Vollständiger Band - Hansischer Geschichtsverein

466
Versammlung zu Bremen. — 1450 Jun. 24.
vorramed dorch de heren radessendeboden der stede van der Dutschen hanse
darsulves to daghe vorgadderd begrepen, ingesed unde ordineret is, dat de heren
sendeboden, de uppe dersulven dachvard bii deine grodmogenden heren, hern
hertoghen van Borgondien to treckende, umme bii sinen gnaden to vorsokende
unde vorarbedende, dat deme coptnanne van der Dutschen hanse imme lande van
Vlanderen sine vriigheide unde privilegia geholden mochten werden, utgeverdiget
worden, uppe desser dachvard, wes em bii deme obgenanten heren hertogen wedervaren
were, wedderumme inbringhen scolden: hiirumme hebben de erbaren sendeboden der
stad Lubeke, bii namen her Wilhelm van Calven, borgermester, unde mester
Arnd van Bremen, doctor vorbenomet, de to sodaner botschup mit itliken anderen
erbaren heren van den steden na inholde enes articulis“ des vorgherorden recesses
im jare 49 vorramed gheordinert unde gheschikket weren, imme afwesende erer
medeghesellen den vorgerorden heren radessendeboden, wes en bii deme dicke*
nanten heren hertoghen is weddervaren, muntliken vorclardb unde ingebracht.
Ok hebben desulve borgermester unde doctor den heren radessendeboden enen
breff van den vilgenanten heren hertogen, en unde eren medegesellen to der
stede unde copmans van der Dutschen hanse behoff vorseghelt, don lesen. Ute
welker muntliker inbringinge unde vorsegelden breve de heren radessendeboden
irkant hebben, dat deme copmanne van der Dutschen hanse de gebreke, imme
sulften breve berord, imme lande van Vlanderen, sunderges wanner sulke vor-
seghelinghe gheholden worde, to ener redelken wiise remediert unde gebeterd
weren, sunder de copman van der Dutschen hanse to Brugge in Flanderen resi-
dencien holdende heft siik dorch den ei-samen her Johanne Ghebinge, eren secre-
tarium, vor den vorghescreven heren radessendeboden muntliken unde ok dorch
itlike ere scriffte swarliken beklaget, wodane wiis van den articulen, welke de
obgenante here hertoge den sendeboden der stede van der hanse, so vorgerord is,
hebbe ghelovet unde vorsegheld, in der warheid weynich ofte nicht geholden
werde, sunder dat de copman unde sciipheren van der hanse mer unde nier be-
swaret unde in den havenen dessulften landes en dat ere dagelinx4 genomen unde
affhendich gemaket werde. Worumme de heren radessendeboden siik dupliken
hebben bekümmert mit desseme nascreven articule, off6 id na gelegenheid der
sake nutte, profitlick unde radsam sii, den copman van Brugge to eschende unde den
Stapel in ene andere stede to leggende. Unde nachdeme dat sodane articule
wichtich, swar unde de stede van der Dutschen hanse in Pratzen, in Lifflande
unde anderen landen beleghen int gemene unde ok sunderlinx anrorende is,
hirumme, umme affwesendes wiillen sodaner stede, hebben de heren radessendeboden
vorscreven in desseme articule nicht entlikes konen noch moghen sluten,
sunder se hebben geordinerd, dat de ersame rad to Lubeke umme desser unde
anderer nascreven articule unde ghebreke willen na older wanheid de stede van
der Dutschen hanse ghemenliken, wor de beleghen siin, binnen Lubeke uppe sunte
Mathei dach negest komende des avendes in der herberghe to sinde bii der penen
ener mark goldesf unde vorlesinghe der Dutschen hanse vrigheide unde Privilegien
to eyner tiid, na der stede de darsulvest binnen Lubeke denne vorgadde-
rende werden erkentnisse, na inholdinge ener nottulen uppe des rades van Lubeke
vorbeteringhe darap vorramet, umme in sodane vorgerorden unde ander nascreven
a) sic />, artikels Kl. b) hebben vorclard L. c) Zum Folgenden ist in Kl tm
der Hand Frunts a. R. bemerkt: Istud apposueront Lubicenses, clerico mercatoris Bruggensia et me coatra-
dicentibus. d) dageliges Kl. e) Hiertu hat Frunt in K l a* Ä. bemerkt; Si ii
ista dieta fuit judicatum et yisum, grave fore absque consensu omnium civitatnm erocare mtrcaiorea d«
Flandria, sie pari racione non minus grave videtur, eum inibi reponere Tel reetituere absque consensu,
f) a. R. Nota pena L.
Digitized by G o o g l e