aktiv am liewen - Luxsenior.lu

Wéi gutt kënnt Dir LËTZEBUERGESCH schreiwen?
Vill Leit schreiwen net gär Lëtzebuergesch, well si
fäerten, se géifen ze vill Feeler maachen. Wann ee
sech awer un e puer Regelen hält, ass eis Sprooch
guer net esou schwéier.
Mir präsentéieren Iech vun elo un an all Ausgab e
kuerzen Text op Lëtzebuergesch, an dee sech e puer
Feeler ageschlach hunn.
› Liest dës flott Kuerzgeschicht vum Emil Angel.
› Kuckt Iech déi ënnerstrache Wierder genee un:
an deenen 10 Wierder si 4 Feeler!
› Erkennt Dir dës Feeler a wësst Dir wéi d’Wierder
richteg geschriwwe ginn?
› D’Opléisung fannt Dir op der Säit: 78
Vill Spaass!
Sudoku
Meng Cousine Jackel
Hatt hat knapps Zäit, fir mer op der vischter Dier
Moien ze soen. „Komm mat an d’Kichen! Ech muss
der eppes weisen.“ An direkt op d’Fënster lass!
„Kuck emol!“ An du fänkt et un ze laachen, datt et
sech huet missen d’Säiten halen.
„Wat ass dann nëmme lass?“ Ech hu mam beschte
Wëlle vun der Welt net verstanen, wat do sollt esou
lëschteg sinn.
„Ma da kuck, am Park dohannen!“ Virun der Fënster
louch säi klenge Gaart, hanne widdert dem Droot
stoung en décken Nëssert, an direkt duerno koum
de Park, wou d’Leit spadséiere gaange sinn.
Um Wee ënnert dem Nëssert stoung e Mann. En
huet sech gebéckt, eppes aus dem Gras opgehuewen,
et bekuckt, sech erëm gebéckt, mam Fouss geschäert,
erëm eppes opgeraft …
„Déi Nëss kënnen dach nach net richteg zeideg
sinn“, hunn ech mech gewonnert. Mer waren eréischt
am August.
„Dach, déi do sinn zeideg!“ D’Jackel huet sech gediebelt
vu Laachen.
De Mann stoung elo riicht do an huet zimlech topeg
an de Bam eropgekuckt. Du rëselt en de Kapp a
geet senger Wee.
„Dat do ass schonn deen drëtte fir de Mueren!“,
huet d’Cousine Kreesch gedoen.
„Ech kommen nach ëmmer net no!“ Ech muss grad
esou toopeg dragekuckt hunn ewéi de Mann am
Park dobaussen.
„Ech hunn e puer Gräpp Afennëss ënnert de Bam
gehäit“, sot d’Jackel. „Ech kënnt mech kapott
laachen, wa se stoe bleiwen an op eemol d’Welt net
méi verstinn.“
„O Jackel, wéini gëss du verstänneg?“
„Muss ech dat?“
Hatt huet der elo siwwenzeg.
(aus: Vun Hippches op Haapches, Emil Angel, Verlag S.M.O., 2010)
Rätsel 41