann 

und Rudi Plugge, Elspe soiket en niggen Perrepfleger 43 

17. Paul Tigges, Ebbinghof Erliäwnisse öüt der weyen Welt 47 

18. Toni Teipel, Attendorn Ut der Mogge vertallt 49 

Sprichwörter und Redensarten 

in Attendorner Mundart 49 

19. Hubert Wacker (†), Attendorn Engel 53

Der Plattdeutsche Abend in Lennestadt-Langenei wurde durchgeführt als 

gemeinsame Veranstaltung des Heimat- und Verkehrsvereins Langenei- 

Kickenbach und des Sauerländer Heimatbundes im Rahmen des Projektes 

„Mundarten im Sauerland“. Die Veranstaltung wurde vorbereitet und geleitet 

von Dr. Werner Beckmann und Klaus Droste. 

Drei private Spenden aus dem Kreis Olpe ermöglichen nunmehr die 

Veröffentlichung dieses Heftes.

Einführung 

In der vorliegenden Schriftenreihe MUNDARTEN IM SAUERLAND 

werden mundartliche Tonaufnahmen und deren Verschriftlichungen 

aus den Kreisen Hochsauerland und Olpe veröffentlicht. Die Tonaufzeichnungen 

entstanden bei Plattdeutschen Vortragsabenden und bei 

Einzelinterviews mit Sprechern aus allen Städten und Gemeinden der 

beiden Kreise. 

Die Schriften und CDs sind bestimmt für den Einsatz in Schulen und 

sonstigen Bildungseinrichtungen; weitere Verwendungen ( z.B. bei 

Lesungen, bei lokalen Festen, für historische und linguistische Forschungen, 

u.ä.) sind gestattet, wenn diese gemeinnützig sind bzw. 

ohne die Absicht, Gewinne zu erzielen. 

Das MUNDARTARCHIV SAUERLAND ist hervorgegangen aus 

dem vom Sauerländer Heimatbund getragenen Projekt MUND- 

ARTEN IM SAUERLAND, das von 1998 bis 2001 im Rahmen der 

Regionalen Kulturpolitik in der Region Sauerland gefördert wurde 

vom Ministerium für Städtebau und Wohnen, Kultur und Sport des 

Landes NRW, vertreten durch den Regierungspräsidenten in Arnsberg 

und seine Mitarbeiter. Die ehrenamtliche Geschäftsführung lag in den 

Händen von Klaus Droste, Leiter der Volkshochschule des Kreises 

Olpe. Die wissenschaftliche Betreuung gewährleistete die Kommission 

für Mundart- und Namenforschung des Landschaftsverbandes 

Westfalen-Lippe, vertreten durch Prof. Dr. Hans Taubken. Die Tonund 

Textaufzeichnungen führte Dr. Werner Beckmann als wissenschaftlicher 

Mitarbeiter des Projektes und nunmehr Leiter des 

Mundartarchivs durch. 

Das Projekt konnte nur verwirklicht werden mit der großzügigen 

Anschubfinanzierung und der anschließenden jährlichen Unterstützung 

durch die Kulturstiftung der Westfälischen Provinzialversicherungen 

und des Kultusministeriums NRW. Die beiden Kreise 

Hochsauerland und Olpe haben sowohl das Projekt von Anfang an als 

auch das Mundartarchiv seit seiner Gründung 2001 durch regelmäßige 

Zuwendungen mitgetragen. Schließlich leisteten die neun Sparkassen 

in den beiden Kreisen einen erheblichen Beitrag zur finanziellen Konsolidierung 

während der Projektphase.

Im Trägerverein MUNDARTARCHIV SAUERLAND E.V. tragen 

sieben Körperschaften und Vereine als „Gründerpaten“ die Verantwortung 

für die kontinuierliche Arbeit des Archivs: die Kreise 

Hochsauerland und Olpe, die Gemeinde Eslohe, der Sauerländer 

Heimatbund e.V., die Christine Koch Gesellschaft e.V., der Heimatund 

Förderverein Cobbenrode e.V. und der Museumsverein Eslohe 

e.V. Weitere persönliche Mitgliedschaften und private Spenden zeigen 

das Interesse in der Bevölkerung für die Pflege der plattdeutschen 

Sprache. Unterstützung gewähren ferner der Westfälische Heimatbund, 

die Stiftung Westfalen Initiative sowie als bedeutende 

Sponsoren der Landschaftsverband Westfalen-Lippe und seit 2003 die 

RWE Gas AG. 

Bedeutung und Situation der sauerländischen Mundarten 

Das ehemalige Kurkölnische Sauerland stellt innerhalb der niederdeutschen 

Mundartlandschaften eine besonders archaische Region dar. 

Laut- und formengeschichtlich sowie lexikalisch bildet sie ein 

kompliziertes Bild mit hoher Varianz und ist deshalb vom sprachwissenschaftlichen 

Standpunkt her gesehen absolut exklusiv. Nirgendwo 

im niederdeutschen Raum können Sprachwissenschaftler so tiefe 

Einblicke in die Entwicklungsgeschichte dieser seit mehr als 1000 

Jahren überlieferten Sprache gewinnen. 

Ursache ist die relative Unzugänglichkeit der Region in früheren 

Zeiten, die älteste Sprachzustände bis in die heutigen Mundarten 

bewahrt hat, während in anderen verkehrsgünstigeren Regionen 

zahlreiche Ausgleichsprozesse stattgefunden haben. 

Während das Plattdeutsch noch vor 100 Jahren als funktionierendes 

Kommunikationssystem vorhanden war, ist der Mundartgebrauch – 

gerade auch wegen der kleinregionalen Differenziertheit – zuerst in 

den Städten und nach dem 2. Weltkrieg auch auf dem Lande rapide 

zurückgegangen, stärker als in Regionen mit größeren sprachlichen 

Gemeinsamkeiten. Wenn man mit jemandem aus einem schon wenig 

entfernt liegenden Ort sprechen will, bedient man sich lieber des 

Hochdeutschen, um Missverständnisse zu vermeiden. Der Rückgang 

gilt heute gleichermaßen auch innerhalb der Dörfer, Nachbarschaften 

und Familien, ein Tribut an die moderne mediale Gesellschaft.

Autochthone Sprecher sauerländischer Mundarten sind heute – von 

Ausnahmen abgesehen – 60 Jahre alt und älter. Die tatsächlich gesprochenen 

Mundarten aufzuzeichnen und ihren sprachlichen Reichtum 

für die Nachwelt zu sichern, war und ist die wichtigste Aufgabe. 

Das Projekt MUNDARTEN IM SAUERLAND hat diese Sicherung 

auf zwei Ebenen erfüllt: Einerseits wurde schriftlich überlieferte 

Sprache (Dialektliteratur) erfasst und allgemein zugänglich archiviert, 

andererseits wurde der Schwerpunkt auf eine direkte Erfassung der 

heute noch gesprochenen Ortsdialekte durch Aufzeichnung von 

Interviews gelegt. Es geht dabei nicht um Folklore oder um 

Idealisierung vergangener Zustände, sondern um Inventarisierung 

dessen, was an Informationen noch erreichbar ist. 

Das MUNDARTEN-Projekt und das daraus hervorgegangene 

MUNDARTARCHIV SAUERLAND haben innerhalb des westfälischen 

Raumes und eigentlich für den ganzen norddeutschen Raum 

Modellcharakter, denn nirgendwo stehen bisher für eine so umfassende 

Region Daten zur Aussprache, zum Wortschatz, zur Syntax, 

zum Brauchtum, zu Redensarten, zum Liedgut usw. mit einer derartigen 

Belegdichte zur Verfügung. 

Parallel zum plattdeutschen Sprachatlas, der mit den flächendeckend 

aufgenommenen Tonbandinterviews entstanden ist, erschließt sich mit 

den Verschriftlichungen nach und nach eine, vom kirchlichen, 

gemeindlichen und familiären Jahreskreis geprägte, Sitten- und Kulturgeschichte 

des Sauerlandes. Mundartforschung, Volkskunde und 

Literaturwissenschaft werden in vielfacher Hinsicht von den Projektergebnissen 

und der Arbeit des Mundartarchivs befruchtet. 

Die Aufgaben des MUNDARTARCHIVS Sauerland 

Das Archiv erfüllt langfristig die folgenden Forschungs- und Dienstleistungsaufgaben: 

• die wissenschaftliche Archivierung der Tondokumente mit den 

heute gesprochenen Mundarten; 

• die Verschriftlichung der Tonaufnahmen in die niederdeutsche 

Sprache;

• die Erfassung und Sammlung der schriftlich überlieferten 

Mundartliteratur der Region, der Sekundärliteratur und weiterer 

Dokumente über die Mundart; 

• die wissenschaftliche Beratung von linguistischen, literarischen 

und kulturkundlichen Forschungsvorhaben; 

• die Vorbereitung der „Text + Ton“-Veröffentlichungen von 

Arbeits-/Unterrichtsmaterialien für Schulen, Erwachsenenbildungseinrichtungen, 

plattdeutsche Arbeitskreise, Hochschulen und 

andere interessierte Institutionen und Personen in Form von Textheften 

und Tonträgern (CD) für jeden Mundartbereich in den 19 

Städten und Gemeinden der beiden Kreise; 

• die Vorbereitung einer Sammlung ausgewählter literarischer Texte 

(Anthologie), wiederum begleitet von Tonträgern; 

• die Beratung und Unterstützung bei der Durchführung von 

Plattdeutschen Vortragsabenden und beim Plattdeutschen Unterricht 

in Schulen (Vermittlung von plattdeutschen Sprechern). 

Allen bisherigen und gegenwärtigen Förderern von MUNDARTEN 

IM SAUERLAND und MUNDARTARCHIV SAUERLAND sei an 

dieser Stelle sehr herzlich gedankt. Intensiver Dank und hohe 

Anerkennung gebührt insbesondere allen Autoren und Sprechern der 

Mundarten in über 200 Interviews, bei Plattdeutschen Vortragsabenden 

und zahlreichen Konferenzen der plattdeutschen Arbeitskreise im 

ehemals kurkölnischen Sauerland. 

Die Schriftenreihe MUNDARTEN IM SAUERLAND will die plattdeutsche 

Muttersprache in Text + Ton an und in die jungen Generationen 

weitergeben und damit die Mundarten im Sauerland lebendig 

erhalten. 

Dr. Werner Beckmann, Projektbearbeitung und Leitung des Mundartarchivs 

Sauerland 

Klaus Droste, Projektgründung und Geschäftsführung des Mundartarchivs Sauerland 

Georg Scheuerlein, Vorsitzender des Trägervereins Mundartarchiv Sauerland 

Prof. Dr. Hans Taubken, wissenschaftl. Projektbegleitung; Geschäftsführer der 

Kommission für Mundart- und Namenforschung Westfalen (LWL) 

Dieter Wurm, Vorsitzender des Sauerländer Heimatbundes

Grußworte 

Elisabeth Kaiser, Oberhundem 

Wann unse Viärellern iärk fregger irgendwo begiëgenern, dann 

begruißeren se iärk met diäm Spriëck: Guätt helpe! Guätt leohne! 

Vi konnt awwer eok einfach siën: Gurren Owend, alle teheope! 

Siet wall twinteg Johren driäpet iärk doi Plattfrenge iut diäm Kroise 

Eolpe afwesselnd in ennem gretteren Duärpe oder in enner van unsen 

veier Städten, imme iäre jährlecke Plattprole te hallen. 

Unse boien uiewesten Plattherens, Klaus Droste un Dr. Beckmann van 

der Volksheochschaule Eolpe, het iärk niu met diän Langeneggern un 

Kickmeckern eok neo in Verbindunge satt, in Inverniämmen satt, un 

seo kam diëse Plattowend diënn Owend im Hotel Schweinsberg 

testande. Allen, doi drane hollepen het: Danke fer aue Moihe! 

Viëll Spaß biem Tauheren un en vergnoiglecken Obend! 

Awwer ganz kuärt neo en paar Wore iuwer doi Langenegger. 

Et was im eisten Weltkriege. En ennem Hiuse, ase iuwerall in der 

Tiet, woren ne Riëgel Kinger greot. Unger anderm eok twei Jungens. 

En, Hubert met Namen, was en greoten Musikfrend. Hoi har ne Geige 

tau eigen, dät was sien Op un Giënn, un hoi konn eok guëtt dermet 

immegohn. Diëse Hubert bleif imme Duärpe un gründere ne 

Famillege. Doi twedde Junge iut der Famillige, doi horre Anton. Doi 

teog iuwern Berg in’t Hungemedal un wor do seßhaft. Ase doi Anton 

Vatter iuwer diän twedden Jungen wor, larre hoi sienen Breoer Hubert 

ase Paa fer dät Kind in. Doi Vatter har sienem Kinge diän Namen 

Josef taudacht, un de Pasteoer brachte dät in der Kerke op et Tapeit. 

Do loit sick doi Paanonkel heren: „Dat Kind heutet Hubert. Iëck sin 

sin Paa, un iëck heute seo, un seomet kitt dät Kind eok mienen 

Namen.“ Wat was te maken, dät Kind horre Hubert. Diëse Hubert wor 

greot, gong in de Schaule un studeiere op Geistleck. Ase Primiz was, 

kam eok doi Paanonkel met op doi Fier. Un wat brachte hoi ase 

Primizgeschenk met? Et beste Sticke, wat hoi har un wo sien Herte 

ane häng. Et was siene Geige. Doi giät hoi diäm Primizianten in de 

Hand drucht. 

Seo sind doi Langenegger.

Worterklärungen 

Viärellern - Vorfahren, Voreltern / iärk - sich / fregger - früher / 

vi - wir / siën - sagen / teheope - zusammen / wall - wohl / 

Plattfrenge - Plattfreunde, Freunde des Plattdeutschen / 

Eolpe - Olpe (Ortsname) / gretter - größer / veier - vier / imme - um / 

Plattprole - plattdeutsche Gespräche / hallen - halten / boie - beide / 

uieweste - oberste / het - (sie) haben / niu - nun, jetzt / 

Langenegge - Langenei (Ortsname) / 

Langenegger - Bewohner von Langenei / satt - gesetzt / 

diënndag - heute / aue - eure, Ihre / Moihe - Mühe / 

tauheren - zuhören / iuwer - über / 

Riëgel - Reihe, hier: Schar (von Kindern) / hoi - er / 

sien op un giënn - sein Ein und Alles / bleif - (er) blieb / 

twedde - zweite / horre - hieß / teog - (er) zog / 

Hungemedal - Hundemtal (Tal, durch das der Fluß Hundem fließt) 

larre ... in - (er) lud ... ein / Breoer - Bruder / Paa - Pate, Patenonkel / 

loit - (er) ließ / kitt - (er) bekommt, erhält / Fier - Feier / giät - (er) hat 

Dat letzte Turnfast in der eisten Turnhalle 

Margarete Christes, Silberg 

Koin Schützenfast, koin Sangesfast, 

nei, Turnfast is unse Duärpesfast, 

un dat siet seksenachzeg Johrn! 

Manche Luie sind alt vam Turnen worn. 

Dat Fast geiht loss met turnerischen Geschicken 

an Geräten, op em Huaf veär niggelecken Blicken, 

de Sieger weert fiert, doi Anderen eok. 

Idealisten doi Turner, se turnt nit feär Breot! 

Gastturner weern iut der Schweiz inlaan, 

doi beon eok erre Künste aan. 

Dann worn de Jubelare ehrt,

doi fiewentwintiger, vetteger, fifteger, sekzeger, 

seogar ennen siëbenzeger, loiwe Luie heert! 

Dat kann me deäm Martin eok aansoihn, 

seo siëbenzeg Johre im Veroin! 

Hoi driëtt stolz deän Kopp, geiht strack as en Lecht, 

de Turnerie ricket de Mensken terecht! 

De Musik iut Holland, ’ne ganze Masse, 

spiëllern taum Danz, et was greote Klasse, 

met Trompeiten, Posaunen, Tubas un Paukenschlag. 

Dat was de eiste Dag. 

Veärm Fastheochamt am Sunndag maar unse Heer 

der Schweizer Riege en par Frie-Uibungen veär. 

Doi maarn geern met, dat jeät se ehrt. 

Feär doi un feär doi Hollander wort eok in der Misse beät. 

Aanschliutend worn de Gefallenen ehrt, 

taum Teiken, dat vi se nit vergeätt. 

Doi eiste Vorsitz met em Namen iut Gold 

siëtt in siener Rede: „Die Soldaten haben nicht gewollt, 

daß wir die Nachbarländer überfallen. 

Sicher verzeihen sie uns allen.“ 

Doi Befehlshaber het eärk irret, 

ganze Völker weern verwirret! 

Awwer dat Loid vam gurren Kameraden, dat herr’e auk dacht, 

dat „Ave Maria“ spiëllern se ganz sacht! 

Se kamen un gengen as Frenge. 

Un friedlech geng dat Fast te Enge. 


nei - nein / siet - seit / Luie - Leute / Huaf - Hof / 

niggeleck - neugierig / eok - auch / feär - für / Breot - Brot / 

weern - (sie) waren / inlaan - eingeladen / 

beon ... aan - (sie) boten ... an / fiewentwintig - fünfundzwanzig /

vettig - vierzig / fifteg - fünfzig / loif - lieb / heert! - hört! / 

aansoihn - ansehen / hoi - er / driëtt - (er) trägt / 

strack - gerade, geradeaus, hochgewachsen, langgestreckt / 

ricket - (sie) rückt / iut - aus / eiste - erste / maar - machte / 

jeät - (das) hat / feär - für / beät - gebetet, hier: (Messe) gehalten / 

Teiken - Zeichen / siëtt - (er) sagt / eärk - sich / Frenge - Freunde 

Wat en Boum 

Albert Stahl, Drolshagen 

Freuher stunnent hi un do in den Haubiarren dicke Dännenböüme, - 

altes tweï oder drei bi eneïn. Dei leitent de Buëren stohn, dat wor sou 

ne Art ieserne Reserve. Im Noutfalle brachtent dei echt Geld. 

Meïstens awwer feilent en paar, wann de Dochter siëck bolle bestaan 

wull. Van diam Holte kreïg dann ouk der Schriener en paar Briar. Hei 

makete dorut et Bedde un en Schaap fiür de Utstüre. 

Eïn Johr viür der Hochtied spriëcket siëck der Buëre met sienem 

Nohber af. Sei gohnt dann midden im Winter, wann siëcker kein Saap 

meïh imme Holte is, in den Biarrig - met Biggelen, met Kielen un met 

ner langen Drummsia. 

Sou ne mächtige Dänne afschnien, dat is wall ne andere Sake, as ne 

twintigjöhrige Bireke ümmeliën. Et weert gemotert un geiket, an 

wiëlliker Siete dei Boum de meïsten Töppe het, wou hei wall 

hiënnfällt, wann me nit dirigeïert. 

Dann üwerliëtt der Buëre, wou hei dian Boum hiënnschmieten sall, 

wou me dian am besten ouk wiër wegteihn un op den Wagen laan 

kann. Wei jetz oppässet, kann siëck nohiar schwore Arewet sparen. 

Nu päcket der Mann met dem besten Hau et Biggelen un schleïht 

siege bi der Welt de Kiarebe ut dem Stamm; no diar Siete sall der 

Boum fallen.

Hi un do süht me ouk es tweï Kerels - eïner rechts, der andere links 

vam Boum - dei im Takt in de glieke Kiarebe hauent. Do mutt me 

awwer firm sinn! 

Tweï Mann hukent siëck soudann niaber den Boum, jeïder an eïne 

Siete, beie met dem Rüggen noh der Fallrichtunge. Sei settent de 

lange Drummsia an, der Kiarebe giëgenüwer, dei Tiahne wiesent op 

den Kiel. 

Nu hett et: Teihn, teihn! - Hiënn un hiar! - Dei Sia locker durech den 

Stamm loupen loten! - Teihn, teihn! - Hiënn un retour! 

Dat duërt ne Veïerelstunde, eïner roipet: „Fuffzehn!“ Sei 

verschnuwent en wiënnig, lichterent den Haut un wischent met dem 

Handrüggen den Schweït van der Steïeren. - Un widder geïht et: - 

Hiënn un hiar! 

Iargerlech, wann de Sia klemmet un faste sittet! Dann mutt me nen 

Iesenkiel hinger der Sia in dian Schnitt kloppen, domet der Stamm 

siëck wier hiëwet. Dat kann lange duëren. 

Un noch es teihn: Links, rechts! - Teihn, teihn! 

Op es meint me, der Wind tiüsselte de Äste, et knacket houge in der 

Luft, 

Holt briëcket viür der Sia. - Oppassen! 

Met sou nem dicken Boum is nit te spassen. 

Noch tweï, dreimol ganz flott teihn! 

Sia rut! - Opspringen! 

Drei Schrië weg vam Stamm! - Oppassen! 

Me kann nü wiëten, wou dei Boum liën bliewet. 

Nu briakent de Töppe, drüge Holt kraket, et giët en Rums, en dumpen 

Opschlag, de Ere biëwet. 

Ne Wolleke van griesen Flechtenschubben hiëwet siëck. Me meint, de 

Dänne hee den letzten Oom gedoon.

Et is op es sou stille, - kein Vuël singet, - kein Specht klöppet. 

Ümme dei Hoiers is et hell geworen, der Boum schmitt keinen 

Schatten meïh. 

Der eïne besüht den Stuken, der andere dat Erdenge van der Dänne. 

Hei fänget an, de Johresringe te tellen, verkiümmet drinne un schätzet 

dat Oller op hundertwinteg Johre. Eïner schritt de Länge vam Stamm 

af un miëtt fiefundertig Meïter. 

Wat en Boum! 


freuher - früher / hi - hier / Haubiärrig - „Hauberg“ / 

Dännenböüme - Fichte / altes - mal, schon mal / leitent - (sie) ließen / 

iesern - eisern / ieserne Reserve - eiserne Reserve / 

feilent - (sie) fielen / bestaan - (sich) verheiraten / 

kreïg - (er) bekam, erhielt / Briar - Bretter / Schaap - Schrank / 

Utstüre - Aussteuer / Nohber - Nachbar / Saap - Saft / 

meïh - mehr / Biärrig - Berg, hier: Wald / Biggelen - Beil / 

Kiel - Keil / Drummsia - Zugsäge / afschnien - abschneiden / 

Bireke - Birke / ümmeliën - umlegen / gemotert - Maß genommen / 

geiket - genau untersucht und geprüft / wiëllik - welch / 

Töppe - Zweig, kleiner Ast / üwerliët - (er) überlegt / 

wou - wie / hiënschmieten - hinwerfen, hinschmeißen / 

wiër - wieder / wechteihn - wegziehen / laan - laden / 

Arewet - Arbeit / de Mann met dem besten Hau - der Mann, der am 

geschicktesten mit dem Beil umgehen kann / schleïht - schlägt / 

siege - niedrig / Welt - Boden, Erde / siege bi der Welt - ganz nahe am 

Erdboden / Kiarebe - Kerbe / süht - (man) sieht / mutt - (man) muß / 

me - man / hukent - (sie) hocken, kauern sich / niaber - neben / 

Tiahne - Zähne / wiesent - (sie) zeigen / teihn - ziehen / loten - lassen / 

retour - zurück / roipet - (einer) ruft / lichterent - (sie) lüften / 

Steïeren - Stirn / widder - weiter / Sia - Säge / Iesenkiel - Eisenkeil / 

hiëwet - (er) hebt / tiüsselt - (er) schüttelt / houge - hoch / 

briëcket - bricht / rut - raus, hinaus, heraus / Schrië - Schritte /

nü - niemals, nie / liën - liegen / drüge - trocken / kraket - (es) kracht / 

Ere - Erde / hee - (sie) hätte / Ohm - Atem / gedoon - getan / 

op es - auf einmal / Vuël - Vogel / Hoiers - Hauer, Männer, die die 

Bäume fällen / Stuken - Stumpf / Erdenge - unterstes Ende des 

gefällten Baumes / miëtt - (er) mißt 

Drej ale Schachteln 

Lidwina Cordes, Wendenerhütte 

Et worte alt düüschter, as ick noch op denn Balken chong. Wat sick 

hej doch alles aanjesammelt ha! Dat blejwet jo nit üt in em Hous, wat 

170 (hunnertsiëbenzig) Johr alt is. 

Met der Täschenlampe löchtete ick in jede Äcke. Do sooch ick hingen 

ungerm Daak drej ale Schachteln. Drej ale Schachteln, met Chummi 

tesamen jebungen. 

„O Hemmel“, däächte ick, „wie lange mugen die do leäggen? Twintig 

Johr? Ne, länger. Drießig Johr mindeschtens. Vörsichtig löësete ick 

dat Chummi. Ick mate die erschte Schachtel op. 

En chanzer Stapel klejner Beldcher loog drinne. Op jedem Beldchen 

was en Schiff, Dampfer, Frachter un stödije Passaschierschiffe. Alle 

bunt un noch chott erhalen. Se chonn dörch min Finger un et wört mej 

chanz komisch. Ick kann mick nit saat siehn an denn Beldern, die mej 

jehoort hänn, mej chanz allejne. Et was mejne schöene bunte Wält. Ick 

wull es wejt fort, un et es doch alles chanz angers gekummen. 

Dann mate ick die tweite Schachtel op. Ne, so wat! En Tonpejpe, en 

Tonpejpe üt em Kloasmann. Ick rouk op ejs noh Heu un Erpelstrengel. 

Mien Fründin un ik hann die Pejpe ütprobiert. An der Housäcke un 

bie’m Küh-Hüden. Et was use klejne Geheimnis. 

Chanz langsam mate ick die dritte Schachtel op. Ne, dat kunn doch nit 

wohr senn - en poar Locken met rosa Bengelchen tesamenjebungen 

logen drinne. 

Op ejs was die Tejt wie fortjewüschet. Et was ok Frühjohr. Ick soot 

am Wejer op der Bank un ha en roëtjeblümet Kliëd ane. Do sooch ick

ejnen kummen. Hä ha en Anzug ane mit Büjelfale in der Butze. Et 

was der erschte Anzug. Stolz was hä. Sin Mama kunn nit verstonn, dat 

hä so’n chodden Anzug antoug, so chanz ohne Chrund. Mej lacheten 

un schmiedeten Pläne. Fort wollen me, fort in die chroëte Stadt. Wie 

lange es et her? Nou seënn me schonn öbber verzig Johr bestatt un 

seënn hej jebliëben, hej in usem klejnen Doarp. Ick strejk noch es 

öbber die schöenen schwarten Locken un leëgte se weëdder retur. 

Langsam un nohdenklich chung ick noh ungen. 

Mier Mann frote: „Wat es dej dann passiert? Bescht dou em Gejst 

bechäänt? „Ne“, lachete ick, nur drej alen Schachteln un ner schöenen 

Erinnerung.“ 


worte - (es) wurde / üt - aus / löchtete - (ich) leuchtete / 

sooch - (ich) sah / hingen - hinten / ale - alte / mate - (ich) machte / 

chodd - gut / chonn - (sie) gehen / mej - mir / Kloasmann - 

Stutengebäck in Form eines Mannes zu Nikolaus / Tonpejpe - 

Tonpfeife / senn - sein / Bengelchen - Bändchen, kleine Bänder / 

op ejs - zunächst, zuerst / Tejt - Zeit / soot - (ich) saß / 

Wejer - Weiher, Teich / Butze - Hose / antoug - anzog / mej - wir / 

seënn - (wir) sind / bestatt - verheiratet / strejk - (ich) streichelte, 

strich / ungen - unten / frote - (er) fragte / dej - dir / bescht - (du) bist / 

bechäänt - begegnet

Froihjohrstiet 

Maria Droste, Welschen-Ennest 

In de Froihjohrstiet fallt Eostern, un met Eostertiet is seo Manneges 

verbungen, wat des Erinnerns wert is. 

In d’r Karweake teog unse Lehrer met dean Klassen af veiertem 

Schauljohr, doi Dage ver en Ferien, jedes Johr op Peiterkes Hoih, wo 

fregger alle Johre amme Eostersunndagobend et Eosterfuier afbrannt 

worde. Vi schlefften iut dean angrenzenden Dannensticken alle dirren 

Teppe herbi, doi dann van dean gretteren Burschen taum heogen 

Kegel opbugget worden. Nutzen dovan harrn eok de Berge, doi woren 

sauber ruimet. Seo konn siëck koin Ungeziefer breit maken, un fiul 

Holt verschandelte koine Dannensticke. 

Karweake hodde eok, alle Dage Kerkgang. Do fallt mi vamme 

Groinduënnersdag ne seogenannte Christenlehre in, doi unse Vikarres 

in d’r Misse holt. Unger anderem frogere ennen Schoiler: „Warum 

heißt dieser Tag ‚Gründonnerstag’“? Ohne lange nohtedenken kam de 

Antwort: „Da gibt es grün Gemüse.“ Konn jo eok miëgleck sinn. As 

dann neo et „Abendmahl“ tau’r Sproke kam met Breot un Wien, un 

hingerhear doi Froge, worimme jetzundes koin Wien meh bi d’r 

Kummeneon reiket woiere, kam vamme selben Strategen: „Weil - 

weil - jeder Mensch trinkt nicht gerne Wein.“ Doi Spruch gaffte dann 

in d’r Kerke en ganz schoin Gepriuste. 

Dann doi Karfriedag. De Kruizweag woll mi nie in en Kopp. Vi 

kreigen dean Weag wall verstandleck iutlaggt, awwer begriepen konn 

me seowat doch nit. Niu jo, van veier Luien sind de Eiwengiëlen 

schriëwen woren, seo weerd et wall stemmen. Mi teog et liuter kalt 

in’t Genick, wann iëck an doi Kruizegung dachte. Fregger, in enner 

Missjeonspreaget, duënnerde mol en Poter gewalteg van d’r Kanzel, 

dat vi Mensken dear unse Beosheut all dat schrecklege Leid an unsem 

Heern verschuldet harren. As miëck dann op em Heimeweag en 

älleren Nober drap, goalde doi doip Luft un frode: „Mien Goatt, 

Maria, sin vi dann seo schlecht?“ Iëck saggte: „Nei, diu bestimmt nit, 

diu bis doch unse veiertoihnte Neothillepe.“

Karsunnobend loit siëck alt frendlecker aan. Freoh word in d’r Kerke 

et Wiggewater siant un biuten de Kuale. Boies mochte heimegoalt 

weren. Ne Kanne Water, dat me et ganze Johr de Wiggewaterbehalter 

nohfillen konn. Un am Eostermondag gong me noh’m Felle un sianere 

et Getreide. En Stickelken Holtkuale do me Eostersunndag in et 

Herdfuier, dat koin Blitz et Hius in Brand sadde. Me geat diëse Sitte 

op en Blitzafleiter immesatt. An diëmm Dage kamen eok de Glocken 

van Rom terigge. 

Ne einmoleg schoine Sitte in unsem Doarpe wor et nachtlegge 

Eosterschellen. Middernacht gongen doi älleren Jungens met Schellen 

verschiedener Klangtoine, in kloinen Trupps länges alle Huiser un 

ludden en Eosterdag in. Fer miëck wor diëse Sitte de fierliggste in 

unsem Doarpe. Koin Kuiern dobi, bleoß nachtleg doipe Stille un 

hellet, silbern Glockenklingen. 

Eostersunndag ver d’r eisten Misse wor Kerkenimmegang. Dobi harr 

me dann Geliagenhoit, nigge Schauh oder andere Kleiersticke, doi 

brandnoideg woren, viartewiesen oder te bewundern. Et is awwer eok 

te siën, dat de Kerke tau allen Goarresdoinsten voll besatt wor. 

Domols harrn de Mensken vlichts neo en ander Moot fer Werte. 

Niu matt iëck draan erinnern, dat et eok liuter en Eosterhasen gaffte. 

Wor doi doch liuter en ganz beachtleg Dierken bi Kingern. Iëck 

gloibe, doi Kloinegkoiten, doi vi in’t Nestken kreigen, erfreggern uns 

iabenseo as jetzundes rollende Briar unger’n Foiten, wo se schwinder 

droppe flitzen konnt as en Hase springen. 

Am eisten Fierdagobend word un weert en Eosterfuier afbrannt. Woi 

van dean Doarpesluien neo guët op en Beinen is, versammelt siëck 

bi’m Fuier; un me stemmet eismol em Herrgoatt tau’r Ehre et Te 

Deum aan. Diëse Sitte te erhallen, schaffet dankenswert unse 

Mannerwelt neo liuter. Singend un heiter geiht et tau, bit doi Stapel 

binein sacket. Bi d’r Glaut hallt wier Manner Wake, met Spoilwater 

fer droige Kehlen, versteiht sick. 

De Emmausgang am Eostermondag noh’m Schmellmereg har 

Traditsjeon fer viële Walsken-Ennester. Dat Berges gastlecke Hius 

met Schinkenbiëtters un Sellewgebackenem op em Kaffeidiske wor ne 

runde Sake. Met dean allen Luien ungerholt me siëck domols bleoß 

plattduitsk. Jiëne sangen vi Wanderloier, terigge van en siuerlander

Bergen un van d’r Heimat. Singen wor bi Wanderungen liuter ansaggt, 

un me hor eok van immeliënden Hechten Melodien van unsen allen 

Volksloiern. 

Amme twedden Eosterdag kam am Obend dann de Lentenplan op en 

Disch. De Froihjohrsarwet: Tuine flicken, Disteln stiaken iut en 

Woien, Steine mochten vamme Acker liasen weren, un de Erftenrieser 

mochten herbi; Kalk streggen un de Boime witteln; de Hawer mochte 

sagget un de Settetuffeln verliasen weren; fer de Dickebeohnen word 

et Tiet un de Soot fer’t Blaatgemoise kam in ne warme Ecke. 

Awwer: Koimens draff denken, iëbber all diëser Arwet harrn de 

Landluie nit Sinn un Eogen fer de Natiuer. Wann de Wiësen groint un 

de Quellen wier springet, Struiker un Boime Knospen driewet, 

Heaseln un Wiehen Kattkes dreat un de Vuilkes Nester in de Hecken 

bugget. 

An all diëmm Metenein, Menske un Natiuer, kann me soihn, wat et 

Froihjohr op em Doarpe an Reizen fer de Luie geat. 


Froihjohrstiet - Frühjahrszeit / Eostern - Ostern / met - mit / 

Manneges - Manches / Karweake - Karwoche / teog - (er) zog / 

veierte - vierte / ver - vor / Peiterkes Hoih - (Flurname: „Peterkes 

Höhe“) / fregger - früher / Eosterfuier - Osterfeuer / vi - wir / 

schlefften - (wir) schleppten / Dännensticke - Tannenstücke, 

Grundstücke, auf denen Tannen gepflanzt sind / dirre - dürre / 

gretter - größer / heoge - hoch / opbugget - aufgebaut / 

ruimet - geräumt / fiul - faul / hodde - hieß / mi - mir / 

frogere - fragte er / neo - noch / Breot - Brot / 

reiket - gereicht, gegeben / Gepriuste - Gepruste, Gelächter / 

kreigen - (wir) bekamen, erhielten / iutlaggt - ausgelegt / 

me - man / Luie - Leute / Eiwengiëlen - Evangelien / wall - wohl / 

liuter - immer / fregger - früher / Beoshoit - Bosheit / miëck - mich / 

goalde - (er) holte / frode - (er) fragte / veiertoihnte - vierzehnte / 

loit - ließ / frendleck - freundlich / freoh - früh / 

Wiggewater - Weihwasser / siant - gesegnet / biuten - draußen /

Kuale - Kohle / boies - beides / heimegoalt - heimgeholt, nach Hause 

geholt / weren - werden / nohfillen - nachfüllen / Felle - (zum) Felde / 

sianere - (man) segnete / Stickelken - Stückchen / doo - (man) tat / 

geat - (man) hat / immesatt - umgesetzt / terigge - zurück / 

ludden - (sie) läuteten / fierliggste - feierlichste / 

kuiern - reden, sprechen / doip - tief / ver - vor / 

Kerkenimmegang - Prozession (Umgang) um die Kirche / 

dobi - dabei / nigge - neu / viartewiesen - vorzuzeigen / 

siën - sagen / Goarresdoinst - Gottesdienst / vlichts - vielleicht / 

Moot - Maß / niu - nun, jetzt / Dierken - Tierchen / 

erfreggern - erfreuten / Briar - Bretter / unger - unter / 

schwind - schnell, geschwind / droppe - drauf / eiste - erste / 

woi - wer / bit - bis / Spoilwater - Spülwasser, hier: alkoholische 

Getränke / Schmallmereg - Schmellenberg (Ortschaft bei Oberveischede) 

/ fer - für / Walsken-Ennester - Bewohner des Ortes 

Welschen-Ennest (Walsken-Ennest) / Berges - (Familienname Berg) 

Schinkenbiëtter - Butterbrot mit Schinken belegt / jiëne - hin, auf dem 

Hinwege / Loier - Lieder / terigge - zurück, auf dem Rückwege / 

immeliënde - umliegende, im Umkreis liegende / Hechte - Höhe / 

alle - alte / Lentenplan - Plan für die Arbeit im Frühjahr (im Lenz) / 

Tuine - Zäune / Erftenrieser - Erbsenreiser, d. h. Birkenzweige / 

mochten - (sie) mussten / streggen - streuen / witteln - weiß machen / 

sagget - gesät / Settetuffeln - Pflanz-/Saatkartoffeln / Soot - Saat / 

Eoge - Auge / groint - (sie) grünen, werden grün / Struiker - Sträuche/ 

driewet - (sie) treiben / Heasel - Haselstrauch / Wiehe - Weide, 

Weidenbaum / dreat - (sie) tragen / bugget - (sie) bauen / 

Metenein - (das) Miteinander / soihn - sehen / geat - (es) hat

Et Froihjohr imme Duarpe 

Franz Kaiser, Elspe 

Wat was dat en Winter düt Johr. Et Barremeiter geng liuter in greoten 

Sprüngen rop un rin. Seo was eok et Wiär. Alle Suarten he vi hat. 

Kranke Luie gaffte’t. As iëck am fieften Feberwar in’t Duarp kam, do 

stong an diär Iuher an dr Kasse seßtoihn Grad warme. Dät konn 

stemmen, awwer as se ümmesprang op Tied, do stong do ne Tied, doi 

giëtt et üäwerhaupt nit. Iëck dachte, hiät doi Iuher aan der Kasse alt et 

Froihjohr in en Knuaken? 

Biem Kurwen Jupp woren alt de Schnoiglöckelkes am Blöggen. Eok 

bi’m Jeostes Paul sind se alt wier do. De Köhlers Hugo was ümme’t 

Hius amme Arwen. Iëck hewwe ne froget: „Hugo, kummet im 

Froihjohr de Garenzwerge eok wier riut, de Boss un doi met em 

Drückebuil?“ „Kenne Angest“, saggte de Hugo, „doi verschlopet et 

Johr nit.“ De Eosterglocken un de Tulpen stiäcket eok de Köppe alt iut 

dr Ere. Et schient mi en wennig freoh te sinn. Do roip miëck et 

Knappsteins Nella aan un saggte: In ennem allen Schaulhefte härr iät 

luasen, et wör en Johr wiäst in Elspe, do wören de Schlütelblaumen im 

Jannewar schonn am Blöggen wiäst. Seo en Wiär hiät et üäwerall alt 

mol gafft. Bi’m Reichlings Wendel geng de Springbrunnen neo nit. 

Use Vuiele het et düënn Winter guët hat. Se harren genaug te friäten. 

An Jeostes Paul sienem Hiuse hänget de Fuierdorn voll reoe Früchte. 

Düt Johr het de Vuiele se nit brucht. 

Diënn Nummedag goh iëck op en Roibenkamp un well mol soihn, ob 

de Enzian alt kümmet. 

Bi dr Kiärke drap iëck diän Habbels Herbert. Hoi saggte, hoi härr dät 

Gedicht vam Schlackerwiär luasen, dät wör schoin. Iëck saggte: 

„Wann’t di gefällt, sall ick näo eins schriewen?“

Froihjohr 

Wann de eisten Birken op ussen Biärgen groint, 

wann de Sunne et eistemol et guëtt met us moint, 

wann de Blaumen in Feld, Wald un Wiësen blögget, 

un warmen Wind diär de Biärge wegget, 

wann de Kuckuck roipet irgendwo, 

dann is et Froihjohr do. 

Dann werd et us Mensken ganz anders te Maue, 

dann packe vi usse Wanderschauhe 

un wandert in doi schoine Welt, 

frögget us am schoinen Hiëmmelszelt; 

vi frögget uns eok, wann’t mol warme riänt, 

weil dann de Hiärguat usse Feller siänt. 


et - hier: das / was - (es) war / düt - dieses / liuter - immer / 

greot - groß / rop - hinauf / eok - auch / Wiär - Wetter / 

he - haben (wir) / vi - wir / hat - gehabt / Luie - Leute / 

as - als, wie / fiefte - fünfte / stong - stand / Iuher - Uhr / 

seßtoihn - sechzehn / Tied - Zeit / doi - die / giëtt - gibt / 

Knuaken - Knochen / Kurwe - (Familienname) / Jupp - Josef / 

blöggen - blühen / Jeost - (Familienname: Jostes) / alt - schon / 

soihn - sehen / Hius - Haus / arwen - arbeiten / Drückebuil - 

Akkordeon; „Drückebeutel“: Instrument, das durch „Drücken“ zum 

Spielen gebracht wird / kenne - keine / iut - aus / mi - mir / 

neo - noch / freoh - früh / sinn - sein / roip - (sie) rief / 

vertallte - erzählte / alle - alte / iät - es, hier: sie / wiäst - gewesen / 

Schlütelblaume - Schlüsselblume, Primel / Wendel - Wendelin / 

Vuiele - Vögel / het - (sie) haben / Fuierdorn - „Feuerdorn“ (Pflanze, 

Strauch) / brucht - gebraucht / düënn - diesen / 

Nummedag - Nachmittag / Roibenkamp - Rübenkamp Flurname / 

well - (ich) will / drap - (ich) traf / hoi - er / luasen - gelesen /

eiste - erste / groint - (sie) grünen, werden grün / wegget - (er) weht / 

Maue - (zu) Mute / vi - wir / usse - unsere / frögget - (wir) freuen / 

riänt - (es) regnet / Feller - Felder / siänt - (er) segnet 

Et Frühjohr im Haubärch 

Karl Heinz Kaufmann, Hillmicke 

Nerjenswo op d’r chanzen Wäeld kümmet et Frühjohr stärker öbber d’ 

Löüj als im Haubärch. 

Wenn d’ ütjeschlopene Äere no demm langen Winter an allen Äecken 

un Engen de Ouen opritt un kriël in den Häemmel kicket. 

Wenn de ejberijen Wolpernstrücker seck op ähre dünnen, chrünen 

Äschtcher min unn üt d’n vollen Knoppen Bläetcher wie 

Strunzeläeppcher rüttertiehn. 

Wenn d’ Ämetzen an allen Höltern ropp un runger loupen, an 

mänchen Stäellen im kläeberijen Frühjohrssaap hangen blejben un 

vörr lauter Bedräeff Porzelböjme schlonn. 

Wenn d’ Rehböcke seck chäjensejdich aanbluffen un woahlmüdich im 

Dräjäck springen. 

Wenn de Moijen op d’n Sunnenstrolen spaziern chonn, von ehm tum 

angern springen, fouliken als wenn se bloß noch Sunndach hädden. 

Wenn d’ Bärkenstucken säjbern, weil en d’r Boum geströppet worte 

un nit märken, dat de Worteln alt dobej senn, d’n Saap nou för d’ 

jungen, freschen Loëden rütt te röcken. 

Nerjenswo op d’r Wäelt kann me et Frühjohr bäetter spörn als im 

Haubärch. 

Un noher, wenn dat Loh geschäelt es, d’ ütjetogenen, bläcken 

Ejkenstämme in d’r Sunne löchten, de anjedroueten Bören 

Ejkenböüjne wie Kreschtdach rucken un wie Meschtebrüh. 

Wenn d’ Räänschuurn tur rächten Tejt d’n Häemmel wäeschen, dat 

Jeschmäre wäechspülen, kräftich opröüjmen un en poar Tröppcher

wette Wolken hangen loten an d’r rächten Stäelle. Wenn de Kroan met 

vollem Schnabel in d’ nogen Dännen fliejen. 

Un et Marrichen d’n Anton bestrunzet, weil hä die Schlaue 

Haubärchsholt so flott ütschnejßelt, - un dr Anton roët wört im 

Jesechte un widderschnejßelt, als wenn niks wöör. D’m Marrichen 

awwer bejm Schanzen - maken tukicket üt verdräjeten Ouen un spört, 

wie cherne hä dat Marrichen häet. Un wenn hä dat im Kopp dann 

spört un am Härten, un op ejs ok diepe ungen im Buck. 

Wenn dat schräebliche Marrichen dann chenn Wore me finget un 

wahne Häffmut krejet. - Nerjenswo kann me et Frühjohr bäetter 

merken als im Haubärch. 

Wenn d’r Anton dann de Spöne springen lött, met d’m Bäjel Musik 

maket un denn Boimen wahne Sanktus chöett, et Marrichen em 

tukicket un nit wäit, werrüm et härbich es. 

Wenn dann d’r Anton Poëse maket, seck met d’r hochjekrämpelten 

Hämmetsmaue d’n Schwäit von d’r Steerne botzet un dat Bäjel fallen 

löëtt, seck räcket un de Föüschte in d’n Häemmel sträcket un cher 

Mensche söß im Haubärch es. 

Dann söüjt de Äere bloß noch noh denn Bäeden. Die Wolpernstrücker 

tiehn de Strunzeläeppcher in, de Moijen chenn dat Danzen draan un 

kicken tu. - De Bärkenworteln, die verchäeten nou d’n Stucken un d’ 

Loaden un wäetten nit wohenn met ährem Sapp. D’ Rehböcke, die 

blejben dann im Dräjäck stonn. Sochoar d’r Herchott häelt d’n Ohm 

dann aan. 

Jo, un die Kroh, die nou dodröbber flöjet, ritt för Verchöjserung d’n 

Schnabel op, un se verlöjset Fuder vör die Klejnen un kwaket 

opjeräjet hingerher. 

Un dat Marrichen, dat versteäht dat Kwaken. Se kwaket: „Krucke, 

krucke, nou krucke d’n Anton doch.“ 

Do springet et d’m Anton in de Oarme. Et schmitt seck emm nou 

roatschtich an d’n Hals, un spört en nou, denn Mann im Frühjohrssaap. 

Wat häett de Rouboascht fäschte stoarke Oarme, en masse Mucki 

häett dä öebberall. Un dat Marrichen, wat es dat so wäjk, un wat häett

dat en masse van dem Wäjken, un wie chott passet bejdes nou 

tesamen, dat es doch roatscherich tum dummelich wäen. 

Vielleicht fallen se dann in d’ Wolpernstrücker. 

De Moijen danzen flötter nou als vörher, d’ Ämetzen hann wedder 

väel te dunn, d’ Strunzeläppcher von d’n Wolpernstrückern, die 

winken d’m Marrichen sachte tu. 

D’r Herchott schöjbet flott en Wolke vör de Sunne un öhmet diepe 

dörch. 

De Kroan, die tiehn nou rüjich ähre Kräjse un kwaken vörsichtig, üm 

chenn te stürn. 

Die eijne Kroh, die d’m Marrichen ha so schöen jekwaket, vertiëlt nou 

ähren Klejnen, wat se sooch. 

„Nerjenswo op dr chanzen Wäelt“, säet s’ chen die Kläjnen, „kümmet 

et Frühjohr stäerker öbber de Löüj als im Haubärch.“ 


Haubärch - Hauberg / nerjenswo - nirgendwo / op - auf / Löüj - Leute/ 

ütjeschlopen - ausgeschlafen / Oue - Auge / opritt - aufreißt / 

kriël - munter, kregel / kicket - (sie) schaut, sieht, guckt / 

eijberij - eifrig / Wolpernstrücker - Waldbeerensträucher / üt - aus / 

Bläetcher - Blättchen / Strunzeläeppcher - „Strunzläppchen“, 

Einstecktuch im Sakko des Herrenanzugs / rüttertiehn - herausziehen / 

Ämetzen - Ameisen / runger - hinunter / Frühjohrssaap - Frühjahrssaft 

/ Bedräeff - Übereifer / chäjensejdich - gegenseitig / 

aanbluffen - anbellen / woahlmühdig - übermütig / Dräjäck - Dreieck / 

Moijen - Mücken / fouliken - (sie) faulenzen / 

Bärkenstucken - Birkenstumpf / säibern - weinen / 

geströppet - gestohlen / Wortel - Wurzel / Saap - Saft / 

Loaden - Lode, Sprößling / rütt - hinaus, raus / röcken - rücken / 

Loh - Rinde / ütjetogen - ausgezogen / bläck - bloß, nackt / 

anjedrouet - angetrocknet / Bören - Bunde / 

Ejkenböüjne - Eichenrinde / Kreschtdag - Weihnachten, Christtag / 

Meschtebrüh - Jauchebrühe / Räänschuur - Regenschauer / 

Jeschmäre - Geschmier / opröüjmen - aufräumen / wett - weiß /

loten - lassen / Kroan - Krähe / noge - nah / bestrunzen - loben / 

Schlaue - lange Reihe von aufeinanderliegenden Bäumen / 

üschnejßelt - entastet / widder - weiter / Schanze - Bund dünnen 

Geästs / tusöüjt - zusieht / verdräjet - verdreht / Härte - Herz / 

op ejs - auf einmal / diepe - tief / Buck - Bauch / 

schräeblich - redselig / chenne - keine / finget - (sie) findet / 

Häffmut - Aufregung / Spöne - Späne / lött - (er) läßt / 

Bäjel - Beil / Sanktus - hier: Schläge, im Anklang an „Senge“ / 

wäit - (sie) weiß / Hämmetsmaue - Hemdsärmel / Schwäit - Schweiß / 

botzet - (er) putzt / Steerne - Stirn / cher - kein / Föüschte - Fäuste / 

söß - sonst / bäede - beide / tiehn - (sie) ziehen / chenn - (sie) geben / 

verchäeten - (sie) vergessen / wäetten - (sie) wissen / 

Kroh - Krähe /Verchöjserung - Verwunderung/ verlöjset - verliert / 

krucke! - umarme! / schmitt - (sie) wirft, schmeißt / 

roatschtich - völlig, ganz und gar / nou - nun, jetzt / 

Rouboascht - „Rauhbein“ / fäscht - fest / wäjk - weich, zart / 

chott - gut / dummelich - toll / dunn - tun / sachte - sanft / 

schöjbet - (er) schiebt / öhmet - (er) atmet / vertiëlt - erzählt / 

sooch - (sie) sah / chen - gegen, hier: zu 

Aschemiddewiäken 

Adolf Pick, Oedingen 

Se haren iän vannen Beinen huallt, feyf Dage konn hei allen trotzen, 

ne echte Söierländer Äike was Middewiäckens amme Kotzen. 

„Altweyber“ fäng dat Hurra aan, dat Alle, frum et ganze Johr, 

stong „Lüttecke“ amme Kalender, dann kam dat Anna nit meh kloor. 

Dunnersdages brannte’t diär, et flippere mol richtig öit, 

kraup in irgend enne Maske un rannte öit em Höise röit.

Fiär’n Wilm was dat en gurret Täiken, nöi harr hei auk mol endlick 

frey. 

Un amme üewerfüllten Tresen was’e lange met derbey. 

Am Freydag dann de eiste Apen, dei lätt siëck awwer reguleiern. 

Op der Arwet amme Schröifstock konn nit allteviëll passeiern. 

Owends dann de Halle schmücken - de Wilhelm kannte jeden Kniëpp, 

’ne Kiste Beier, scharpe Schnäpse, hei harr alles imme Griëpp. 

Sunnowends in enner Kneipe was aansatt ein Karnickelball. 

Hei woll siëck auk nit inachte niämmen, do mocht’e hiënn op jeden 

Fall. 

Aangegriëppen kam hei häime met Juppijeh un met Juchhei. 

Sunnowends stallt’e faste: Hei harr diän Apen Nummer drei. 

Öitgeriäcknet amme Grautsunndag mocht’e nau ’ner Silwerhochteyt. 

Op em Heimwiägg stellt’e fast, Nummer veier was nit weyt. 

Mandags kam dat graute Rennen. Eis saat’e arteg aan der Kasse. 

Dann schmeit’e siëck met voller Brust am Tresen in dei dulle Masse. 

Dat Alle kreig ne nit met häime. Glanz harr hei in en Augen stohn. 

Wöiviëlle Küßkes hei verschmeit, dat draff iëck wirkleck nit verroon. 

Et Danzmariechen in den Armen peip hei op de ganze Welt. 

Op enmol fell me selwer in: konn ick nit auk nau jünger sinn? 

Am Diensdag Muarren wußt’e nit, dat was mol wier dei echte Wilm, 

wöi hoi blauß was no heime kummen. Iäm fehlere ’en ganzen Film. 

Terheimen amme Kaffeidiske was et Anna amme Möilen, 

vergreip siëck dann an einem Fiske, ’en Kopp taum Biästen un taum 

Höilen.

Se reipen in ner Kneipe aan „Kumm met, vey wellt no Attendoren.“ 

Do gaffte’t als wier niggen Sprit. 

Seyn Kiëgelclub was amme Hexen. Ohne Wilhelm geng dat nit. 

Alaaf, Helau twiälf Stunnen lang! En Geldböihl uapen, et hell nit 

drümme. 

De Weynkes un de Kümmerlinge kippern reygenweyse ümme. 

Se fegeren de Halle öit, aan siëck is dat en boises Teiken. 

Hei mochte nau met aller Kraft et eigene Berre nau erreiken. 

De Butze laggte inner Trappe, de Rock häng amme Küeckendisk. 

Amme Schape harr’e auk nau klauert Konfetti inne Dause Fisk. 

Drei Dage saggte’t Anna niks. Drei Dage was’et amme Kröiken. 

Kamillentei un Tweybacksbrocken konn’e serienweyse bröiken. 

Dann kam dei Daag, dei kummen mochte - dat Alle boise as en Stier. 

„Hogg en Stauhl op mi kaputt, Menske, awwer kuire wier!“ 

Et Anna harr twäi Dage später Geburtsdag imme Höishaltsplan. 

Wat da use Wilm do hiät maket, dat geiht us alle niks meh aan. 


Aschemiddewiäken - Aschermittwoch / huallt - geholt / feyf - fünf / 

Äike - Eiche / alt - schon / weyer - wieder / Alle - Alte / 

frum - besonnen; fromm / stong - stand / Lütteke - Donnerstag vor 

Rosenmontag, an dem die Kinder „Lütteke Fastnacht = Kleine 

Fastnacht“ feierten / meh - mehr / diär - durch / öit - aus / 

kraup - (sie) kroch / Höis - Haus / fiär - für / gurre - gute / 

nöi - jetzt, nun / frey - frei / derbey - dabei / eiste - erste / Ape - Affe / 

doi - der / loit - (er) ließ / Arwet - Arbeit / 

Schröifstock – Schraubstock / Kniëpp - Kniff / aansatt - angesetzt / 

mocht’e - mußte er / hiënn - hin / häime - heim, nach Hause /

met - mit / Grautsunndag - Karnevalssonntag („Groß-Sonntag“) / 

väier - vier / weyt - weit / graut - groß / eis - erst / 

schmäit - (er) warf, schmiß / kräig - (sie) bekam, kriegte / 

wöiviëll - wieviel / draff - darf (ich) / verroon - verraten / 

päip - (er) pfiff / fell - (es) fiel / auk - auch / nau - noch / 

Muarren - Morgen / wußt’e - wußte er / Wilm - Wilhelm / 

wöi - wie / iäm - ihm / terhäimen - zu Hause / 

möilen - schimpfen, schmollen, maulen / vergräip - (sie) vergriff / 

biästen - platzen / höilen - heulen / reipen - (sie) riefen / vey - wir / 

wellt - wollen / nigge - neu / twiälf - zwölf / uapen - offen, auf / 

hell - (es) hielt / Teiken - Zeichen / mochte - (er) mußte / Berre - Bett / 

Butze - Hose / Trappe - Treppe / Küeckendisk - Küchentisch / 

Schap, amme Schape - Schrank, am Schrank / klauert - geworfen, 

geschüttet / was’e - war er / kröiken - kröcheln, stöhnen / 

bröiken - brauchen, gebrauchen / mochte - (er) mußte / boise - böse / 

hogg! - Hau! Schlag! / mi - mir / kuier - sprich! rede! 

Viär Eostern 

Irmgard Pick, Elspe 

Et wor im Froihjohr 1947 (niëgentoihnhundertsiëbenunvötteg), 

Eostern stong ver der Deer. Mien Brauer, domols siëwen Johre alt, un 

mien Süster, sess Johre alt, wachteren op Eostern un dean Eosterhasen, 

doi dean boien Egger brengen sollte. Boie woren awwer nit säo 

loif wie unse Mömme se geren hat här. Dorümme saggte se fer uns 

Blagen: „Düt Johr geiht de Eosterhase an unsem Hiuse verbi, willen 

hoi koine Egger mehr fer seo ungezogene Kinger heät.“ Mien Brauer 

hoor siëck dat aan, dann stong et fer ean fast, et mochte en Hauhn her, 

wat fer dean Eosterhasen Egger laggte. Hoi wiggere mien Süster in 

sienen Plan in, un doi boien stibitzeren bi unsem Nohwern en Hauhn. 

Etwa hunnert Meter van unsem Hiuse entfernt stong ne dicke Hecke. 

Doi boien nahmen ne greoten Tuffelnkoarw un ab met deam Hauhn 

unger’n Koarw un in doi dicke Hecke. Awwer woher dat Fauer fer dat

Hauhn neammen? Vi harrn twar selber Hauhnder un Fauer, awwer dat 

wör jo opfallen. Also mochte mien Süster middags op iar Eaten 

verzichten, un domet wor dat Hauhn dann fauert. Mien Brauer, doi 

liuter Schmacht harre, verzichtere nit op sien Eaten. Seo geng dat droi 

Dage lang. Jeden Daag wor mehrmols unger dat Hauhn kucket, ob 

immer neo koin Oi do laggte, awwer liuter vergiawens. 

Miener Mömme was dat Verhallen der boien alt opfallen, awwer doi 

boien Blagen hallen dicht. Op emmol kam doi Nohweske un vertallte 

miener Mömme, dat ärre gurre Hahn nit mehr do wör, un ob soi dat 

Voih villichte soihn här. Miener Mömme geng en Lecht op, un en 

gehöriget Dunderwear fer doi boien Üeweltäter wor fällig, awwer eok 

im Gespräch met unsem Var en Gelächter. Un näo bit taum heutigen 

Dage moffi Geschwister immer neo lachen, dat doi boien statt en 

Hauhn nen Hahn taum Egger leggen klauet het. De Eosterhase harr 

dann doch en Insoihn un laggte doch in unsem Gaarn fer jeden Egger, 

un de Welt wor fer us Kinger wier in Ordnunge. 


viär - vor / Eostern - Ostern / stong - stand / ver (unbetont) - vor / 

Deer - Tür / Brauer - Bruder / Süster - Schwester / sess - sechs / 

wachteren - (sie) warteten / op - auf / boie - beide / Egger - Eier / 

loif - lieb / Mömme - Mutter / hat - gehabt / här - (sie) hätte / 

fer - für, hier: zu / düt - dieses / usse - unser / Hius - Haus / 

verbi - vorbei / willen - weil / hät - (er) hat / hoor - (er) hörte / 

ean - ihn / mochte - (es) mußte / wiggere - (er) weihte / 

Nohwer - Nachbar / unger - unter / Tuffelnkoarw - Kartoffelkorb / 

vi - wir / harrn - (wir) hatten / Haunder - Hühner / opfallen - 

aufgefallen / Eaten - Essen / fauert - gefüttert / hallen - (sie) hielten / 

Blagen - Kinder / Nohweske - Nachbarin / ärre - ihr / gurre - gute / 

flietig - fleißig / Voih - Vieh / soihn - gesehen/ eok - auch / 

moffi - müssen wir / neo - noch / leggen - legen / Kinger - Kinder

Use siëwen Tückelkes 

Rudi Plugge, Elspe 

Se het en putzig kloinet Huisken 

met em schoinen Stiäweken, 

un doviär, im Hiäweken, 

steiht en Düppen met Hawerkiären 

un em Waternäppken. 

Friäten daut se ase de Diärsker, 

weil se liuter rümmehüppet, 

use siëwen Tückelkes. 

Mol en wennig Hawerpäppken, 

mol en Wörmken oder süß en Deilken, 

un dotüsker af un tau 

äok vam Gras en Speierken, 

bit se obends moihe sind. 

Dann is Rugge imme Hiäweken. 

Un im kloinen Stiäweken 

hingerm Finster 

sittet dann use siëwen Tückelkes 

un piepet: „Gurre Nacht!“ 


use - unsere / siëwen - sieben (Zahl) / Tückelkes - Hühnchen / 

het - (sie) haben / Huisken - Häuschen / met - mit / em - einem / 

Stiäweken - Stübchen / doviär - davor / Hiäweken - Höfchen, kleiner 

Hof / Düppen - Schüssel / Hawerkiären - Haferkörner / 

Waternäppken - kleiner Wassernapf / friäten - fressen / 

daut - (sie) tun / liuter - immer / rümmehüppet - (sie) hüpfen umher / 

Hawerpäppken - Haferbrei / Wörmken - Würmchen / süß - sonst / 

Deilken – Teilchen / dotüsker - dazwischen / af un tau - ab und zu / 

Speierken - Hälmchen / moihe - müde / Rugge - Ruhe / hinger - hinter

Glücke 

Franz Josef Schlimm, Olpe-Lütringhausen 

Luter höört me wier melden, 

Glücke gäffte’t wahne selden. 

Iëck bewiese schwart op witt, 

diëse Meldunge stemmet nit! 

Näi, dei Lüe hent en Knall! 

Glücke giëtt et üwwerall. 

Seihnt! Wei blouß ens kuraschäiert 

in de Groutstaadt Olepe föühert 

un bekieket siëck dei Stroten, 

wou hei’t Auto stohn künn loten 

un dann finget noch ne Lücke 

tau me Parriken, het me Glücke. 

Wei met äiner Fraue bestatt is, 

dei noch diënndag piakeschwart is, 

moren awwer as Blondine 

häime küënnt im Mondenschiene, 

un hei kennt se trotz Perücke 

jo, miensäil, dei het Glücke. 

Gäiht me in dat Restourang 

vam Chinäisen Tsching-Tschung-Tschang, 

ohne diësen netten Kloon 

op chinäisisch te verstohn, 

un bestellt siëck as Menü 

„tuck-tuck-tuck-a-la-kikeri“ 

un kritt ohne viëll Bohäi 

echtet Hauhnder-Frikassäi 

- statt woumüëglick Schlieken-Stücke - 

het me Glücke.

Lött me diënndag bi me Gammelen 

ümme’n Kopp de Hoore zammelen, 

un me maket diëtt Theater 

lange ohne Säip un Water 

un et giëtt kein Luusgejücke 

het me Glücke. 

Noch van dousend anderen Fällen 

künn iëck mindestens vertellen, 

wou dat Glücke, as me siëtt, 

äinfach op d’r Strote liëtt. 

Wann me luter noch hört melden, 

Glücke gäffte’t wahne selden, 

is dat doch bi souviëll Glücke 

äigentlick en starket Stücke! 


luter - immer / me - man / wier - wieder / wahne - sehr / 

bewiese - (ich) beweise / witt - weiß / näi - nein / Lüe - Leute / 

hent - (sie) haben / giëtt - gibt / seihnt! - seht! / wei - wer / 

ens - einmal / föühert - fährt / bekieket - (er) besieht, beschaut, 

betrachtet / Strote - Straße / wou - wo / hei - er / loten - lassen / 

finget - (er) findet / Parriken - Parken / het - (er) hat / 

bestatt - verheiratet / diënndag - heute / piakeschwart - pechschwarz / 

moren - morgen / as - als / häime - nach Hause, heim / 

küennt - (sie) kommt / miensäil - wahrhaftig (Beteuerung: meiner 

Seele!) / op - auf / kritt - bekommt, erhält / Bohäi - Umstand / 

guëdd - gut / Haunder - Hühner / Schlieke - Regenwurm / 

lött - (man) läßt / gammelen - herumlungern / zammelen - in Strähnen 

wachsen lassen / diëtt - dies / Säip - Seife / Luusgejücke - Lause- 

Gejucke / siëtt - (man) sagt / liëtt - (es) liegt /

Doum 

Karl-H. Falk, Attendorn 

1. Maket wat ute d’r Ere 4. Steine bearwen 

se is Au leihnt! 

met Knüppel un Iesen. 

Woorde vam Heren, 

Fratzen spigget Water, 

Glouwe füör uns. – 

Biëller, 

Steine ut’m Buuk d’r Ere, Engel un Hillige 

Eiken van en Biärgen 

un diän Heren 

weerd nu bearwet 

dout am Krüze. 

no em Mote det Mesters. 

Taum Hängefallen. 

Se bugget en Doum. 

Hei bugget am Doum. 

2. Steine bearwen 5. Richtop de Riwwen 

milliounen Johr olt 

Houg as de Müer 

Johr füör Johr 

schlinget siëck uawen 

met Knüppel un Iesen. 

nit Aanfang nit Enge 

Quader üm Quader 

in Pässen un Blosen 

füör Müer un Fundament, 

ase Blaumen 

keimes süht se 

Gedanken ut Stein. 

ungen in d’r Ere. 

Grout dei Rouse 

Se bugget am Doum. 

buar d’r Pote. 

3. Steine bearwen 6. Hei kam ase Büekel, 

met Knüppel un Iesen, 

lahrte sin Handwiärk, 

Profile füör Pieler, 

was Geselle, 

Mootwiärk un Pote, 

is Vormann. 

dei Krüzblaume 

Met griesen Horen 

houg op’m Touern 

nu wölwet hei Gurte, 

te seihn, 

wölwet Riwwen 

noge bi’m Hiëmmel. 

van Pieler tau Müer. 

Hei bugget am Doum. 

Ase gefallene Hänge.

7. Klocken un Fahnen 8. En andermol Stille. 

Waslechter, 

Im halwen Lecht 

Blaumen, 

huket Lüe. 

Örgel un Chor. 

Kummet met Huapnung, 

Pontifikalamt. 

Suarre im Hiärten. 

Priester weert wigget. 

Biän, 

Douenmisse, 

met gefallenen Hängen. 

Hochtiet, Doupe. 

Se seiket en Heren 

Et bruset im Doum. 

hi imme Doum. 


Doum - Dom / maket! - macht! / Ere - Erde / Au - Euch, Ihnen / 

Woorde - Worte / Heer, vam Heren - Herr, vom Herrn / Buuk - Bauch 

/ Eike - Eiche / weerd - (sie) werden / bearwet - bearbeitet / Moot, no 

em Mote - Maß, nach dem Maß / Mester - Meister / bugget - (sie) 

bauen / Iesen - Eisen / Müer - Mauer / keimes - keiner, niemand / 

ungen - unten / hei - er / Pieler - Pfeiler / Mootwiärk - Maßwerk / 

Krüzblaume - Kreuzblume / houg - hoch / Touern - Turm / 

seihn - sehen / noge - nah / spigget - (sie) speien, spucken / 

Biëller - Bilder / Hillige - Heilige / dout - tot / 

Hängefallen - Händefalten / richtop - hochgerichtet / Riwwen - 

Rippen / grout - groß / buar - über / Pote - Pforte, Tor, Tür / ase - als / 

Büëkel - kleiner Junge / lahrte - (er) lernte / was - (er) war / 

gries - grau / gefallene - gefaltete / Hänge - Hände / Klocke - Glocke / 

Waslecht - Wachslicht, Kerze / wigget - geweiht / 

Douenmisse - Totenamt / Doupe - Taufe / bruset - (es) braust / 

halw - halb / huket - (sie) hocken / Suarre - Sorge / Hiärt - Herz / 

biän - beten / seiket - (sie) suchen / hi - hier

Präsidentenwahl in Amerika 

amme Enge van diäm Johr 2000 (tweidiusend) 

Elisabeth Kaiser, Oberhundem 

Twei Mann an der Tahl, 

ställten iärk tau der Wahl. 

Bush un Gore weren doi Namen, 

doi do op doi Liste kamen. 

Et was wall viäriut te soihn, 

dat se hän balle mocht Pinneken toihn. 

Doch wat afloip bi diënn Wahlgeschichten, 

do konnt neo Generatieonen van berichten. 

Boie roiseren wiäkenlang der’t Land, 

wollen Wählerstemmen fangen 

un makeren iäre Parolen bekannt. 

Bi ennem soll alles biätter weren, 

doi andere, dei verherre ne diän Hiëmmel op Eren. 

De ganze Welt met Spannunge soh, 

wat siëck in Amerika seo doo. 

Dat greote Land imme Wahlkampffeiwer. 

En Bundesstaat woll diän Busch, diän anderen was de Gore loiwer. 

Boie satten iärk in’t rechte Lecht. 

En jeder saggte: „Iëck make’t au recht.“ 

Dobi teog eok mol einer iuwer diän andern hiär. 

Iëck dachte: Worimme kiährt doi nit jeder ver siener eigenen Diär? 

Dat sellen se endlech doch begriepen 

un iärk in’t eigene Fell mol kniepen. 

Wiu diäme eok was, ase doi Wahldag stong op diäm Plan, 

manegerein doi Nacht nit in’t Berre kam. 

Soi gengen ganz siëcker dovan iut: 

Moren Muaren suiht de Welt in Amerika ganz anders iut. 

Dat se iärk dobi han in de Finger schniën, 

dat het se ganz fix te spiären kriën. 

Wiäkenlang het se iärk met der Tellerie Arewet maat, 

de Clinton neo lange op sienem Stauhle saat. 

Diän Uiewesten Gerichtshuaf, diän schalteren se in.

Doch doi brachte eok niks Geschoites dogiënn. 

Dat Interesse an der Sake nahm langsam af in der Welt. 

De Luie doi dachten: Lot se doch maken, wat se wellt! 

Imme doi Geschichte an’t Enge te driewen, 

loiten se dat Tellen van diän lesten Stemmen einfach bliewen. 

De Bush wor met knappem Viärsprung doi eiste Mann 

un trachte sien Amt no einegen Wiäken aan. 

Doch eger hoi diän Eid aflaggte, 

hoi niggemoideske Affären in’t Spiëll brachte. 

Viëlle Amerikaner dachten stille: 

Is dat wall des Volkes Wille? 

Wiu diäme eok is: Veier Johr mott se iärk met me rimme kriegen, 

un dann kann de Gore neo liuter op et Träppken stiegen. 


Enge - Ende / iärk - sich / weren - (sie) waren / op - auf / 

wall - wohl / viäriut - voraus / soihn - sehen / hän - (sie) hätten / 

balle - bald / mocht - gemußt / toihn - ziehen / afloip - ablief / 

diënn - diesen / boie - beide / roiseren - (sie) reisten / 

wiäkenlang - wochenlang / der (unbetont) - durch / iäre - ihre / 

verherre - (er) verhieß / Ere - Erde / soh - (sie) sah / doo - (es) tat / 

greot - groß / Wahlkampffeiwer - Wahlkampffieber / loif - lieb / 

satten - (sie) setzten / au - euch, Ihnen / teog - (er) zog / eok - auch / 

iuwer - über / worimme - warum / ver (unbetont) - vor / 

sellen - (sie) sollten / kniepen - kneifen / wiu - wie / was - (es) war / 

ase - als, wie / stong - stand / manegerein - manch einer / Berre - Bett / 

moren Muaren - morgen früh / suiht - sieht / iut - aus / 

han - (sie) hatten / schniën - geschnitten / kriën - bekommen, gekriegt / 

Tellerie - Zählerei / maat - gemacht / neo - noch / uieweste - oberste / 

dogiënn - dahin / af - ab / Luie - Leute / lot! - laß! laßt! / imme - um / 

driewen - treiben / loiten - (sie) ließen / leste - letzte / 

bliewen - bleiben / eiste - erste / trachte - (er) trat / Wiäke - Woche / 

eger - ehe / niggemoideske - neumodische / wall - wohl / veier - vier / 

mott - (sie) müssen / met me - mit ihm / rimme - herum / 

stiegen - steigen

Unger us vertallt 

Paul Zeppenfeld, Grafschaft 

Am Fastowendsunndag in Niederberndoarp, do was wat lääs. Do 

Strote was schwatt van Luien. Se wören öüt deäm ganzen 

Schmallmesken Suerlande kummen, ümme siëck deän Fastowendszug 

aantesoihn. An der Spitze de Fahnendreäger met em Funkenmariechen. 

Dann de Fleckmerske Knüppelmusik ase Höüsmänner im 

Kiël un Schiärte un en Plett op em Koppe. Dohinger en Gen-Labor op 

veier Raa met em Riesenkürbis drinne, doi van enner Gen-Mafia 

toagen wor, doi wahne gruseleg öütsöhn. 

Prinz Stefan I (de Eiste) un Prinzessin Verena met Gefolge op ennem 

wunderschoinen Prinzenwagen. Doi Arper Prinz Josef I (de Eiste) 

brachte op seynem Wagen öüt „Döüsend un enner Nacht“ gleyk dät 

ganze Harem met. 

De Keärls vam „Männerclub“ hengen in der „Puppenkiste“ ase 

Marionetten an Bängen. Sää harren de Fruggens eäre Keärls über 

Fastowend mol faste an der Leyne. 

Un dann nä doi viëllen Fußgruppen met Funkenmariechen, Indianer- 

Squaws, Scheiche un Fruggens met Spaghetti op em Koppe. Op 

ennem gräten Schille stong: „Wollt ihr kein Fleisch vom Rindvieh, 

dann eßt Spaghetti von Napoli.“ Doch eismol gaffte’t fär doi Gecken 

nur Kamelle. 

In Üäwerkeärken het se de Keärke nigge üäwerhalt. Sää mochten doi 

öütweyken, bo se Misse hallen konnen. Vär koartem seyd de 

Üeberkeärkesken wier in eärre renovierte Keärke intoagen. „Soi is 

wunderschoin woren!“ Dät is nit ments de Moinunge van diän 

Üeberkeärkesken, sondern ääk van deän Besoikern öüt noh un fern. 

Bit et sä weyt was, mochte de Misse üeber viëlle Monate in der allen 

Strickerey van Feldmanns (Stricke-Wilm) fiert werden. Fär de Ersatz- 

Keärke harren se beym Frähschoppen fix ne niggen Namen fungen. 

Weyl Wilhelm Feldmann vär über twinteg Johren op em Schützenfeste 

Koiser woren is, het se de Strickerey „Kaiser-Wilhelm-Dom“ 

nannt.

Vär 25 (feywentwintig) Johren mochte de Gemoinde all mol öütoihn, 

weyl de Keärke ümmebugget wor. Domels fiereren se de Misse in 

Rickerts Autowerkstië, doi ääk ne Tankstië harr. Jedesmol, wann se in 

de Misse wollen, saggten de Luie: „Vey gatt in de Aral-Keärke.“ 

Acht Schmallmeske het vär koartem ne Kruizfahrt op der „bloen“ 

Donau no Wien un Budapest macht. De „Swiss Diamond“ was en 

„Traumschiff“, ments nit ganz sä gräät ase 't im Fernsehn is. Bey 

allem Komfort gaffte’t am eisten Obend Probleme, ase eärk de 

Kruizfahrer taum Schlopen in de Kojen liëgen wollen. Do brannte ne 

gräte Lampe op deäm Nachtdisk. Abber kenn Schalter taum 

Öütmaken was te fingen, obwall de ganze Kajütte op en Kopp stallt 

wor. Lesten Enges dee de Schenk seynen Anorak üeber deän Schirm 

hangen, de Kewes heät de Beär röütdregget un de Ridder op ennen 

räoen Knääp drucht. Dät was abber de Knääp fär’n Alarm. Peynlech! 

Denn hoi stong all in der Ungerbükse. Am andern Moargen saggte 

seyne Frugge: „Nä sau fix heww iëck Franz-Josef nä nit in seynem 

Anzuge wier soihn.“ 

Un bo was de Schalter nöü? Ase moargens de Gardeynen optoagen 

woren, do kam’e taum Vörscheyn. De Meiler harr mehr Glücke. Hoi 

was no deäm Motto op Soike gohn: „Woi soiket, doi finget.” 

Bit balle mol wier! 


unger - unter / us - uns / Fastobendssunndag - Karnevalssonntag / 

was - (es) war / lääs - los / Strote - Straße / schwatt - schwarz / 

Luie - Leute / wören - (sie) waren / öüt - aus / Schmallmesker 

Suerland - Bereich Schmallenberg innerhalb des Sauerlandes / 

aantesoihn - anzusehen / Fleckmerksk - zu Fleckenberg gehörig, 

Knüppelmusik / ase - als, wie / Höüsmänner - Hausmänner / 

Kiël - Kittel / Schiärte - Schürze / Plett - Tuch / dohinger - dahinter / 

veier - vier / Raa - Räder / toagen - gezogen / wahne - sehr / 

op - auf / Arper - zu Arpe gehörig / hengen - (sie) hingen / 

Bänge - Bänder / harren - (sie) hatten / Frugge - Frau / gräät - groß / 

eismol - erst einmal / bit - bis / balle - bald / wier - wieder /

Üäwerkeärken - Oberkirchen (Ortsname) / het - (sie) haben / 

nigge - neu / üäwerhalt - überholt / sää - so / mochten - (sie) mußten / 

öütweyken - ausweichen / bo - wo / vär - vor / seyd - (sie) sind / 

ments - nur / ääk - auch / weyt - weit / alle - alte / fiert - gefeiert / 

fär - für / fungen - gefunden / twinteg - zwanzig / het - (sie) haben / 

öütoihn - ausziehen / ümmebugget - umgebaut / 

Autowerkstië - Autowerkstatt / vey - wir / gatt - (wir) gehen / 

blo - blau / schlopen - schlafen / liëgen - legen / kenn - kein / 

stallt - gestellt / dee - (er) tat / Kewes - (Familienname) / Beär - Birne, 

hier: Glühbirne / röütdregget - herausgedreht / räoe - rote / 

Knääp - Knopf / drucht - gedrückt / hoi - er / Ungerbükse - Unterhose/ 

weäst - gewesen / bo - wo / nöü - jetzt, nun / Soike - Suche / 

gohn - gegangen 

Dei Fortschritt 

Maria Hütte, Drolshagen 

Wann iëck mi unse Welt beseih 

un en Parallele teih 

tau dian diartiger, viartiger Johren: 

Wat is ut unser Welt geworen? 

Domols wor alles noch intakt un glatt. 

Me sprook op de Schrift odder bläif bi sienem Platt. 

Iëck si fürr Fortschritt, guëtt, dat me’n hät, 

doch küennt bi diam Tempo unseräin nit mäih met. 

Domols worent Kinger noch Blaan un keine Kids. 

Do worent de Schlager noch keine Medleys un Hits. 

Et T-Shirt wor domols noch unbekannt, 

en aanständig Hiëmmet wor unse Untergewand. 

Vi kanntent keinen Computer, kein Videou 

un worent ouk ohne Inline-Skater frouh. 

Me ha keinen Taschenriakner un sou Saken. 

Vi muchtent unse Schaulesaken noch selwer maken.

Null Bock op de Schaule hät et ouk nit jegiawen. 

De Devise hette: I lehrent für et Liawen! 

Vi worent in keinen Gameboy verliebt, 

un ouk nit happy, wann et Tamagotchi piept. 

De Jugend van heute - stellent Auk vüör! 

stott op Ringe un Brillis in Nase un Ohr! 

Awwer dat Schärpeste - et is keine Fabel, 

dei hänt sougar en Brilli im Nabel! 

Jäider hät en Handy in der Tasche! - Ick wedde, 

dei niamment dat Dingen sougar met in’t Bedde! 

Iëck sië Auk: Et liëtt op der Hand, 

bole giëtt et mäih Handys as Tahnböisten im Land. 

Up to date is blouß mäih dei Mann, 

dei e-mailen un faxen kann, 

dei surfen kann im Internet, 

un do en äigene Homepage hät, 

diam keiner op der Leitung stäiht, 

un dei täglich online gäiht. 

Of äiner Liebeskummer odder Schwäitbäine hät, 

alles lött siëck regeln per Internet! 

Do schicket, wei dout gäiht, en E-Mail in’t Netz: 

Ich habe fertig - Petrus - komme jetz! 

Dobi daunt se sou jeschoit un wichtig, 

as wörent vi Olen imme Koppe nit richtig! 

Dei Fortschritt is mi nit jehoier. 

Do luawe iëck mi dat Tempo van froiher. 

Mag et Internet für miëck en Geheimnis bliewen, 

iëck were widder miene Breiwe schriewen. 

Lott se mienetwiagen de Computermaus klicken! 

Vi wellt jetroust in de Zukunft blicken, 

wiëten, dat dei ole Guatt noch liawet. 

Hei bestimmet, wei wann de Welt ut denn Angeln hiëwet. 

Äine Bitte an denn Hiärrguatt häwwe iëck noch, 

un iëck huape, dat et batt: 

Erhole uns unse dütsche Sproke 

un unse leiwe, ole Platt!


wann - wenn / mi - mir / beseih - (ich) besehe, betrachte / 

teih - (ich) ziehe / diartig - dreißig / viartig - vierzig / ut - aus / 

me - man / sprook - sprach / op de Schrift - hochdeutsch (im 

Unterschied zu plattdeutsch) / bläif - (er) blieb / si - (ich) bin / 

guëtt - gut / hät - (man) hat / küennt - (er) kommt / mäih - mehr / 

met - mit / Blaan - Kinder / Hiëmmet - Hemd / frouh - froh / 

vi - wir / Taschenriakner - Taschenrechner / sou - so, hier: solche / 

muchtent - (wir) mußten / Schaulesaken - Schularbeiten / 

ouk - auch / jegiawen - gegeben / hette - (sie) hieß / i - ihr / 

lehrent - (ihr) lernt / auk - euch / stott - (sie) stehen / op - auf / 

schärpest - schärfest / hänt - (sie) haben / wedde - (ich) wette / 

niamment - (sie) nehmen / liëtt - (es) liegt / bole - bald / 

Tahnböisten - Zahnbürsten / Schwäitbäine - Schweißfüße / 

lött - (es) läßt / wei - wer / dout gäiht - stirbt, „tot geht“ / 

daunt - (sie) tun / as - als / wörent - (wir) wären / ole - alte / 

froiher - früher / bliewen - bleiben / were - (ich) werde / 

widder - weiter / Breiwe - Briefe / lott! - laß! laßt! / wiëten - wissen / 

liawet - (er) lebt / hiëwet - (er) hebt / batt - (es) nützt, hilft / 

erhole! - erhalte! / leiwe - liebe

Reiterhuaf Heinemann soiket en niggen Perrefleger 

Elisabeth Kaiser, Oberhundem und Rudi Plugge, Elspe 

Personen: 

Fabian, der Bewerber und Hubertus, der Inhaber des Reiterhofes 

Fabian: 

Hubertus: 

Fabian: 

Hubertus: 

Fabian: 

Hubertus: 

Fabian: 

Hubertus: 

Fabian: 

Hubertus: 

Fabian: 

Hubertus: 

Fabian: 

Hubertus: 

Alseo, diusend Mark Monatsleohn, Krankenkasse un 

seo wat, dät heert doch derbi. 

Dat geiht in Ordnung. Siëcker! 

En Biusparvertrag heww’ iëck eok neo amme Leopen. 

Doi weert doch äok widder betahlt? 

Geiht in Ordnung! 

Kamer met Fernsehn un Dusche is doch siëcker kloor! 

Iëck schlope nit im Stalle bi diän Perren ase dät fregger 

Meode was. 

Iëck hewwe et hoort. 

Un wann miene Frendin kiëmmet, kann se doch eok 

allet metbriuken. Iëck kann dat Mätken doch nit unger 

de Pumpe schicken, dät mass’e doch verstohn. 

Geiht in Ordnung. 

Et matt eok liuter en Rietperd fer miëck peroot stohn. 

Iëck kriege tau jeder Dagestied Lust taum Riën. Iëck 

här awwer gern en figelant Perd, nit dat alle, wat do 

hingen an der Hecke steiht! 

Dat geiht in Ordnung. 

Un miene Frendin weiß’e, dei well eok all emol op dät 

Perd. Et kann’t neo nit recht, awwer - et weer schoin, 

diu gäfftest iämme en wennig Nohillepe. 

Jo, iëck hewwe’t hoort, hewwe’t hoort. 

Mien Vatter, doi well miëck af un tau besoiken. Hoi här 

dann gern en guëtt Froihsticke. 

Jo, iëck hewwe’t hoort. Siëcker. Geiht in Ordnung. 

Geiht in Ordnung. Siëcker.

Fabian: 

Hubertus: 

Fabian: 

Hubertus: 

Fabian: 

Hubertus: 

Fabian: 

Hubertus: 

Fabian: 

Hubertus: 

Fabian: 

Hubertus: 

Fabian: 

Hubertus: 

Fabian: 

Hubertus: 

Miene Mama doi well diän Summer nit op de 

Malediven, doi well gern bi Au Iurleob maken, bis’e 

doch met inverstohn. 

Gewiß, geiht in Ordnung. Siëcker. 

Wann iëck Geburtsdag hewwe, dann goh iëck geren 

dovan iut, dät fer miëck un miene Kumpels ne Fete 

stallt weerd. 

Jo, dat geiht eok in Ordnung, siëcker. 

Un dann, geregelte Frietied, dat is doch eok 

selbsverständlech. 

Jo, dat is mi kloor. 

Awwer wann’t mi mol spä weerd, weiß’e, seo 

Fastowend, Schützenfast, oder no ner Disco, un Fautballspiëll 

oder seo, jo, dann kumme iëck et Muarens 

seo schlecht iut diäm Kilter. Awwer dann mechtest diu 

mi’t Froihsticke no der Kamer brengen. Un diän Stall 

mechtest diu dann eok maken. Diu weißt jo, fauern un 

misten un striegeln un seo wat. 

Na ja, iëck hewwe’t hoort. 

Diu giäst doch eok siëcker wiän, doi mi de Schauh 

wichset un de Hiëmeder bügelt. Awwer nit einfach met 

Spigge! Mott richteg blank putzet weren! Un diän 

Perremist richteg afkratzen! 

Jo, dat geiht in Ordnung. 

En guëtt Christkingeken is doch eok siëcker drinne? 

Siëcker! 

Nit bleoß en paar Nuiete uawen unger’n Hiften 

sammelt, ungerm Berrege, doi soike iëck mi sellewer, 

oder en paar Platzkes un Fiusthänsken. Iëck dachte do 

mehr an seo moderne Elektronik, dat suihst diu doch in. 

Iëck hewwe et hoort, jeo. 

Jo, seo, dät weer fer’t eiste alles. Dann sin vi uns jo 

eineg. Wanneh kann iëck aanfangen? 

Jo - seo ganz stemmet doi Sake neo nit. Iëck här do eok 

neo seo einiges tau te siën.

Fabian: Jo, iëck wißte nit, wat. Awwer – seo schlimm weerd et 

wall nit sinn. Dann schuit mol los! 

Hubertus: Giäst diu seo dicke witte Knoihuasen ? 

Fabian: Jo, wann’t sinn matt, geiht in Ordnunge. 

Hubertus: Ja, do höört dann awwer neo seo ne stumpe, witte 

Ungerbutze bi. 

Fabian: Is siëcker aan te kummen, geiht in Ordnunge. 

Hubertus: Aha! Jo, dann fehlt neo ne Schottenrock met seo ne 

ganz besonderen Karomuster drinne. 

Fabian: 

Hubertus: 

Niu kumme iëck awwer nit meh met. 

Ne karierte Müske - ne karierte Müske met ner reoen 

Bommel drop, doi matt awwer eok neo sinn! 

Fabian: Biuer, niu weit iëck nit - 

Hubertus: Ja, dat - 

Fabian: Iëck meine, iëck weit nit meh widder! Wat soll dät 

eigentlich giënn - dät heert dobi odder wat sall dat - ? 

Hubertus: Ja - ja, ja, dat - dat höört dobi. Dat höört dobi. 

Fabian: Imme alles in der Welt, dät giät doch met der 

Perreflege niks te daune. 

Hubertus: Jo, do giäst diu recht, met diän Perren giät dät niks te 

daune, awwer met mi. Diu kannnst doch siëcker seo’ne 

schottesken Diudelsack spiëllen? 

Fabian: 

Hubertus: 

Fabian: 

Hubertus: 

Biuer, niu bist diu ratz dulle. 

Jo, iëck sin dät seo gewuënnt, dät iëck am Fierowend 

van usem Perrejungen im Schottenrock un met 

Diudelsackspiëll ungerhallen were. 

Dat is unmiëglech. Tau seowat giäwe iëck miëck nit 

hiär, do kitt miëck koine toihn Rietperre tau! 

Jo, doit mi leie, dann kann iut unsem Handel niks 

weren. Maak de Diär van biuten tau!


soiket - (er) sucht / nigge - neu / Perrefleger - Pferdejunge, Knecht, 

dem die Pflege der Pferde obliegt / sin - (ich) bin / hi - hier / 

diusend - tausend / heert - (es) gehört / Kamer - Zimmer, Kammer / 

schlope - (ich) schlafe / fregger - früher / Meode - Mode / 

Frendin - Freundin / kimmet - (sie) kommt / 

metbriuken - mitverbrauchen, mitgebrauchen / Mätken - Mädchen / 

unger - unter / diu - du / matt - (es) muß / eok - auch / liuter - immer / 

fer (unbetont) - für / peroot - bereit, parat / kriege - (ich) bekomme, 

erhalte / Dagestied - Tageszeit / riën - reiten / här - (ich) hätte / 

figelant - munter, gesund, kräftig / Klepper - mageres, hinfälliges 

Pferd / weer - (es) wäre / Nohillepe - Nachhilfe / af un tau - ab und zu/ 

besoiken - besuchen / Froihsticke - Frühstück / au (Dativ) - euch, 

Ihnen / Iurleob - Urlaub / inverstohn - einverstanden / weerd - (es) 

wird / Frietied - Freizeit / spä - spät / et Muarens - am Morgen, 

morgens / Kilter - Bett / mechtest - (du) müßtest / fauern - füttern / 

giäst - (du) hast / wiän - wen, hier: jemanden / Hiëmeder - Hemden / 

Spigge - Speichel, Spucke / mott - (sie) müssen / 

Christkingeken - Weihnachtsgeschenk / bleoß - nur, bloß / 

Nuiete - Nüsse / uawen - oben / Hifte - Strauch, Busch / Berreg - Berg, 

hier: Wald / Fiusthänsken - Fausthandschuhe / eger - eher / 

suihst - (du) siehst / fer’t eiste - für’s erste / sin vi - sind wir / 

wanneh (interrogativ) - wann/ Sake - Sache / siën - sagen / 

wißte - (ich) wüßte / sinn - sein / schuit! - schieß! / witt - weiß / 

Knoihuasen - Kniestrümpfe / matt - (es) muß / stump - kurz / 

Ungerbutze - Unterhose / aan te kummen - dran zu kommen, zu 

erhalten / Miske - Mütze / reoe - rote / Biuer - Bauer, Landwirt / 

widder - weiter / imme - um / gewuënnt - gewohnt / 

Fierowend - Feierabend / kitt - (sie) kriegen, bekommen / toihn - zehn/ 

Rietperre - Reitpferde / doit - (es) tut / leie - leid / Diär - Tür / 

biuten - draußen

Erliäwnisse öüt der weyen Welt 

Paul Tigges, Ebbinghof 

Iëck was met änner Frau Schenk öüt Schmallmereg op deäm 

Söüerländer Heimatdag am 25. 5. 1999 (feywentwintigsten feyften 

niëgenteihnhundertniëgenunniëgenzig) in Essel. Do worte ment Platt 

kuiert, oder et worte taumindestens versocht. Iëck hewwe miëck äok 

te Wore meldet un folgendes saggt: 

Uëse Suënn, dei berufsmötig in Australien is, harre us, meyne Frugge 

un miëck, inlatt, eäne un seyne Familie te besoiken. 

Vey harren eis wahne Bedenken, dät in uësem Aller te wogen. Meyne 

Frugge is 78 (achtensiëbbenzig) un iëck sin balle 83 (dreienachtzig) 

Johre alt. As uëse Blagen us awwer üewertuiget harren, dät vey düt all 

schaffen wörten, heff vey us op de Roise maket. Doi Roise döüere met 

Tüskerlandunge etwa 24 (veierntwintig) Stunne. Bey deär Roise un 

bey deäm Veierweäken-Oppenthalt bey uësem Suënn meärkeren vey, 

böü wichtig doi englische Sproke is. Vey boiden allen Luie kuiert 

perfekt Platt, awwer kein Woort Englisch. Wann me dann mol dät, 

wat englisch schriëwen is, te üewersetten versoiket, heff vey meärket, 

dät im Englischen manchmol plattduitske Öütdrücke veärkummet. 

As iëck nöü mol op deär Bank was, ümme feär meyne Schecks bare 

Dollars te töüsken, frogere dät Menske hinger deäm Schalter miëck 

wat. Iëck meärkere, eät woll wiëten, in wat feär Scheynen iëck dat 

Geld hewwen woll. Do heww iëck doi plattduitske Sproke tau’r Hülpe 

noammen, un iëck saggte: „Twei in Hundert, veier in fiftig, feyf in 

twintig un toihne in Toihndollarscheynen.“ Dät Menske harr miëck 

verstohn, un vey boiden kemen terechte. 

Meyn Plattduitsk is mey näo öfters te guëre kummen. Nöü giëwe iëck 

jedem deän guëren Rot: Lehrt Platt un lehrt dat Platt te bröüken, dann 

kumm ey üewerall in deär Welt terechte!


öüt - aus / weye - weite / was - (ich) war / Schmallmereg - 

Schmallenberg (Ortsname) / op - auf / Essel - Eslohe (Ortsname) / 

worte - wurde / ments - nur, bloß / kuiert - geredet, gesprochen / 

versocht - versucht / äok - auch / uëse - unser / Suënn - Sohn / 

harre - (er) hatte / us - uns / Frugge - Frau / inlatt - eingeladen / 

eäne - ihn / besoiken - besuchen / vey - wir / eis - erst / 

wahne - sehr, groß, gewaltig / Aller - Alter / wogen - wagen / 

sey - (ich) bin / as - als, wie / Blage - Kind / üewertuiget - überzeugt / 

düt - dieses / heff vey - haben wir / döüere - (sie) dauerte / 

Tüskerlandunge - Zwischenlandung / Veierweäken-Oppenthalt - 

Vierwochen-Aufenthalt / böü - wie / boide - beide / kuiert - (wir) 

sprechen, reden / wann - wenn / üewersetten - übersetzen / 

veärkummet - vorkommen / nöü mol - nun einmal / feär - für / 

töüsken - tauschen / Menske - hier: Frau / hinger - hinter / 

eät - es, hier: sie / wiëten - wissen / twei - zwei / veier - vier / 

fiftig - fünfzig / feyf - fünf / twintig - zwanzig / toihn - zehn / 

verstohn - verstanden / kemen - (wir) kamen / näo - noch / 

te guëre - zugute / lehrt! - lernt! / bröüken - brauchen, gebrauchen, 

verwenden / ey - ihr

Ut der Mogge vertallt 

Toni Teipel, Attendorn 

In Attendorn, da gibt’s ein Sprichwort, das ist auch bekannt, das heißt: 

„Nichts geht in Attendorn über Tradition.“ Und da sind die 

Attendorner sehr stolz drauf. Und wie es dem Attendorner so in der 

Fremde geht, davon sollen diese Verse erzählen. 

Kattfillers Häimewäih op Ousteren 

Kattfillers, dei wuënnt in der ganzen Welt. Van Japan bit rüäwer noh 

dean Azoren. Owwer op Ousteren, dann hallt se’t nit mäih ut. Dann 

wellt se häime no Attendoren. Un wann me se fröget: Worümme dat? 

Du wores nit hi siet Johren! Dann seatt se: Ümme’t Hearte wor et mi 

wäih. Iëck mochte häime no Attendoren. De Pooskekrüze, dei mocht’ 

iëck wier seihn. Vamme Siëmmelsianen, do konn iëck nit loten. Un 

iëck mochte mol wier de Lüchten seihn van allen väier Poten. Un et 

Blosen vamme Kearktoren, dat mochte iëck wier hören. Un op 

Eggerkauken, do hare iëck op enmol sou’n Schmacht. Un de allen 

Ousterleier, dei mocht’ iëck wier singen. Se klungen imme Koppe mi 

Daag un Nacht. 

Sou gäiht et dean Kattfillern in der ganzen Welt. Van Japan bit rüäwer 

no dean Azoren. Owwer op Ousteren, dann deit ne et Hearte wäih. 

Dann wellt se häime, no Attendoren. 

Sprichwörter und Redensarten in Attendorner Mundart 

Jetz giëtt et Liawen in de Bude! Dat saggte de Voß, do gereit’e in’n 

Haunderstall. 

Je mäih me de Katte striekelt, je höchter hiëwet se’n Steert. 

Wu me de Göise wiënnt, sou gott se. 

Sou Lüe, sou Veih. 

Ziehen, Haunder un Wieweslüe, dei stott geren houge. 

Ut em Iësel kann me kein Perd maken.

Wann’t demm Iësel te woall weert, dann gäiht’e op et Ies. 

Nit jäider, dei gries is, is ouk en Iësel. 

Wann me för ne Kauh „Bunte“ siëtt, dann geatt se ouk en Plack. 

Un wei siëck för’n Ossen utgiëtt, dei matt ouk as en Ossen arwen. 

De dümmesten Buren het de dickesten Tuffelen. 

Wann de Buren nit wören, dann können de Küennige nit kacken. 

Et Beiers Fränzken van Hülschoatten, dat harre mol saggt: Ne, wat is 

dat en Gedäh in der Welt. Et wearkeldaggs matt me in de Schaule, un 

et sunndaggs mat me siëck wasken. 

Ein anderet Mol harr et Fränzken saggt: Et is keine Siëckerheit mäih 

in der Welt. Imme Summer sind et de Gewitters, un im Winter is et de 

Schaule. As dann de Schaule in denn twintiger Johren afbrannte, do 

harr et Fränzken saggt: „Wann de Lähr nit metverbrannt is, dann batt 

dat alles nit.“ 

Wei schlöpet, dei sündiget nit. 

En nigge Sprüeckwoort, dat lehrt: Wei viärhiär sündiget, dei schlöpet 

biätter. 

De Wind blöset roue Backen, owwer keine dicke Ese. 

Nit alles, wat twäi Backen geatt, is ouk en Gesichte. 

En guërren Friäter is noch nie en schlechten Schieter wiäst. 

Viëll Schwögers, viëll Hundsfötte. 

Wei en Papst ase Vedder geatt, dei kann ouk Kardinol weren. 

Wann äiner unbeholpen is, dann siëtt me: Hei is sou figelant as en 

Amboß. 

Wann kleine Blagen groute Brocken kacken wellt, dann biërstet ne 

lichte de Ees. 

Met Gewalt schlött me ne Viggeline amme Eikenboume kaputt. 

Met Gewalt hiëwet me owwer ouk hingen ne Ziehe rümme. 

Irren is mensliëck! Dat harre de Hahne saggt, do was’e van der Gous 

stiëgen. 

Wann de Wieweslüe op Lüttje do buten daut räästern, dann is et 

dröige un nit amme Pläästern. 

Alles geatt en Enge, blouß de Wuarst, dei geatt twäi. 

Bu schöin lutt Spriëckwöörder doch op Platt. 

Un düett pässet mi vör allen Dingen:

Me kann siëck dreggen, as me well. 

De Ees blitt luter hingen. 

Iëck woll et nit glöiwen! Iëck heww et probäiert - imme Danzen, 

imme Loupen, sougar imme Springen. Iëck kunn miëck dreggen as 

iëck woll, mien Ees bläif luter hingen. 

Fasselobend op’m Kappenballe, doo iëck mi ne Maske op’m Puckel 

bingen. Iëck kunn miëck dreggen as iëck woll, mien Ees bläif luter 

hingen. Un unse Regimentsdöchter, dei sind figelant. Deann müchte’t 

äigentlick gelingen. Ouk dei kunnt eark dreggen as se wellt: De Ees 

blitt luter hingen. Wann i nu glöüwet, iëck härr jetz flunkert, un wöll 

au blouß en Bären opbingen: Verseiket doch selwer un dregget auk! I 

sollt seihn: De Ees blitt luter hingen. 


ut - aus / Mogge - Ärmel / Kattfiller - Spitzname für die Einheimischen 

von Attendorn / bit - bis / op - auf / hallt - (sie) halten / mäih - mehr / 

me - man / worümme - warum / wores - (du) warst / hi - hier / 

seatt - (sie) sagen / Hearte - Herz / mocht - (ich) mußte / 

Pooskekruize - „Osterkreuze“ / wier - wieder / seihn - sehen / 

Siëmmelsiänen - Semmelsegen / loten - lassen / Lüchten - Lichter / 

Pote - Tor, Eingang / Kearktoren - Kirchturm / 

Eggerkauken - Eierkuchen / Schmacht - Hunger / 

Ousterleier - Osterlieder / klungen - (sie) klangen / wellt - (sie) 

wollen/ 

giëtt - (es) gibt / gereit - (er) geriet / Haunderstall - Hühnerstall / 

striekelt - streichelt / höchter - höher / hiëwet - (sie) hebt / 

Göise - Gänse / wu - wie / me - man / wiënnt - (man) gewöhnt / 

gott - (sie) gehen / Lüe - Leute / Veih - Vieh / Ziehe - Ziege / 

Wieweslüe - Frauen / geren - gern / houge - hoch / Iësel - Esel / 

Perd - Pferd / weert - (es) wird / Ies - Eis / gries - grau / Kauh - Kuh / 

siëtt - sagt / geatt - (sie) hat / Plack - Flecken / Osse - Ochse / 

matt - (er) muß / arwen - arbeiten / Bur - Bauer / Tuffel - Kartoffel / 

wören - (sie) wären / können - (sie) könnten / 

Hülschoatten - Hülschotten (Ortsname) / Gedäh - Umstand, Getue / 

wearkeldaggs - werktags / iärk - sich / Schaule - Schule /

twintig - zwanzig / Lähr - Lehrer / batt - nützt, hilft / wei - wer / 

schlöpet - (er) schläft / nigge - neu / lehrt - (es) lehrt, bringt bei / 

viärhiär - vorher / Ese (Plural) - Hintern / twäi - zwei / 

Friäter - Fresser / wiäst - gewesen / Schwoger - Schwager / 

Hundsfötte - Betrüger / ase - als / weren - werden / hei - er / 

figelant - munter / grout - groß / biërstet - platzt, birst / lichte - leicht / 

schlött - (man) schlägt / Eikenboum - Eichbaum / Gous - Ganz / 

stiëgen - gestiegen / Lüttje - Donnerstag vor Rosenmontag, „Lüttje 

Fastnacht“ / räästern - schwätzen / dröige - trocken / 

pläästern - regnen / lutt - (sie) lauten / pässet - (es) paßt / 

dreggen - drehen / blitt - (er) bleibt / Ees - Hintern / luter - immer / 

woll - (ich) wollte / glöiwen - glauben / as - wie / bläif - (er) blieb / 

Fasselobend - Fastnacht, Karneval / doo - (ich) tat / Puckel - Rücken / 

bingen - binden / deann - denen / müchte - (es) müßte / eark - sich / 

wellt - (sie) wollen / i - ihr / wöll - (ich) wollte, würde wollen / 

au (Dativ) - euch / verseiket! - versucht! versuchen Sie! / 

auk (Akkusativ) - euch / sollt - (ihr) sollt

Engel 

Hubert Wacker (†), Attendorn 

1. Im Hiëmmel gäffte’t äin unendliëck groute Masse Engel. 

Alle härren twäi Flüegel un wör’n völlig ohne Mängel! 

Sei dään diäm Hiëmmelsheren gewiß op’t Woort paräiern 

Un söll’n uns Menskenkinger hi op Eren observäiern. 

2. Wat owwer batt dat Observäiern un dat Kontrolläiern? 

Diëtt System met Engeln deit partout nit funktionäiern! 

Et sündiget dei Mensken men luter viar siëck hiënn, 

As wören dei Geboute blouß witt Papier un ohne Sinn. 

3. Äine Sorte Mensken konnt dei andern guëtt beleigen. 

Beste Frönge daut siëck giëgensietig flott bedreigen. 

Armen Lüen ritt sei’t leste Hiëmmet vamme Liewe raff. 

Oder murkset noch fiar Geld dian äig’nen Brauer af. 

4. Erlouwe, Heer un Schöpfer uawen üewer’m Sterenzelt: 

Dei Flüegelwesen, de hias Du nit erschaffen, diëse Engelswelt. 

Dei is erfungen van ganz simplem, mensliëkem Verstande. 

Diene Engel liawet, ganz ut Fläis un Blaut, bi uns im Lande! 

5. Un diëse hiëw’ iëck ut diar lasterhaften Menskenmasse, 

Diëse groute Tahl van Wesen van diar besten Klasse: 

Dei sind doch sehrnoh ohne jäiden Fehler, ohne jäide Mängel. 

Dei Wieweslüe meine iëck, - - et sind dei reinsten Engel! 

6. Flüegelloss is jäide Frau - un dobi recht guëtt bugget: 

Glücksiëllig weerd dei Mann, wann sei in sienen Armen 

rugget. 

Aan iarer Siete weert dat groute Glücke iäm gedeihn; 

Äin Paradies kann me diam Manne siëcker prophezein.

7. Tau diësem Glücke brükes du as Mannskerl niks te daun, 

dat maket hinger dienem Rüggen still, diskret dei Fraun. 

Siëgg „Jo!“ wann äine Frau diëck schüwet taum Altore hiënn! 

Sou nett un leif kann blouß äin Engel ohne Flüegel sinn! 

8. Kümmes du nu muarrens ut diam Bade frisk rasäiert, 

Hiat dat Wief dat Fröihstück op diam Diske alt serväiert. 

Dann met Kuß entlött dei Frau diëck no diar Arwet hiënn; 

Sou nett un leif kann blouß en Engel ohne Flüegel sinn! 

9. Kümmes owendes du meihe, voller Streß no Häime, 

möchtes, ruggend imme Lehnstauhl, strecken diene Bäine, 

Brenget diene Fraue di dat Omes un en Gliasken Wien: 


10. Sei brenget diene Schluffen ut diam Inken hurtig hiar 

Un liëset ut diar Dagestiedunge dat Wichtigste di viar. 

Dann singet sei diëck in dian wall verdeinten Schlop hiarin: 


11. Friedagowendes stäiht Stammdisk im Programm. 

Wei no diar Prozedur alläin nit Häime fingen kann? 

Äin Aanraup! Diene Fraue föihert diëck no Häime hiënn. 

Sou nett un leif kann blouß en Engel met ’nem Auto sinn! 

12. Schwor fällt mi, dofiar dei rechten Woorde jüst te fingen 

Üm dei Qualitäiten diëser Fraun geziemend te besingen. 

Ouk nit in diam grouten, klauken Lexikon stäiht drin, 

Wu nett un leif konnt diëse Engel ohne Flüegel sinn. 

13. Dei Tiet is do, dat Biëld diar Frau int rechte Lecht te rücken; 

Un kein Mannskerl brüket siëck doviar herüm te drücken: 

Met diësen flüegellosen Wesen kritt dat Liawen äinen Sinn: 

Sou nett kann’t Liawen met ’nem Engel ohne Flüegel sinn!

14. Du grouter Heer un Mester uawen üewerm Sterenhiawen, 

Engel met dian Rüggen-Flüegeln brücht’ et nit te giawen. 

Lott uns Mannslüen hi op Eren diëse Wesen leif un nett, 

Diëse Engel, dei nit mol dian Aansatz äines Flüegels hät. 


grout - groß / härren - (sie) hätten / twäi - zwei / dään - (sie) täten / 

paräiern - gehorchen, parieren / söll’n - (sie) sollten / batt - (es) nützt / 

diëtt - dieses / deit - (es) tut / men - nur, bloß / luter - immer / 

viär - vor / hiënn - hin / witt - weiß / guëtt - gut / beleigen - belügen / 

Frönge - Freunde / daut - (sie) tun / flott - schnell / 

bedreigen - betrügen / Lüe - Leute / ritt - (sie) reißen / Lief - Leib / 

raff - herunter, herab / fiär - für / Brauer - Bruder / 

erlouwe! - erlaube! / Heer - Herr / uawen - oben / üewer - über / 

Sterenzelt - Sternenzelt / hias - (du) hast / erfungen - erfunden / 

liawet - (sie) leben / Fläis - Fleisch / Blaut - Blut / hiëw’ - (ich) hebe / 

ut - aus / grout - groß / Tahl - Zahl / sehrnoh - beinahe / 

Wieweslüe - Frauen / bugget - gebaut / weerd - wird / 

rugget - (sie) ruht / brükes - (du) brauchst / hinger - hinter / 

siëgg! - sag! / schüwet - (sie) schiebt / leif - lieb / sinn - sein / 

kümmes - (du) kommst / muarrens - morgends / hiat - (sie) hat / 

alt - schon / entlött - (sie) entläßt / Arwet - Arbeit / owendes - abends / 

meihe - müde / no Häime - nach Hause / ruggend - ruhend / 

Omes - Essen, Mahlzeit / Gliasken - Gläschen / Schluffen - Pantoffel / 

Inken - Ecke / wall - wohl / wei - wer / föihert - (sie) fährt / dofiär - 

dafür / jüst - gerade, jetzt / uträikend - ausreichend / klauk - klug / 

Biëld - Bild / brüket - (er) braucht / kritt - (es) bekommt, erhält / 

Sterenhiawen - Sternenhimmel / Rüggen-Flüegel - Rücken-Flügel / 

brücht’ - (es) brauchte, würde brauchen / hät - (sie) haben

Text-Nr. / Verfasser Titel Seite Zeit 

1. Elisabeth Kaiser Grußworte 9 2:49 

2. Margarete Christes, Silberg Dat letzte Turnfast in der 

eisten Turnhalle 10 2:15 

3. Albert Stahl Wat en Boum 12 4:08 

4. Lidwina Cordes, Wendenerhütte Drej ale Schachteln 15 2:56 

5. Maria Droste, Welschen-Ennest Froihjohrstiet 17 7:12 

6. Franz Kaiser, Elspe Et Froihjohr imme Duarpe 21 2:12 

Froihjohr 22 0:34 

7. Karl Heinz Kaufmann, Hillmicke Et Frühjohr im Haubärch 23 5:00 

8. Adolf Pick, Oedingen Aschemiddewiäken 26 4:55 

9. Irmgard Pick, Elspe Viär Eostern 29 2:43 

10. Rudi Plugge, Elspe Use siëwen Tückelkes 31 0:45 

11. Franz Josef Schlimm, Lütringhausen Glücke 32 2:06 

12. Karl-H. Falk, Attendorn Doum 34 2:46 

13. Elisabeth Kaiser, Oberhundem Präsidentenwahl in Amerika 36 2:49 

14. Paul Zeppenfeld, Grafschaft Unger us vertallt 38 3:30 

15. Maria Hütte, Drolshagen Dei Fortschritt 40 3:11 

16. Elisabeth Kaiser, Oberhundem, Reiterhuaf Heinemann 

und Rudi Plugge, Elspe soiket en niggen Perrefleger 43 4:29 

17. Paul Tigges, Ebbinghof Erliäwnisse öüt der 

weyen Welt 47 2:12 

18. Toni Teipel, Attendorn Ut der Mogge vertallt 49 2:04 

Sprichwörter und Redensarten 

in Attendorner Mundart 49 4:28 

19. Hubert Wacker, Attendorn Engel 53 4:09 

Anmerkung zur CD „Plattdeutscher Abend Langenei 2001“ 

Die beiden ersten Beiträge mußten von einem Videogerät auf Kassette übertragen und von 

dort in den Computer aufgenommen werden, da auf der Minidisk des Originals diese 

Aufnahmen mit Störgeräuschen überladen waren. 

Durch die Aufnahme mit dem Videogerät wurden auch Geräusche, die dieses verursacht hat, 

mit auf die Kassette aufgenommen. Sie konnten leider nicht völlig beseitigt werden.

Text - SauerlÃ¤nder Heimatbund e.V.

Erfolgreiche ePaper selbst erstellen

Template löschen?

Als Template speichern?