Peter von Staufenberg - PASSWORTGESCHÜTZT!!!

42 DIE GESTÖRTE MAHRTENEHE . PETER VON STAUFENBERG DIE GESTÖRTE MAHRTENEHE. PETER VON STAUFENBERG 43
II65
man sprach stille und offenbar,
«da ist der türste ritter tot
der ie pfert überschriten hat.»
Hiemit die rede ein ende hat.
ir jungen lüte, ich gib üch rat,
daz ir nach eren werben:
swenn ir beginnent sterben,
daz man der sele spreche wol.
117° ez ist ein jemerlicher zol,
swer uf sich selben vasset
daz in gemeinlich hasset
bede frouwen unde man:
dem ist ouch got von himel
gram,
II 75 darzuo die werde muoter sin.
die tuo uns ir hilfe schin
und si uns armen sündern holt:
2. Herr Petter Diemringer von Staufenberg
daz wünschet uns her Egenolt.
Also finden wir, das ain theurer, fürnemer ritter ußer der Ortnow,
genannt herr Petter Diemringer von Staufenberg, vor viIen jaren ain
solche merfainen zu weib überkomen, wiewol sie ime kain kindt geboren.
Der ritter, herr Petter, hat von jugendt uf den höfen nachgewandlet, ist zum
hailigen grab zu ritter geschlagen worden, hernach hat er in Ungern und
Preußen, dergleichen in Engellandt und Frankreich, auch in teutschen und
welschen landen die ritterschaft gesucht und sich allenthalben also erwisen,
das sein lob und preis für andere ritter derzeit weit erschollen und übertroffen.
Uf ain zeit ist er nach langem wider haim geen Staufenberg zu baiden
seinen brüedern kommen, und unlangs do gewest, ist er an aim pfingstag
mit ainem vertrawten diener in ain dorf unter dem schloß, genannt
Nußbach, zur kirchen geritten. Underwegen findt er ain schöne frawen,
dergleichen er seins erachtens nie gesehen haben vermaint. Er sprücht ir
zu; sie erzeIlt im, welcher gestalt sie im in ferren landen in nöten, gleichwol
seinethalben unbewist, beigestanden, in aller gefahr darvon geholfen;
kompt dahin nach viIen reden und zusprechen, das sie im bewilliget, zu
allen zeiten er allain ir beger, sie bei im sein, auch ehren und guets biß an
jungsten tag genug zubringen und fertigen welle, jedoch mit der beschaidenhait,
das er ir verhaiß, sein leben lang kain eheweib zu nemen;
dann wa das beschehen, werde er am dritten tag darnach one alles felen
sterben müeßen, bei dem warzaichen, das sie uf den hochzeittag in beisein
meclgclichs ain bloßen fueß und schenkel biß an das knie sichtbarlichen erzaigen
werd. Der ritter, der ain sonder wolgefallens ab solcher schönen
creatur, verhaist ir nach allem irem begern, darauf sie auch im vilmals, zu
aller zeit er ir begern was, beiwonung thuet, gibt im auch gelt und guet so
viI, das er mit verwundern menigclichs ein so großen stat über sein und
seiner gebrüeder vermegen füeren konto Das weret nun so lang, das ain
großer hof geen Frankfuert an Main wardt ußgeschriben, und wardt auch
aldo ein römischer künig erwelt. Dieweil aber dieser herr Petter Diemringer
sich so ritterlichen mit allen ritterspillen zu Frankfurt erwisen, auch die
dänk alle vor allen andern erworben, also das alles lob und der rum er
allain erlangt, do gewann der römisch künig ain solliche gnad zu im, das
er im ain schöne junkfraw, seiner basen aine, war ain geborne herzogin von
Kernten, mit ainem großen heiratguet, auch irer zugehörigen landtschaft
zu vermeheln anbot. Herr Peter entschuldiget sich lang, das er nit willens
sich zu verheiraten; zudem erkannt er sich zu schlecht und kleinfüeg, ein
solchen hochen heirat zu bewilligen, welche entschuldigung doch der römisch
künig von ime nit annemen wolt, zudem auch ander fürsten und
herren darzu redten. Damit wardt der ritter dermaßen geengstiget, das er
inen bekennen muest, wie er ain schöne fraw, die im in allen landen beiwonung
thet, auch het er von ir ehr und gut, der het er verhaißen sich nit zu
verhairaten, darauf stüende im auch sein leben, das er gewißlichen, da er
sein versprechen nit halten, am dritten tag darnach verlieren wurde. Hiebei
waren etlich bischof und priester, die hörten alle wort und wie es im biß
daher ergangen; die sprachen, es were kain rechtes naturlichs weib, sonder
ain böser gaist, der hett sich also, ine zu betrüegen und letzstlich umb sein
leib und seel zu bringen, verstellt und ains weibs form an sich genommen,
und triben das arguim mit ime so lang, das er sich doch nach langem verwilliget,
des künigs basen zu nemen, die ime der künig verlobet, auch ehrlichen
von hof wider abfertigt. Es wardt baldt hernach die hochzeit geen
Staufenberg ins schloß angeschlagen. Dahin pracht man die jung herzogin
von Kernten uf die bestimpt zeit; so kamen auch vil grafen, herrn, ritter
und knecht im zu ehren und zu gefallen, deren ainstails ire frawenzimmer
und weiber mitprachten. Wie nun die hochzeit mit großer kostlichait
wardt angefangen und der hochzeiter und die braut sampt der ganzen messanei
ob disch saßen in frewden, einsmals, da man sich dessen am wenigisten
versahe, so sicht man sichtbarlichen ein mentsch, oder wer es dann gewest,
ein zarten schneweißen fueß biß an die knie durch den soler oder boden
herab lassen. So baldt das der theur ritter, herr Petter, ersicht, schreit er
überlaut: «Wee mir armen man, das ich hab mich und euch verderbt! dann' - -
über drei tag kan ich nit mer leben und wurd müeßen sterben.» Es liefen
iren viI eilends uf den soler, aber sie konten niemands finden, viI weniger
den riß oder spalt in dem estrich. Zu dem, so baldt das gespenst den fueß
widerumb über sich gezogen, da konte man im sal auch nichts mehr sehen,
und sprach menigclich, es were des bösen gaists geferdt und betrüegnus.
Nichs destoweniger als der ritter ein geschwinden scharpfen siechtagen
an ime selbs empfande, do hieß er im ain priester holen, legt sich in ain bett
nider, beichtet seine sünde mit großem ernst, ließ sich darauf mit allen
sacramenten versehen, und als es an dritten tag kam, auch seiner vertrawten
und seinen brüedern gnadet, do starb er mit rew und andacht ganz seligclichen.
Nach seiner begrept do schied die jung herzogin von Staufenberg,