Vollständiger Band - Hansischer Geschichtsverein

Versammlung zu Lübeck. — 1450 Sept. 21. 511
schos, rymen und bogynholcz etc. und al wäre des si hir im lande notdorftig synt.
Kumpt is in Flandirn, so koffen is Colner und di aus Westvalen und ouch di
Engelischen, sichir ist is nu hir genug; boginholcz galt vor hir 20 nobiln, is gilt
oo hir 14, wer der stapil eyn jor in Prussen geslossen, euwir genode mocht hir
al lande thwyngen. Und sichir hir gink das gewant eyn wile um brot, do ist kyn
forete in cristenheit, der bas al dese lande twyngen mochte den euwir furstenliche
genode, und Lubeke und di andirn sestete dorczu, wen euwir erwirdige genode
en Prussen und Lifland vorbote, wol wolden si süssen ir salcz, und was wolden
si begynnen und wor wolden si ir wäre vorslissen. Euwir genode mag is betrachten,
sundir ich wil is nicht vor den von Danczke bekant seyn, wen ir ist
vil in Danczke di mit den von Lubeke geselschaft han, so das is mir nicht czu
schaden qweme eyn sulches schriben. Ouch sichirlich here genediger, so sprechen
hir dese hem und ouch al gemeyne des landes zcu Engeland, mochten sy mit
euwirn genoden landen fruntschaft han und vorkeren, si wenten sich nicht um al
di hense, und si vorkeren in al di hense ouch nyrgen mir den in euwirn genoden
landen als Prussen, ouch ist in Prussen und kumpt us Prussen di meiste war, di
si hir in desen landen durffen; und nu dese vom aldyn rote hir im lande so
aus dem wege gesaczt syn etc., nu kunnen is sichir dese from hern wol betrach-
tyn, sichir si künden vor nicht thun dorczu, andirs si weren libelos worden. Und
en ist hir euwirn genoden undirsossen beschadigunge sere leit, so weis is Got
ouch here genedi[ge]r», so han hir dese Engelisch eyn czedil in das pirlament
gegeben und begern vom conige und von hern, das si en orlop geben, wor si
Robart a Kaym und Daniel und Trifilion gutir mochten krigen, das si di nemen
mochten als vor eren schaden, den di ir gutir in Prussen vorlorn han, di han ouch
di czedil ofgeentwirt, und was in den in erem schaden gebreche, das si so lange
hir di sopsidie entphon mochten so lange bis si beczalt worden. Ap is en wirt
czugelassen vom conige und von hern, das weis ich nicht, wi is blibet sal ich
euwirn genoden schriben. Ouch here genediger, so synt gistern 2 schiffe von
Bordebis aus Garschonyen gekomen, und di han czitunge gebrocht, wi der konig
czu Frangreich in Garschonyen ist mir wen mit 60000 man, und her hot in Garschonyen
gewonnen 3 stete. Mylion ist di eyn stat und sost andir czwu, item so
hot her ouch in Garschonien belegit Bruch und Bloya und Franchoch. Und
sicher si trossten sich selbir hir obil, si bezorgen sich in dezer czwetracht, di si
undir sich han, desen wynter zcu vorlisen al Garschonyen und Gyant, so si obir
im jor mit grossen schänden vorlorn han an swertslag das schon lant Normandia.
Und die Franczosir und di Berthuner legen hir stetis undir Engelant und roben
wen si haben mögen, Ducze adir Engelische etc., jo wol mit 30 schiffen cleyn
und gros. Genediger liber here, so thu ich euwirn erwirdigen genoden czu wissen,
wi das sich das gespreche und pirlament angehaben hot, so das sundirlich ouch
eyn czedil in das pirlament geentwirt ist van al der gemeyne in Engelant und
von dynern des irlauchsten fürsten von Jork, und ouch von dynern und getrauwen
des irlauchsten fürsten von Gloczister und begern justicia obir di vorretir, di in
so jomerlich zcum tode gebrocht han und ouch den rot dorczu gegeben han. Dis
ist nu ofgeschoben bis das der wirdige forste von Jork kumpt mit dem von Nort-
folke und mit dem von Emdeil und Northommerland und mit dem von De-
finczir, di synt noch nicht gekomen. Wen di komen, Got gebe, das si al ding
gut machen. Und was ich den in der worheit vorneme, sal ich euwirn genoden
eygentlich schriben. Hirmete genediger liber here, so bevele ich euwirn furstenliche
genode dem almechtigen Gote, obir mich stetis zcu gebittenden als obir
4) gonodir K.
Digitized by ooQle