Vollständiger Band - Hansischer Geschichtsverein

Versammlung zu Lübeck. — 1450 Sept 21. 507
korcz foste noch geistlich und wertlich domm liden sullen. So allirgenediger here,
so habe ich hir vornomen dorch den erwirdigen fromen hem hern Cardinal von
Jork, der nu das licht der Weisheit ist in Engeland und al ding nu gotlich, erlich
wedir in sossunge brengit in Engeland, wi das sich myn here konig nu al der
missetetir gutir undirwynt und dorvon wolde myn here konig den beschediger
eren schaden beczalen; und so ich ouch vornomen habe, so was den sendeboten
so metegege[be]nB, das euwirn genoden undirsossen noch mogelichkeit ir schaden
were vorgutit worden und allis dorczu was aus der hense genomen ist, so ich den
enwirn erwirdigen genoden in korcz ap Got wil selbir sagen wil adir aus Flandern
schriben, ap ich wedir czurogke czoge, wen ich meyne wol, di vornugonge, di man
den beschediger hette gethan, wem di sendeboten zcu euwirn genoden komen,
solde euwirn genoden wol behagelich syn gewest. Idoch wi wir dach den hir ge-
rostirt worn an libe und an gute, so ist dach nymant um eyn S) zcu schaden
komen und synt wedir los gege[be]nb, wiwol uns di stete von der hense keyn
bolffe teten. Und unsir gutir haben wir das meiste teil geschift und si synt von
tage vom vorland czu Engeland gesegilt in Selant, unser here Got vorlei eyn
behalde[n]c reyse. Ich habe ouch wol of 1000 mark Prusch in. Sundir allir cof-
man hot hir must sweren und geloben, der do weg ist gesegilt, ap in der here
koning wedir inheischen worde und eyn der cofman schrebe wedir inczukomen.
Sünder ich habe nicht gesworn und ich habe eyn sicher geleite genug und [bin]a
sere gelibet von allen h[e]rn®, geistlich und wertlich, und ouch von fischmangirn,
di uns allirmeyst vorfolgen, und is geit mir noch bas den mich etliche in Danczke
geseynet han etc. Allirgenedigister liber here, so ich den ouch euwirn erwirdigen
genoden geschreben habe, wi di gemeine vor den irlauchsten fürsten hern herczog
czu Jork in Irlant geschreben und gesant hatten, der auch dor aus Engeland
dorch Sutfolk etc. und manchir rot mir vor seben jor gebannen was, so das her
obirsegelte und wolde landen in Engeland, do was der baron von Dudele und der
apt von Gloczister, her ist ouch der bisschof eyn, und Polfort, der myn genedigen
hern von Gloczister seliger gedechtnisse tote, di wolde in nicht landen lossen. Do
landit her in Waus und czog und fing si al drei und vil di do mit im worn, so
das her si in eyn torm saczte und schrip das der stat von Londen und in alles
lant, so das allis lant fro was syner komunge so und schrip im, her solde komen
und wilkom wesen und ap im imant icht thun wolde, si wolden al bi im wesen
und bi im stehen. So das her qwam mit fil grofen und baron czu London 14
tage noch Michaelis, und her hat mit im, das ich selber sach, wol bi 15000 man,
wen her reit in 4 stunden mit volke kume dorch das seip zcu Londen, und ich
sach myn tage ny so vil frisches volkis of eynem huffen, noch was ich zcu myns
hern koniges cronunge zcu Polen, do manch frisch man was, als euwirn irwirdigen
genoden wol wissentlich ist. Und her reit strackis zcu Westmonstir, do der here
konig was, so das do 2 bannerhern, also lort Schalis und Bodiwil, der des her-
czogen von Betwort husfrauwe getruwit hot, in entphingen, of ir kny sytzende,
noch des seten der lande, so das her drang mit dem volke in des hern hern
koniges palas vor den hern koning und vil of syn kny, so das der here konig im
entkegen gink und eyn fruntlich entphing und rokete in of czumole fruntlich. So
das im der here koning den andirn tag gap al macht im pirlament, und als das
her tut, das ist des hem koninges volbort. Und myn here furste von Jork syn
groszvatir, der was konig Riczart brudir, den myns hem grosfatir des koniges,
konig Hynrik der virde in Engeland vortreip. Und nu sal bis montag sich an-
a) inetegegen K. b) gegen K. c) behalde K. d) bin fehlt K.
e) bim K.
64*
Digitized by ooQle