Proklamationsrede Prinz und Bonna

„Bönnsche Bröcke drövver jöcke“ - Proklamationsrede des Oberbürgermeisters 04.01.2013 - Es gilt das gesprochene Wort
Es es mir en Iehr, ich darf et roofe, Prinz un Bonna sin do, kutt all jeloofe!
Ich moss nur e bessje Obacht jevve! Passt ihr och met op, sit esu nett,
dat ich nix dovun sage, wat man mir jrad „verbodde“ hät.
Ich soll jo nit mieh övver alles redde, zum Beispiel övver de Opa (Oper),
hät dä Rot jesaat, dann soll ich lieber op et Sofa.
Un dat wo ich doch jrad et ierste Mol Opa jewoode bin, un nur dä Enkel han em Sinn.
Dat mööt ihr doch verstonn, dat dat nit jeiht, un dat mer su jet och nit verlange deiht.
Wenn einem et Hätz opjeiht, un du siehs et jenau, wie et es,
dann moss mer doch schwade, wie einem de Schnüss jewaachse es.
Un manchmol moss mer de Lück dann och beim Enschlofe stüre,
jrad wenn se de Wahrheit nit su jähn hüre.
Jrad dann ävver muss mer op enander zojonn un darf sich nit verdröcke,
weil m´r zesamme övver Bönnsche Bröcke jöcke!
Wo Sie jrad Bröcke sage: Die ein, die uns jehüürt, Bonn - un och Beuel,
die han mer ja, domit et verkehrsmäßig jitt keine Knäuel,
jrad selvs schön op Vordermann jebraat, un dofür och joot 40 Milliönche hinjelaat.
Die zwei andere Bröcke sin noch e bessje malad, die määt ävver et Land - hät et jesaat.
Do kann ich nur sage, ävver flöck, sonst kumme mir noh Düsseldorf jejöck.
Bonn ist nicht Leverkusen, do künne mer och nit mieh lang m´em Hannelörchen schmusen.
Un et Angela muss in Berlin ´em Verkehrsminister sage, he kumme mer ävver zo vill Klage,
dat do leeven Ramsauer, jiltst langsam nur noch als Erbauer
vun Stroße un Strecke im Süden der Republik, dat finge ich övverhaup nit mieh schick.
Ding Weißwürst, die deihst do jetz ens verjesse: jetz fiehrst du noh Bonn, Rievkoche esse.
Lur doch ens hin: Wie se sich all dröm rieße, de Arbeid un et Levve en Bonn zo jenieße.
9 Millionen Tagestouristen, 300.000 Besucher auf Kongressen,
dat kann mer doch nit einfach su verjessen.
Nä, verzäll uns do keiner irjendeine Stuss, mir han met der höchste Pendlerüberschuss.
90.000 kumme am Tag op Arbeid in uns wachsende Stadt, un produziere Spitzenwirtschaftskraft satt.
Wissenschaft, Wirtschaft, Beethoven und die Vereinten Nationen
bruche mieh als Schmalspurrationen.
Nä, die sin wichtig für et janze Land, dröm maat uns kein Schand,
de Nüssele ´russ, die Brücke jemaat, zum Beifallklatsche für en S-Bahn stonn mer och parat,
denn die Millione Minsche wolle sich nit verdröcke.
Nä, die wolle all övver Bönnsche Bröcke jöcke.
Du Brückenlotse Dirk, bess jebore nevven dem Deutschen Eck,
do wo die Mussel unsere Rhing mäht janz schön jeck,
E Kowelenzer Schängelche darfs do dich nenne, un da mir ding Heimatstadt joot kenne,
wisse mir: Kowelenzer Schängelche sin für keinem bang!
Gedäuf met Rhein- un Musselwasser un met Wein, dat hält e Levve lang.
De Schängelche sin jesund an Hätz, an Levver un an d´r Lung, un sin ihr Mutter allerbeste Jung!
Un wo so vill Wasser es, do sin och Bröcke, övver die mer Richtung Bonn kann jöcke.
1

Du häs dat jedonn schon als Fätz, inwendig mi´m jruße rheinische Hätz,
in d´r Hand de Zabel un et Florett, weil in unserem Fechtinternat et wor un es esu nett,
bess do noh Bonn jekumme, für ze liere, un natürlich och um met uns ze fiere.
Us dem Schängelche han mir dann schnell ne Bonner Löwe jemaat,
dä steiht jetz he bei uns am Fluss parat.
Un et sin uns Bröcke, övver die hä jetz deiht jöcke.
Nu bess so lang jenoch he, kenns dich us, dat jing janz flöck.
Häs ding Ziele em Blick. Frau un Kinder dat jrößte Jlöck.
Erfolg em Beruf, engagiert en d´r Innung, och anderes joot jemaat – do leeven Jung.
Bess Mitglied jewoode in ´nem Verein. Nit irjendeine, nä, dä es janz fein.
In d´r Ehrengarde, em Großen Rat, da schreitest du zur karnevalistischen Tat,
deihst laache un deihst Minsche ungerstütze, Fastelovend soll so allen nütze,
Wo mer sich kennt, sich hilf, do sin mir janz Flöcke,
Övver Bönnsche Bröcke deet allein m´r nit jöcke.
Brückenlotsin Andrea! Wer dä Name träg, der hät ald halv jewunne.
Die Tapfere, heiß et övversetz, so es se bei uns bei jekumme.
Dat Brauchtum im Bloot vun de ierste Stund, jebore an Pützchens Maat, do ging et ald rund.
Et kunnt jrad loufe, jing et beim Liküra Zoch met, fasste em Brauchtum schnell janz festen Tritt.
Fing et neue Jahrtausend ahn – Iehr noh Iehr, Fastelovend immer bes morjens um Vier,
ierts Pagin bei der Liküra, dann bei Bonna un Prinz, dann Liküra-Prinzessin, Ruhm bis hinger Linz.
Dat Mädche kennt dä Rhing op beide Sigge, selvs in Jodesberg bruch dat keine Knigge,
et kennt sich us, hät dä Fastelovendsvirus em Bloot, et kann d´r Lück zeige, do es et richtig joot,
jestern, morje un och hück, dat mer von zwei Sigge övver Bönnsche Bröcke jöcke.
So es et dann och en zwei Jesellschafte zehuus - per se: bei der Ehrenjarde un dä Küdinghovener KG.
Mehr sieht, et es Karnevalistin us vollem Bloot, e Mädche rächs un links vum Rhing, dat es doch joot.
Kennt sich, wie beachtlich, sujar en Oberdollendorf us, jitt do bei ner Bank de Jröschelcher ´rus.
Un weil die Bank es ungerwähs och janz jlobal, iehrlich, verlässlich, seriös total,
och jetz en d´r Volksbank 111. Johr, bliev dat esu, dat es doch klor,
zeig et d´r Lück, beim Jeld un och söns, nix darf mer maache zo flöck,
Övver Bönnsche Bröcke dun mir nämlich met Obach´ jöcke.
An uns´ Spetz stonn jetz also Prinz Dirk un Bonna Andrea,
sin glich Brückenlotse und –wächter mit Glanz un Gloria.
Dat jitt et nur em Film, dat Brückenwächter ihre Macht mit Zauberei festige
oder de Lück met blöde Froge belästije.
Bei uns helfen se de Lück övver de Bröck, passen op, jevven Sicherheit un es bessje Jlöck.
Se dunn sich engagiere, jrad och für die, die winniger han.
Dorop künne m´r stolz sin mit alle Mann.
Se sin friedlich, fründlich, un natürlich och jeck. Stänkere hätt do jar keine Zweck.
Also, leev Jecke, jetz jubele mir em zo, dem Prinzenpaar,
et es jetz endlich widder wahr, nit nur de Opa, och de Oma es dobei,
de middle ager, de jung Lück, un och de Pänz kumme bei uns bei,
Prinz un Bonna sin do m´em jruße Hätz, wir lieben euch dofür, vun d´r Ahle bess zom kleinste Fätz.
Och em Fastelovend wolle mir unser Stadt ihr Jlöck,
un deswäjen es et esu: Övver uns Bröcke - do dun m´r zesamme jöcke.
Alaaf!
2