Vollständiger Band - Hansischer Geschichtsverein

Versammlung zu Labeck. — 1450 Sept 21. 497
des landes Pratzen van erer herschop unde lande tusschen en beyden, de den
hensesteden nicht int gemene beroret, unde were ok nicht recht, dat umme so-
dane afgesundergeden zake de hensestede int gemeyne in eren olden vryheyden
worden geserighet unde gekrenked. Jodoch wert de here koningh de articule an-
nemen unde de dachvard to besendende, so vorscreven is, unde* darsulves etlike
uprichtlike privilegie nochafftliken vorbracht werden, so willen de stede van der
hense gerne darto helpen, sovele an en is, dat tusschen deme heren koninghe
unde den van Pratzen sulkent möge gudliken vorenet werden.
8. Vortmer den anderen artikel hebben de heren sendeboden des koningbes
nicht angenamet, jodoch den steden van der hense dunket, soverne de here
koningh dat van herten menet, so [to]b vorhopende is, dat he vormiddest synen
scriften unde ok dorch syne sendeboden en heft to kennende gheven, wo dat he
heft enen bereden sin to vornygende unde to beterende de olden vruntschop unde
sodaner mishegelicheyt unde overvaringe dar wedder besehen etc., dat denne
syne konichlike gnade nicht schal myden sodane middel, darmede vaster vor-
sekeringe unde beholdinge der vruntschop scheen möge, de ane twivel to hopen
is, soverne de stede in Engeland ziik darto vorbinden. Wente id mochte komen,
dat de here koning were uthheymisch edder anderer reddeliker wise bekümmert
ofte gehindert, so dat deme copmann van synen gnaden, ofte yenich gebrek edder
nyheyt deme copman wedder syne vriheyde unde privilegie weddervore, nicht
mochte vorseen ofte gehulpen werden, unde alse denne edder in gheliken geval
hedde de copman doch de vorbenomeden stede eme gesät unde ordinert to be-
schermynge syner vriheyde. Ok van sodaner medevorsegelinge volgede groter
leve unde vaster voreninge twisschen deme heren koninghe unde der hense. Ok
en is diit neen nige dingh, wente deme geliik de here hertoge van Burgundien
dat also holt myt deme copmanne to Brucge in Flanderen, dar de copman de veer
lede vorplichtet unde vorbunden heft etc. Ok is vorsinlik unde to geloven, dat
noch olde scrifte sin, dar men uth vindet, dat de van Lunden unde andere stede
in Engeland deme copmanne ziik hebben vorplichtet unde vorbunden. Ok darinne
en geschuet neen achterdeel deme heren koninge, wente diit myt sineme weten
unde willen scheen schall.
9. Umme den dradden artikel, alse van wegen ener nyen dachvart up to
nemende, is to seen uth erer scrift, dat de heren sendeboden de genöeh annamen
unde gevolgich sin, so dat nicht nod is, darin deper to seggen ofte to argueren, ok
van der stede unde tiit wegene is genfich besorget in den vorarticulen.
10. Undec alze denne van des lesten articules wegene, umme afftostellende
sodanne arrestament, dat up den copman in Engeland schal gedaen wesen, ant-
werden unde gesynnen de heren sendeboden, dat an beyden siiden de gevangenen
loset werden etc. So dunket den beren sendeboden van den steden, dat sulkes
nicht recht en is, dat umme ener stad unde vrommede daet willen andere unschuldige
stede scholen liden. Okd en schal men id so nicht vorstaen, dat de
stede van der hense Sn corpus in sulker wise sin, dat umme ener stad daet ofte
geschichte willen de ander stede beswaret, angelanget, arrestert edder upgeholden
mögen werden, geliik oft se eneme heren behoreden alse Engeland, sunder se sin
wol en corpus in etliken vrantscoppen unde vorbintnissen, darinne se myt en
a) ibique de aliquibus legitim» privilegii* regni Aoglie sufficienter constiterit Rk. 9 b) to fehlt L
c) § 10 in L von a. Hand übnachrittoen: wo dat de henze een corpus sin schole. In K l com Frunt a. R.
bemerkt'. Nota bene istud, quod ciriiates hanae dicuntur tamquam corpus. d) Nec sie banza
reputanda est unum corpus, videlicet ut pro delicto aut excessu unius civitatis omnos debeant puniri ac si
unicum haberent dominum prout habet regnum Anglie, sed bene sunt unum corpus quoad certa federa et
amicicifts, in quibus conveniunt. Rk.
Hanaereceme v. 1431—7C. III. 63
Digitized by ooQle