aktiv am liewen - Luxsenior.lu

78
Rätsel
Opléisung vum LËTZEBUERGESCH Quiz
D’Regele vun der Vokallängt bei „I, U, O, A“
› 1 Vokal virun 1 Konsonant ass laang ausgeschwat: molen, kafen, eng Kaz, eng Tut
› 1 Vokal virun 2 oder méi Konsonanten ass kuerz ausgeschwat: e Spill, e Kapp, e Patt
› 2 Vokale virun 2 oder méi Konsonante gi laang ausgeschwat: eng Sprooch, eng Kuuscht, eng Baach
Duerfir danze mir op engem Bal, mir spille mat engem Ball a mir setzen eis eng Kap op de Kapp.
› Gëtt de Vokal laang ausgeschwat an hannendru sinn 2 oder méi Konsonanten,
da muss de Vokal verduebelt ginn
Also: mir molen, mä: hie moolt, ech hu gemoolt
mir rafen op, mä: dir raaft op, hien huet opgeraaft
Ausnahmen:
› „Kuerz“ Wierder wéi
Artikelen: den, dem, der, des
Pronomen: him, et, es,
Präpositiounen: am, an, bis, dran, drop, hin, mat,
mam, op, vun, vum, …
› Bei zesummegesate Wierder oder Wierder mat
engem Iwwerganks „-s“ behalen déi
zwee Elementer hir Schreifweis:
Alstad, Sakgaass, Schofspelz, dagsiwwer
› De Konsonant gëtt net verduebelt bei:
g: Spigel, Kugel
s: Dosen, Musel
x: Box
j: grujeleg
Mat dëse Regelen erkënnt Dir dann och d’Feeler
vun der Säit 41.
net: vischter mä: viischter
net: Droot mä: Drot
net: opgeraft mä: opgeraaft
net: toopeg mä: topeg
Dës Wierder aus dem Text ware richteg geschriwwen:
d’Fënster, halen, net, gebéckt, Laachen, siwwenzeg.
Dat hei ass nëmmen e Resumé vun eise Sproochregelen.
Et gi Bicher, déi Iech zu eiser Schreifweis
vill méi Detailer, Beispiller an Exercicë bidden. Méi
Informatiounen dozou kritt Dir an ärem Bicherbuttek.
FRÜHLING
Sudoku