Vollständiger Band - Hansischer Geschichtsverein

452
Versammlung zu Pern&u. — 1450 Mai 4.
sunderlinges guden vrunde. So als unsir dryger stede Rige, Darbte und Revel
radessendebadeu to Naugarden van der gemenen stede wegen sin gewesen und
mannigerhande handelinge mit densylven Naugardern gehat hebben van des ge-
menen kopmans saken, und int ende so hebben se eynen biivrede mit den Naugardern
gemaket und bekusset, welkes biivredes beschryvinge gii aveschriiffte
hirinne vorsloten vinden, de gii overlesende wol vornemende werden. Und leven
heren, so als uns desylven unse radessendebaden ingebracht hebben, so konden
se nene wege noch wiise vinden, dat se to jenigen anderen dingen komen mochten
mit den Naugardern. Und als se dan datsylve vorslagen hedden, so was openbar
vor ogen mannigerhande vorderff, schaden“ und hinder dem gemenen kopman
und uns allen to besehende, besunderlinges dat de stede der Dutschen hove qwiit
weren worden, wante etlike ungehorsam Dutsche koplude in dem namen van den
steden dar leger daruppe begrepen hadden. Und ok so weren bynnen Naugarden
boven 10 offte 12 Russche hove mit Dutschen kopluden besttowet und besät.
Desse vorgescreven vorderve und mannigerhande andere sake hebben unse vor-
gescreven baden darto bewegen, dat se dissen biivrede mit den Naugardern
hebben upgenomen ume groteren schaden «to vormidende. Diit willet int gude
upnemen und uns des int arge nicht wiiten, wante de Naugarder wolden nicht
tolaten, dat de overzeeschen hir to lande to en up dat olde komen mochten etc.
Isset aver sake, dat juwe ersamheit dar vorder wes nutsames kan inne kennen
to donde, dar solle gii uns gutwillich inne vinden. Vorder leven heren, so geven
de Naugarder tor klacht vor, dat de honnichtunnen to klene sullen wesen, de to
en komen, darume dunket uns nutte sin, dat gii alume bestellen, dat de tunnen
gemerket werden undir der stad merke, dar et utgegan sii. Isset, dat men dar
recht over gevende werde, dat de unschuldige dar unbetichtet mede blive. Ok
klagen se van körte allerleye lakene und van unredeliker packinge des heringes,
bidde wii ok to bestellende, dat eyn solk gewandelt werde, besunderlinges to
Alborgh und in anderen jegenoden dar herink gefangen wert, dat he dar redeliken
gepacket werde. Darmede blivet Gode almechtich bevalen to langen saligen
tiden. Gescreven up den mandagh na Philippi et Jacobi sanctorum apostolorum,
anno 50, undir der stad Pernowe ingesegel, des wii hirinne bruken.
Radessendebaden der gemenen Liefflandeschen stede, bynnen
der Pernowe to dage vorsamelt.
600. Dieselben an Danzig: berichten, dass die Rsn. von Riga, Dorpat und Reval,
welche auf Befehl von Lübeck nach Nowgorod geschickt waren, einen Beifrieden
auf 7 Jahre abgeschlossen haben, darup de kopman an beiden siiden
velich komen und varen mach mit sinen guderen na dem olden; bitten,
dieses den Nachbarstädten zu verkünden; melden ferner, dass die Rsn. versprochen
haben, der Klage von Nowgorod über die zu geringe Grösse der
Honigtonnen und die schlechte Verpackung des Härings abzuhelfen, und ersuchen
demzufolge, dat gii bestellen, dat de honnichtunnen undir der stad
merke getekent werden, dar se utgescheppet worden, up dat, off dar ge-
richte off geschee, dat men weten mochte, wor dat utgekomen were; desgleichen
darauf zu achtcn, dass der Häring redlich verpackt werde; verlangen
Auskunft, wo siik de dinge nu vorlopen van neminge der 22 schepe up der
Trade, dar gii de macht van uns up entfangen hebben na juwen begerte,
darvan wii noch to achter sin eyne merklike summe van dem ersten vor-
a) schaden schaden TL
Digitized by L j O O Q Le