aktiv am liewen - RBS

Bücherecke
In dieser Rubrik präsentieren wir Ihnen u.a. Interessantes vom Büchermarkt und
exklusive Ausschnitte aus geplanten Neuerscheinungen des RBS – Center fir Altersfroen.
Lesetipp
„DeMonniausAmerika“
vum Pol Greisch
Am Fong – seet de Val – sinn ech ee wéi de Monni aus Amerika: e gudden Dommen. Méi domm wéi gutt. Monni
mat Money. Keng Kéip, ma genuch, soulaang ech net ofgebrach kréien an der Pensioun. Soulaang et d’Pensioun
iwwerthaapt nach gëtt. Well ech ëmmer d’selwecht Box hunn am Hënner, d’selwecht Kap um Kapp an iesse wéi e
Villchen, bleift mir e klenge Bootz de Leschte vum Mount. Mat de Meedercher sinn ech navel mëtschgieweg.
‘t schéngt, dat läit a menger Natur. Si richen dat, sinn op der Mol, wann et gëlt. Ech hu kee Kann a kee Kënn an ech
kréien näischt mat, wann ech ginn. An ech gi geschwënn, well am Eescht: esou lackeleg ass et och net méi heinidden,
mol net méi um Bierg.
Méi wéi 60 Joer huet de Pol Greisch (Jorgank 1930) a lëtzebuergeschen, franséischen an däitschen
Theaterstécker gespillt, Gedichter a Prosa geschriwwen, Radiospiller a Szenarien, haaptsächlech ower eng
sëlleche lëtzebuergesch Stécker, fir d’lescht „Dame blanche“.
Verlag: ultimomondo ISBN: 978-2-919933-82-2
Miriessegärgutt–
mangeravecplaisir
Geschwënn ass et esou wäit an d’Kachbuch vum Club Haus beim Kiosk
kënnt an de Verkaf. Ënnert dem Titel „MIGG – mir iesse gär gutt, Manger
avec plaisir“ fannt Dir op iwwert 300 Säiten 114 Rezepter. Virun allem al
traditionell lëtzebuerger Rezepter fir datt si net an de Vergiess geroden.
Mee och gutt Platen aus villen anere Länner sinn dran.
Dat Besonnescht un dësem Kachbuch ass, datt nieft de Clienten aus eisem Club och vill Kanner a Jugendlecher
zesumme mat eise manner jonke Leit de Bräiläffel geréiert hunn. Och Pensionären aus Alters- a Fleegeheimer, grad
esou wei Léit, déi am Foyer Espérance betreit ginn, hu matgemaach. All Rezept ass op lëtzebuergesch a franséisch
verfaasst. D’Buch ass illustréiert mat ville faarwege Fotoen an Aquarellen. Ernährungsrotschléi, Recommandatioune
wat fir e Wéngchen am Beschte bei d’Rezept passt, completéieren et.
E flotte Chrëschtkaddo oder fir Iech selwer ze verwinnen.
Die kënnt d’Buch beim „Club Haus beim Kiosk“ virbestellen andeems Dir 29 € (dovu gëtt 1 € un de „Cent Buttek“
gespent) op hire Kont BIL IBAN LU78 0021 1671 8946 5500 mam Vermierk „MIGG“ iwwerweist.
16 Aktiv am Liewen N°48