aktiv am liewen - RBS

Durch das Land
Klein, aber fein. Luxemburg hat viel zu bieten. Sitten, Gebräuche, Aktuelles; in dieser Rubrik
präsentieren wir Ihnen interessante Artikel mit thematischem Bezug zum Land Luxemburg.
„Tapis du Milieu Rural Luxembourgeois“:
E Projet an deem vill geschitt ass
Fréier hu Fraen, virun allem a Bauerefamilljen, mat faarweger
Woll an einfacher Technik op al Reschter vu Stoff
variéiert Motiver iwwert eng Schabloun gebutt. Mat
wéineg Material ass eppes Nëtzleches gebutt ginn, de
Lëtzbuerger Aarmeleitsteppech.
An den 90er Joren huet d’Florence Thilgen nom Ursprung
vum Patchwork hei zu Lëtzebuerg gesicht an huet dës
Aarmeleitsteppecher fonnt. 1995 war bei Tapis Hertz am
éischte Lëtzebuerger Kulturjoer déi éischt Ausstellung
vun dëse bal vergiessenen Teppecher.
Am Juni 2010 huet si hir ganz Recherchen dem Handaarbechtstreff
vum Club Senior Kielen vermëttelt. 2010 an
2011 hunn Damme mat dëser aler Technik, zäitgenëssesch
Wierker realiséiert. 2011 huet den Hesper Patchworkgrupp
eng bemierkenswäert Gemeinschaftsaarbecht
gebutt.
Den 2. Mäerz 2012, zu Kielen an der Galerie bei der
Kierch, war et eng Première, dës al Teppecher zesumme
mat den zäitgenëssesche Wierker aus dem ganze Land
ze presentéieren. Verbonne mat der Ausstellung war
d’Virstellung vum Buch Tapis du milieu rural luxembourgeois
– Aarmeleitsteppecher, dat vum RBS erausginn ass.
Am Laf vun der Ausstellung hu Visiteuren eis nach onbekannten
Teppecher matbruecht. Mir kruten se geléint fir
weider ze dokumentéieren an auszestellen.
An deenen 3 Deeg vun der Ausstellung sinn +/- 500 Persounen
dës eemoleg Manifestatioun besiche komm. Den
Echo war iwwerwältegend, a verstoppte Schätz sinn ausgegruewe
ginn. Al Fotoe sinn opgetaucht a verschidden
aner Club Senioren, Responsabler vun de „Commissions
du Troisième Âge“ aus dem Land, esou wéi jonk Persounen
hunn hiren Interessi gewisen. Am Club Senior zu Kielen,
am Handaarbechtstreff, ass dës Technik nei geléiert
6 Aktiv am Liewen N°46