Vollständiger Band - Hansischer Geschichtsverein

60
Versammlung zu Wolgast. — 1444 Mai 3.
der Btede darsulves vragheden unde weren begerende to hörende van her Bertold
Buramer unde den juwen, de mit em darsulves jegenwerdich weren, yfft se ok
uns wedder antworden wolden, als de dach begrepen was na der stede recesse
unde affschedent. Dar se to seden, dat se dar nen bevele van hadden, unde
weren ok also dar nicht komen, dat se den unsen antworden wolden, men alleyn
umme eien schaden tosprak to donde. Des unse sendeboden den steden beden
to denkende, dat se van unser wegen dar, so komen [weren]a unde weren bereide
to nemende unde to donde, wat recht were na dem affschedent unde recesse der
stede. Unde leve gnedige here, nademe dat de ersamen van Stetin unde Gripes-
wolde in jegenwerdicheit der stede bereit weren, uns to vorschedende umme
maninge unde tosprak beider deile, unde de nnsen ok bereit weren, de vor-
schedinge to nemende unde to hörende, unde de juwen, so vorscreven is, den
unsen nicht antworden wolden unde ok dar nen bevele edder macht van en hadden,
so schoten de unsen unde bereepen de sake wedder vor de stede, alse ok dat
affschedent unde recesse der stede inholt, were dat de erbenomeden twe stede
uns nicht vorscheden konden, des doch an uns nen gebrek was, so scholde men
de sake wedder vor de stede bringen, als sik de ersamen sendeboden ut juwen
landen unde steden boven genant hopen wol vordenken. Unde went wi des noch
overbodich sin, vor den steden to gevende unde to nemende umme schade, sche-
linge unde maninge, de gi unde de juwen to uns unde den unsen menen to
hebbende, unde ok schade, schelinge unde maninge, de wi unde de unsen to deme
orden unde de juwen hebben, wat den steden recht edder vruntscop dunken
wesen, so beger wi odmodighen biddende, dat juw erwardige herlicheit solke rede-
like irbedinge to herten neme> unde darenboven sodane schade[ge]ltb up de
unsen nicht leggen en laten noch tosteden, nadem wi juwer grotmeticheit unde
den juwen schrifftlike antworde, so vorberoret is, unde ok dage unde rechtes
nicht vor wesen hebben unde noch overbodich sin, vor den steden to nemende
unde to donde, wat recht is. Vurder als juw erwardicheit in dem ende juwer
breve updecket, begerende, noch welke van den unsen darumme in juwer gnaden
lande to vogende unde schickende, ander gelimp daran to vindende, hopen unde
vormuden uns, juwe ersame vornamicheit wol gehört unde irvaren hebbe, welke
twedracht unde unvrede to water unde to lande is, so dat wi van rechtem sork-
liken anvalle in juw lande nicht senden können. Begeren demudighen, de ge-
lechincheit antosende unde uns des nicht to Unwillen to kerende edder to witende,
so wi des juwer woldedighen herlicheiden wol totruwen unde loven, de God al-
mechtich spar altid gesunt unde salich. Schreven under unsem secrete, an vri-
dage na Michelis, anno domini 1444.
Juwe odmodigen consules Rozstokcenses.
125. Daneig an Rostock: ist dem Ansuchen Rostocks d. d. 2 Okt. (vriigdages na
Michaelis), den Hm. um Abstellung des von den Rostockem eu erhebenden
Schadegeldes anzugehen, nachgekommen, hat jedoch die Antwort erhalten, dass
der Hm. ohne die Stände nichts darüber bestimmen könne und die Frage dem
nächsten Ständetage vorlegen wolle. — [14]44 (feria 4 in die 11000 virginum)
Okt. 12.
S tA Daiuig, Missive 4 f\ 144 b.
■) waren fthU K. b) schadelt K.
Digitized by ooQle